الوسم: الفران

هاد الحوتة درتها فالأسبوع اللي قبل العيد حيت أنا فهداك الأسبوع كنبقى نطيب غير الحوت و الدجاج ، عارفة في الأسبوع ديال العيد كيولي اللحم هو رئيس المائدة ههههه ومع هو مجهد كنقول نخفف قبل من ليدام .

أنا صورتها ما زالة ما طابت و نسيت نصورها ملي خرجات من الحمام هههه بغيت نقول الفران لكن ماداقها جا رائع تمنيتكم تدوقوها والله.

إيوا هانا كيف جاتكم ؟

ما تبخلوش علي برأيكم و اللي بغات المقادير نزلها بإذن الله قريبا.

المقــــاديــــــــر

سمكة (النوع اللي يعجبكم)

الشرمولة

ملعقة كبيرة من الملح
ملعقة كبيرة كامون
ملعقة كبيرة من الملح
ملعقة كبيرة كامون
2 معالق كبار من الفلفلة الحلوة
معلقة صغيرة من الإبزار
قليل من الفلفل الحار(حسب بالذوق)
2 معالق كبار من القزبر
2 معالق كبار من المعدنوس
4 أضراس الثوم
2 معالق كبار طماطم مصبرة
1 طماطم محكوكة
ضامة البنة ديال الحوت
كأس شاي من الزيت (مائدة + زيت زيتون)
نص حامضة معصورة

250 غ روز مصلوق
زيتون اخضر مقطع صغير
شومبينيون مقطع صغير
قليل من الشرمولة

الخضر

فلفل أخضر مقطع دوائر
بطاطس مقطعة دوائر (مصلوقة شوية)
طماطم مقطعة دوائر
طماطم مقطعة على 2 أنصاف و مخلية
حامض مصير
زيتون أحمر
2 أو 3 وراق سيدنا موسى

طريقة التحضير

يغسل السمك ويفتح من الظهر

تدق الثوم و الملح والقزبر والمعدونس ويخلط الكل في إناء تضاف التوابل و الزيت و الحامض و الطماطم المصبرة و عصير الطماطم المحكوكة و ضامة البنة .
تقسم الشرمولة على 3 أجزاء.
تفرك السمكة بجزء من الشرمولة مزيان من الداخل و الخارج وتبقى تشرب المذاق.
يخلط الروز بالزيتون مقطع و الشمبنيون وتضاف عليه الجزء 2 من الشرمولة .
نستف الخضر في لاطة ديال الفرن و نزيد وراق سيدنا موسى ثم نزل الحوتة بعدما عمرتها بالروز و نعمر الطماطم اللي مخلية بالروز الباقي و نزوق بيها اللاطة ثم نضيف الشرمولة اللي بقات من الفوق بعد ما زدت عليها ربع كاس ديال الماء.
نزين الوجه بالحامض و الزيتون،
نغطيها في الأول بالورق الألمنيوم و ندخلها للفرن حتى تطيب الخضر ثم نعريها و نخليها تحمر.

و تقدم بالصحة و الراحة