تبث في 12/02/2019
bent bladi
السلام عليكم ورحمة الله وبركاته
كيدايرين ألحبيبات نتمنى تكونو بألف خير
كيفما عارفين متنتخيلوش نهار جمعة بلا كسكسو
داك علاش قررت ندير كسكسو وخا معنديش لخضرة كثيرة😀
المقادير
بصلة،مطيشة،ربيع،خيزو،لفت بأنواعه،الحمص مرطب،الملفوف،القرعة الحمرة (يمكن إضافة الخضر الموجودة حسب الرغبة)،فلفلة حارة
ملح ،إبزار،سكينجبير،خرقوم،سمن،اللحم،ملون،زيت زيتون
سميدة غليضة (أنا عزيز عليا نكسكسها متنبغيش المكسكس)
الطريقة موضحاها الصور
1: نوضع مطيشة والبصلة مقطعين كبار شوية في البرمة ونظيف شوية دزيت زيتون ونخليهم يتشحرو
ونزيدعليهم العطرية واللحم ونخليوهم يتشحرو مزيان
2:نزيد الماء الكافي ونضيف الخضرة: لفت, وخيزو ,ولحمص, وربيع مقبط, وسمن
يتبع
ونخلي البرمة حتى تغلى مزيان وفهاذ الوقت نوجدو السميد نكسكسوه بشوية دالماء
.
والغربال الغليظ إلا تكور لينا شوي سميد تيعاونا
3:تنوضعو السميد فالكسكاس ونخليوه يفور مزيآآن
ومن بعد نسقيوه بالماء والملح ونعاودو نوضعوه يفور مرة أخرى ونعاودو نفس العملية غير بالما زوج مرات خرين
ثم تنحك شي جوج مطيشات ونضيفهم فالبرمة فتفويرة الأخيرة مع ليشو والقرعة أما الفلفلة فتنديرها فالكسكاس باش متحررش لمرق
من بعد هكتتولي سميد إوا مبقا غير شوية دسمينة نحلو بها سميد ونسقيه سب الرغبة وألف صحة