الوسم: الپات

كراتان البطاطا بالكفتة والفرماج نحتاج للمقادير رابعة ديال الكفتة بصلة مشلضة 3 فصوص توم محكوكين معدنوس مقطع 2 اورق ديال الحبق ملح بزار قليل من تحميرة زيت بلدية مطيشة 1 مقطعة نشحر البصلة والتومة في زيت بلدية تم نضيف ليها الكفتة ونخليها تتشحر مزيان تم نضيف المطيشة والعطرية من بعد ميتشحرو نزيد عليهم المعدنوس والحبق وقليل من الهريسة نديرو بحساب البزار للي عملنا في الاول ونطفي عليهم وهنا سلقنا 5 بطاطات متوسطين مع الملح صفيتهم ومعستهم مع 2 فرماجات و2 بيضات من بعد ناخد المول انا هنا عندي الحجم الصغير باش يجيني الكراتان طالع كندهنو مزييييييييييييان بالزبدة ناكد انه لآآآآزم يتدهن مزيان ونرش عليه الخبز يابس المدقوق ونعمل طبقة اولى من البطاطا تم طبقة من الكفتة ودرت فوقها فرماج سندويش تم نزيد باقي البطاطا للي بقات لينا ونقادوها ونرش لاشابلور فوقها وندخلها للفران يكون سخون من بعد نخلوها تتدفى شوية وندوزو الموس على الجناب ونقلبها في طبق التقديم ولكن غير بشوية وتزين حسب الرغبة انا هنا دهنتها بالمايونيز وزينتها بالكيتشوب ووريدات ديال كاشير وفرماج سندويش والمطيشة الصغيرة وفرماج غرانا محكوك هنا ان شاء ط§ظ„ظ„ظ‡ ستكون تطبقاتكن انيقاتي https://www.anaqamaghribia.com/vb/sho…d.php?t=299410 وهنا دردشة https://www.anaqamaghribia.com/vb/sho…d.php?t=299407 في امان ط§ظ„ظ„ظ‡

],vm hguq,hj h’fhr hgپhj ( sپhڭdjd Lڭvjhk>>>>>)>>>>>>>lj[]] hk ahx hggi gfhe or sfh;jd or hghv. Hjp]n or &#1709vjhklj[]] sپh&#1709djd

كويرات الروز بفواكه البحر المقادير: الكمية على حسب عدد الأشخاص كاس الروز بصلة كبير مشلظة حفنة القمرون مقطع رقيق حفنة الكلمار مقطع رقيق الفروماج الأحمر محكوك بيضة الملح+ابزار+ضامة البنة ديال الحوت (ممكن الإستغناء عليها) الزيت البلدية صلصة ماطيشة: مطيشة محكوكة زيت بلدية+ملح+ابزار+ثومة محكوكة ورقة سيدنا موسى(اختيارية) الطريقة: فكاسرونة فوق النار ندير الزيت البلدية و البصلة تتشحر نخليها حتى تتحمر مزيان نزيد عليها الروز مغسول و نحرك حتى يتشرب نسمة البصلة نزيد الملحة و الإبزار و ضامة البنة (إلا درتها ما كنديرش الملحة) نزيد الماء الكافي باش يطيب الروز ملي يقرب يطيب الروز نزيد القمرون و الكلمار و نخلي الكل يطيب حتى ينشف من الماء نحيد الكاسرونة من فوق النار و نزيد الفروماج المحكوك مباشرة و نخلط باش يدوب نصب الخليط في زلافة كبيرة و نخليه يبرد عاد نزيد البيضة و نخلط نخلي الخليط جانبا بينما نوجد الصلصة فمقلاة على النار ندير الزيت و الثومة حتى تتشحر و تطلق الثومة البنة في الزيت عاد نزيد ماطيشة محكوكة و الملح و الإبزار و نخليها فوق النار حتى توجد نصبها في مول الكراتان نعمل كويرات من خليط الروز و فواكه البحر و نستفهم فوق الصلصة بهاد الطريقة نغطي المول بالورق الألمونيوم باش ما يقصاحش الروز و ندخلو للفران و نخليه حتى يشرب الصلصة مزيان و يتحمر هدا الشكل ديالو ملي خرجتو من الفران نتمنى تجربوه أخواتي صدقوني راه كيجي لديد بزااااف و اكيد غيعجبكم و يعجب وليداتكم اللهم أدمها نعمة و بارك لنا فيها و احفظها من الزوال آمين يارب

السلام عليكم ورحمة الله وبركاته كراتان بالمقرونية والبيشاميل المقادير. الكفتة + البصلة + مطيشة ديال الحك + المقرونية+ فلفلة حمرة مقطعة رقيقة الزيت + الملح + الإبزار + الخرقوم + الفرماج الاحمر محكوك + لاصوص بشاميل( 2 معالق زبدة كبار و 2 معالق دقيق و نص لتر حليب و شوية ديال الكوزة محكوكة و2 فرمجات و الملح وشوية ديال الابزار) الطريقة: تنوضع شوية الزيت ونقليو فيه البصلة من بعد نزيدو الفلفلة مقطعة و من بعد نزيدو الكفثة و نحركو فوق عافية مهيلة ثم نضيف مطيشة و شوية الملح و الخرقوم و الإبزار وشوية ديال الماء ونخليو حتى تطيب الكفتة ونطفيو البوطة نسلقو المقرونية مع شوية الملح وملي طيب نقطروها من الماء ونخلطوها مع لاصوص ونديروها فمول تايدخل للفرن ونخويو لاصوص بشاميل و من بعد نديرو الفرماج محكوك و ندخلوها الفرن حتى تتحمر و طيب و نقدموها بالصحة و العافية

باستا أو مقرونية بكبيدات الدجاج المقادير: تقريبا 200 غرام كبدة دجاج 300 غرام باستا مصلوقة 2 مطيشات محكوكين + معلقة كبيرة مطيشة ديال الحك معلقة صغيرة تحميرة + ملح + ابزار معدنوس وقصبور + 3 سنينات ثوم مربعات فرماج سندويتش أو 2 معالق كبار فرماج أحمر محكوك ربع كاس زيت الزيتون + شوية حبق نسيت مصورتوش الطريقة : كناخدو مقلاة نوضع فيها الزيت + كبيدات الدجاج ملي يتقلاو مزيان نزيد عليهم مطيشة وباقي المقادير من غير الفرماج والحبق ونخليها تقلى مزيان بلا منضيفو الماء ملي تقرب طيب نزيد عليها الباستا ونخلطوها مزيان ثم الفرماج وشوية الحبق مقطع وهاهي وجدات نزينوها بوريقات الحبق ونقدموها بالصحة والراحة نخليكم مع الصور

ليباط بالخضر خفيفة وبنينة غادي نحتاجو مطيشة كبيرة + بصلة متوسطة + فلفلة حمرام + فلفلة خضراء +صدر الدجاج او القيمرون الزيت + ملح + سودانية اللي ماتيبغيش الحار ايدير ابزار كنقطع الكل قطع كبيرة انديرو الزيت فالمقلاة ونحطو البصلة والدجاج يتقلاو شوية عاد نزيد باقي الخضر والملح والسودانية نغطيو المقلاة ونخليوها تطيب اعلى خاطرها باش الخضرة تطلق الما ديالها ماللي طابت الخضرةانزيد معدنوس اناخدو غير لوريقات ونزيدو ليباط اي نوع كتفضلوة ونحركو مزيان باش تنسجم العناصر وهاهي واجدة نتمنى تعجبكم

السلام عليكم هاهي وصفة اخرى ساهلة هههههه الروز باللحم قاد ماهي بسيطة بنينة مقادير بسيطة غادي نحتاجو اللحم + ملح + ابزار + سمن + زيت + بصلة مقطعة غادي نديرو كلشي فالكوكوط ونزيدو الماء الكافي ونخليوه ايطيب تقريبا نصف ساعة هاهو بعدما طاب نزيدو الروز ايكون مغسول ونردوه ايطيب ايلا بغيتو حمرو اللحم شوية فالفران او ديرو بحالي نقلب غير اعلى الساهل هههههههه هاهو بعدما طاب ونشف مزيان

السلام عليكم ورحمة الله وبركاته نجيمات بالدجاج المقادير دجاجة ،بصلة مشلظة ،كأس صغير زيت مخلطة ،4 فصوص ثوم مدقوق،ربيع مقبط،نصف ك نجيمات ،2 معالق مطيشة مركزة ،ملعقة سمن،عطرية سكين جبير،إبزار،خرقوم بلدي ،ملح ناخد دجاجة منقية ومغسولة بالخل وسكنجبير والملح ومسقطرة مزيان ندهنوها بخليط من م ك سمن و نصف م ص سكين جبير و نصف م ص خرقوم بلدي ونصف م ص إبزار و2 فصوص من التوم مدقوقين ونعمروها من الوسط بالمعدنوس و القسبور تم نوضعوها في طنجرة مع نصف كأس زيت وبصلة مشلضة و2فصوص من التوم مدقوقين ونخلوهم يتقلاو مزيان تم نضيفو 4كيسان من الماء ونسدو عليهم ونخلوهم إيطيبو على نار مهيلة ثم كناخد النجيمات ندهنوهم بشوية زيت نفورها شي 5 دقائق في الكسكاس بينما طاب الدجاج ديالنا نزولوه من المرق وندهنوه بالسمن ونديروه في الفرن يتحمر تم ونضيفو 2 معالق كبار ديال مطيشة الحك للمرق وندوقو المرق واش مزيان من الملح والإبزار ثم نضيف النجيمات إيطيبو في المرق مع التحريك المستمر حتى تشرب المرق ثم نطفي عليهم ونزيدهم ملعقة من السمن و نغطيو عليهم باش إيشربو شوية ونقدموهم بالصحة والراحة في امان الله

المقادير 2 حبات بطاطس مقطعة مربعات بصلة ما بين صغيرة او متوسطة مقطعة رقيقة نصف كاس زيت رومية مقلة متلصقش ههه ملح طبعا وابزار او كمون حسب لي يعجبك اكثر 3 بيضات الطريقة حطي البطاطا والبصل والملح والزيت في مقلة غير لاصقة وحركي مرة مرة وحاولي تخلي المقلة مغطات باش يرجع الصهد عليهم وطيب دغيا ..راه ما تاخدش الوقت بزاف ربع ساعة مع التحريك او 20 دقيقة الا كانت الكمية كثيرة وباش تعرفي طابت دوقيها او دخلي الموس في قطعة ديال البطاطا غدي تعرفي فاش طيب رشيها بابزار او كمون وضربي البيض مع شوية ملحة وخلطي الجميع ورجعي للمقلة وخليها طيب على نار مهيلة على الوجه الاول ثم قلبيها على الوجه التاني ..او ممكن تحركي الخليط بلا ما تاخد شكل طورطية كتجي زوينة حتى هي وها النتيجة اما الا ما بغيتيش شكل الطورطية خلطي بحال هكا

كويرات السردين مع الروز هاد الطبق لذيذ وبسيط وساهل نبداو على بركة الله المقادير كالتالي : 250 غ روز كلاصي تقريبا 300 غرام كفتة السردين 3 مطيشات كبار قصبور ومعدنوس و2 سنينات ثوم ملح كامون تحميرة زيت زيتون ومعلقة كبيرة معجون الطماطم 2 وريقات الرند معلقة زبدة الطريقة : ناخدو ايناء نوضعو فيه الماء الكافي نزيدو عليه معلقة الزبدة ووريقات الرند وشوية ديال الملحة ونديريو فيه الروز يطيب بلا منغسلوه (باش ديك النشا ديالو يبقى ويساعدنا باش يتجمع الروز ) على مايطيب لينا الروز نحضرو لاصوص وكويرات السردين ديالنا فمقلاة كنوضعو مطيشة محكوكة وزيت مع باقي العناصر وملي تشحر نزيدو عليها كويرات السردين ونخليهم يطيبو مكنديروش الماء بصفة نهائية باش تجي لاصوص عاقدة وملي يطيب الروز نصفيه ونخليه شوية يبرد وناخد مول ديال الكيك اللي مفتوح من الوسط وندير طبقة ديال الروز ونتبتها مزيان وندير طبقة لاصوص ثم الروز ونتكي عليهم مزيان ونحطهم فإيناء التقديم ولاصوص اللي بقات لينا نحطوها فوسط القالب ونتمنى تعجبكم نبقاو مع المراحل المصورة :

المقادير زلافة ارز مغسول ومرقد ساعة لحم حسب الرغبة بصلة كبيرة ورسة سيدنا موسى 3 حبات قاع قلا او الهيل 3 حبات قرنفل اعواد قرفة ملح وزيت ابزار وخرقوم الطريقة نشحرو اللحم مع البصل والملح مزيان من بعد نضيف ورقة موسى والهيل والقرنتفل واعواد القرفة والماء ونسد عليه كوكوت حتى يطيب ..ونضيف الررز ديالنا ونخليه حتى يتشرب البويون مزيان وها هو واجد https://www.anaqamaghribia.com/pic/in…q2p4k0s563.jpg

نفتتح دورتنا الثانية للعضوات بكلمة شكر بحق كل من شاركتنا التميز للرقي بمنتدانا بارك ط§ظ„ظ„ظ‡ في الجميع و الف الف شكر بامكانكم نسخ البطاقة و تزين توقيعكم ستجدن هنا وصفات رااائعة و متميزة اضغطوا على العناوين لتصفح الوصفة 1-كرتان بالشفلور وبطاطا 2- لزانيا بالبطاطا 3- الكريب بفواكه البحر 4- كراتان بالكرعة و الدجاج و البشاميل 5-غراتان مقرونية بلاصوص بولونييز والبيشاميل 6- طاكليطيل بالاجبان روعة 7- سباكتي بالبروكولي 8- كرتان بالمقرونية والدنجال 9-كراتان بالخضر والكاشير بالبيشاميل 10- سباكيتي بالكفتة و الخضر منسمة بالحبق 11-مقرونية بالخضرة والطون 12- moussaka ، كرتان على الطريقة اليونانية 13-كراتان بالشفلور ولاداند بالبيشاميل 14-سباكيتي بالخضرة و الطون 15-سباكيتي بالكلمار و الخضرة 16-كيش بالطون و عجينة البيتزا 17- فوزيلي بصوص مطيشة بطريقة مختلفة شوية على المعتاد 18-شعرية ديال المغرب ، بنينة بنينة بنينة بزاف . مرحباً مرحبا 19– tagliatelle بالكريمة و القمرون و la ciboulette 20-كرتان بلداند والمكور 21- معكرونة mix بالكريمة 22-البسباس في الفرن ، وشحااال لذييييييييييييييذ ممممم 23- tagliatelle بالكريمة و الدجاج و الخضرة

],vm hguq,hj hgjhkdm h’fhr hgپhj ( sپhڭdjd Lڭvjhk>>>>>)>>>>>> hggi ahx or &#1709vjhk or &#1709vjhklj[]] sپh&#1709djd

كرتان بالشفلور وبطاطا كنحتاجو :شفلور مصلوق+بطاطا مصلوقة مع تومة+كفتة+بصلة مشلظة+فلفة حمراء مقطعة رقيقة+ملح +ابزار+كامون +تحميرة+عطرية د الكفتة+2بيضات+معدنوس+زيت بلدية صوص بيشاميل:نصف لتر حليب+3معالق زبدة+3معالق طحين+ملح +ابزار+كوزة محكوكة+فرماجة+فرماج محكوك الطريقة :كنشحرة بصلة وفلفلة وكنزيدو كفتة والمعدنوس والعطرية للي كتبت ونشحرو حتى تنشف الكفتة ونخليوها على جنب البيشاميل:ندوبو الزبدة ونضيفو الطحين ونحركو ونضيفو الحليب مع التحراك حتى تطلق وتختار ونضيفو ملح وابزار وكوزة وفالاخير فرماجة ونرجعو ناخدو الشفلور وندوزرة فبيضة مطربة ونقليوه ونخليوه ينشف ويبرد ونمعسوه هو البطاطا ونضيفو ليه البيضة للي بقات وشوي د البيشاميل ومعدنوس وملح وابزار وندهنو المول بالزبدة ونرشوة بالشابلورونسرحو فيه نضف الخليط ونضيفو الكفتة للي شحرنا ونزيدو نصف الاخر نغطيو بيه ونرجعو ناخدو البيشاميل للي بقا ونخلطوه مع فرماج محكوك ونديروه من الفوق وندخلو المول للفرن يطيب ونقدموه سخون بالصحة والراحة والصور تشرح اكتر كنتمنى الوصفة تعجبكوم وتجربوها فعلا كتجي راااائعة

السلام عليكم ورحمة الله تعالى وبركاته لزانيا بالبطاطا المقادير الكفتة 3لبطاطات مقطعين د وائرومقليين غيرنصف قلية او مصلوقين صلصة مطيشة بصلة مقطعة وتومة ورقة موسى- ابزار – ملح – معدنوس مقطع فرماج محكوك موتزريلا لصوص بيشاميل انا تندير 2 معالق زيت عوض الزبدة تنشحر بصلة مع زويتة بلدية وتومة من بعد نضيف الكفتة شوية ونزيد لصوص مطيشة ورقة موسى وملح وابزار ونخليها تطيب في الاخير نضيف معدنوس ونطفي في مول نستف بطاطا نزيد لكفتة تم لصوص بيشاميل تم الموتزريلا والفرماج والى الفران تتجي لذيذة بزاف خصوصا لبي بطاطا مقلية الصور توضح اكتر انتضر دعاكم تحياتي

بسم الله الرحمن الرحيم السلام عليكم ورحمة الله تعالى وبركاته الكريب بفواكه البحر المقادير : كلمار ،قيمرون زيتون أخضر مقطع شومبينيو مقطع المعدنوس ،الملح ،الكمون ،إبزار ،سودانية ،تحميرة ألتومة محكوكة نشحر الكلمار شوية فالزيت ومن بعد نضيف المعدنوس والتومة والتوابل ونحرك ونخليه يطيب تم نضيف القيمرون والزيتون و الشومبنيو ونخلي الكل يطيب حتى تنشف من الماء لتحضير الكريب كانحتاجو :ربع ليتر حليب ،2 بيضات ،2 معالق زبدة دايبة ،100 g دقيق ،شوية ملح ،إبزار نوضع كل المقادير إلا الدقيق فالخلاط الكهربائي ونخلط كلشي و من بعد نبقى نضيف الدقيق غير بشوية نسخن مقلة دالتيفال ونبدا نطيب دابا ناخد الحشوة ونعمر الكريب مين نسالي الكمية لي عندي نوجد صوص بشاميل ندوب معلقة كبيرة زبدة ونضيف عليها معلقة ونصف دقيق مع التحريك تم الحليب ،شوية الملح إبزار الكوزا و مانوقفوش التحريك حتى نحصلو على صوص تقيلة شوية نفرغوها فوق من الكريب لي عمرنا وندردرو عليها الفرماج محكوك وندخلوها الفرن و هاهي مين وجدات نتمنى تعجبكم الوصفة أخواتي

كراتان بالكرعة و الدجاج و البشاميل المقادير : 3 كرعات كبار ملح طريقة التحضير : نغسل الكرعة و نقسمها إلى أربعت حصص متساوية و نفرغها من الوسط و نرشها بالملح و قليل من الإبزار تم نضعها في كسكاس و نخلوها تبخر من تنضج نخلوها تبرد و تقطار من الماء تماما مقادير الحشوة : 400g صدر دجاج مقطع مكعبات صغيرة 200g بصل مقطع مربعات صغيرة قليل من المعدنوس مقطع زيت الزيتون زيت المائدة قليل من ملح قليل من إبزار قليل من سكنجبير قليل جدا من الكامون قبصة صغيرة قليل من راس الحانوت ديال الموزية قليل من عطرية ديال الدجاج طريقة تحضير الحشوة : في مقلات فوق النار نشحر البصل مع الملح و الزيت حتى يصبح شفاف تم نضيف إليه الدجاج و العطرية و نخليواه يطيب و تشحر مزيان تم نضيف ليه المعدنوس و نخليو الحشوة تبرد مقادير صلصة اليشاميل : 1/4l حليب 1 و 1/2 م ك دقيق 1 و 1/2 م ك زبدة 1 قطعة جبن مثلت قليل من الملح قليل من الإبزار قليل من الكوزة محكوكة قليل من الجبن المبشور طريقة تحضير البشاميل : في إناء فوق النار ندوب الزبدة ثم نضيف الدقيق و نترك الكل يطبخ قليلا ثم نضيف الحليب و الملح و البزار و الكوزة و نترك لكل يغلي مع التحريك المستمر حتى يعقد الخليط تم نضيف قطعة الجبن و نحرك الكل جيدا ثم نرفعه من على النار و نتركه ليبرد طريقة تحضير الكراتان : نضع الكرعة في مول و نعمروها بالحشوة و نرشها بالفرماج تم نخلط قليل من الفرماج محكوك مع صوص بشاميل و نحطوها بالمعلقة على الكرعة ثم نضع الكراتان في فرن معتدل الحرارة حتى يتحمر و يقدم بالصحة و العافية أتمنى أن تعجبكم الوصفة و تقومو بتطبيقها

السلام عليكم ورحمة الله ليوم ان شاء الله نقدم ليكم غراتان مقرونية بلاصوص بولونييز والبيشاميل باسم الله نبدا بالمقادير : مقرونية مسلوقة مع الملح وشوية زيت بلدية باش متلصقش ندوزو لاصوص بولونييز : 3 ماطيشات محكوكات 2 معالق زيت الزيتون ورقة سيدنا موسى معلقة زيت رومية 2 ضروس توم معلقة صغيرة سنيدة شوية زعتر يابس معلقة او 2 ماطيشة الحك لتوابل : ملح ، ابزار ، راس معلقة كمون الكفتة من تكون متبللة من قبل الطريقة : نضع التوم والماطيشة والزيت بنوعية والتوابل وورقة موسى ونقلي الكل من بعد نضيف ماطيشة الحك نصف كاس ماء ونحرك ونضيف الكفتة ونبدا نحرك حتى تفرتت ونضيف الربيع ونحرك تاني حتى تختار الصلصة ديالنا من بعد ندوزو لتحضير صلصة البيشاميل : نصف لتر حليب 2 معالق زبدة 2 معالق دقيق ملح + ابزار ڭوزة ( مدرتهاش ) الطريقة: في كاسرول ندوب الزبدة ونضف الدقيق وحنا كنحركو بسرعة باش ميتكورش لينا ونحرك غي نشوف الخليط نسجم نضف الحليب تدريجيا وحنا كنحركو غي يبدا الخليط يعقاد نضيف الملح والابزاف ونحرك حتا يعقاد دبا ندوزو للمونطاج : ناخد نصف المكرونه نخلطها مع شوية بيشاميل والفروماج المحكوك ونديرها في مول مدهون من قبل بالزبدة تم نضع لاصوص الطماطم ونغطي بالمقرونية المتبقية ونصب البيشاميل والفروماج المحكوك وندخلوها للفرن تشد راسها ونخليوها تبرد شوية ونقدموها بالصحة والراحة انا زربت عليها حيت مول الدار جاه الجوع دمتن بود

طاكليطيل بالاجبان روعة [IMG][/IMG] هدي طريقة نطيبو بيها لطاكليطيل كتجي زوينة وتعجب خاصة الدراري في مقلة نديرو بصلة صغيرة تتشحر في شوية الزبدة نزيدو عليها الشومبنيو انا درتو طري ممكن نديرو المعلب ونخليوهم يتشحرو شوية نزيدو عليها كاس كريم فريش ونصف كاس الحليب والبزاروالملح غير شوية نخلطو كلشي ونخليوه ينسجم [IMG] في نفس الوقت نكونو درنا لطاكلطيل يتصلقو في الماء والملح وشوية الزيت مني تصلق نحاولو نخليوها قابطة في راسها شوية باش تكمل الطياب في لاصوص نحركوها مزيان ونخليوها حتى تشرب لاصوص مزيان ونزيدو عليها الاجبان لبغينا نخلطو جيدا حتى تدوب الاجبان ونقدموها سخونة وبالصحة والراحة اللهم ادمها نعمة واحفظها من الزوال

السلام عليكم ورحمة الله سباكتي بالبروكولي المقادير : نصف كيلو سباكتي بروكولي وحدة أو أكثر حسب الرغبة فهاد الوصفة عينيك ميزانك ثوم زيت زيتون ملح ، ابزار ، طريفات الأنشوبة المملحة ممكن الإستغناء عنها فلفلة صغيرة حسب الرغبة كذلك وجبن البارميجان الطريقة : أول حاجة نغسلو البروكولي وبقطعه وريدات صغار ، هداك الساق ديلو نعمل فيه علامات زائد بش يدخلوا طياب ويتقد فالوقت مع الوردة وقبل منبدا نقطع فيه من أحسن بش نستغلو الوقت مزيان ، نعمل ماء في طنجرة ومعه ملح يغلى فوق العافية غير يغلى الماء مزيان ، نضيفو البروكولي مدة 5 دقائق في هاد الوقت نعمل جانبهم مقلة تسخن نضيفو الزيت وثوم وملح وابزار وأنشوبة المملحة لمعندوش مشي مشكل ، والحارة مقاطعة صغيرة ، هدشي كامل على نار مهيلة نرجعو البروكولي ديالنا أتكون دزت 5 دقائق غادي نزيدو عليهم الباستا ديالنا ، ونقراو شحال من دقيقة خصها طيب ، ونحديو معها مزيان بش ماتجيش معجنة وقد ما بقات أدنتي حسن ، حتى بنسبة للهضم ، المهم إلا كانت عندنا 11 دقيقة غادي نطيبوهة مع البروكولي 9 دقائق ، لأنه هداك جوج دقائق لبقين غادي نكملو طيبها فالمقلة مع العناصر لعندنا بش تشرب أكثر المهم ههيا مني وجدة عندنا نسفيوها ، أنا كنهزهة غي بالفورشيتة ونضيفها فالمقلة ديالنا ، هداك الماء خصنا نسفيوه حيت تيبقا فيه البروكولي مفرتت نضيفو برمجان محكوك ونبقاو نحركو حتى تشرب الباستا ديالنا الخليط لي فالمقلة ، دوقو الملح بش توزنو المداق ، ومتنسوش أنه طيبة أصلاً في ماء مملح ، والعناصر عندنا مالحة بحل برميجان وأنشوبة …..ممكن نعملو هاد الوصفة بصلصة الطماطم ولكن ره كتسرق شوية المدق ديال البروكولي ، هاد الوصفة هكدا كتجي كل حاجة فارضة المداق ديالها وواضح ، بنسبة للتوم ممكن إلا متعجبكمش حيدو هدوك أطراف ديالها قبل ما تزيدوا الباستا ، أنا خليتها ، ممكن رشة ربيع من الفوق ، سمحوا ليا كنحاول نكتب قادر المستطاع من النصائح المتواضعة بش إلا قررتو تجربوا أي حاجة تعرفوا التفاصيل ، بعد المراة بكثرة مكنبقة نتفكر أي تفاصيل ولو صغيرة كنسدق معرفش شنو بغى نكتب ههههه بصحة وراحة اللهم أدمها نعمة يا رب وبارك لنا فيها وحفظها من الزوال متنسونش من صالح الدعاء اخواتي وأي إستفسار أنا رهن الإشارة أحبكن في الله

كرتان بالمقرونية والدنجال [IMG][/IMG] هدا واحد الكرتان بالدنجال والمقرونية كيجي فن ولديد اول حاجة في مقلة نشحرو بصلة مع شوية الزيت البلدية ومليحة نزيدو عليها خيزو محكوك غير وحدة كبيرة او جوج صغار ثم نزيدو واحد العريش الكرافص مقطع نشحرو كلشي مزيان نزيدو لاصوص مطيشة وشوية الزعتر محكوك نخلطو كلشي مزيان وها لاصوص واجدة نقطعو الدنجال دواءر نملحوهم ونقليوهم شوية ناخدو مول الفران ندهنوه بالزبدة ونرشوه بشابلير نديرو طبقة ديال المقرونية مصلوقة بشوية الملح والبزار نرشوها بالفروماج محكوك ثم طبقة ديال الدنجال مقلي والصلصة لوجدنا في الاول ونبداو نزلو فروماج المودزغيلا او ممكن فروماج محكوك اموجود عندنا ندخلوه الفرن حتى يتحمر وعناكم تحمروه بحالي هههههه ونقدموه مع سلطة بالصحة والراحة اللهم ادمها نعمة واحفظها من الزوال

بسم الله على بركة الله: كناخد بطاطا+خيزو+جلبانة كنقيهم ونقطعهم مربعات وكنبخرهم بشوية الملح فهاد الاثناء كنوجد صلصة البيشاميل الكل كيعرفها ملي كتوجد الصلصة كنيزدها بيضات ونطرب مزيان ملي طابت الخضر كناخد مقلاة كندير فيها الزبدة+ابزار+ثوم+معدنوس كنشحر الخضر ديالي مزيان حتى يشربو العناصر كنخويهم فاناء كيدخل للفرن وكنغطيها بالبيشاميل وكنحتفضو بجوج معالق كندخل الكراتان للفرن شي د 20وكنخرجو نستف الكاشير بحال الصورة وكنخوي عليه دوك جوج معلق البيشاميل اللي احتفظت بيهم وكنرش الفرماج ونعاود ندخلو اللفرن واحد 10د وهاو ميل طاب وتحمر كنزينوه بشوية الزيتون اسود وبالصحة والراحة كيجي خفيف وبنين كنتمنى يعجبكم وتجربوه