السلام ألبنات اليوم بغيت نشارككوم بالفطور اللي درتو البارح واخا ما كليناش بزاف مع الصهد يالله شوية شوية من الحاجة وصافي..
صايبت اليوم مسمن معمر ديال الفران.. درت عجين المسمن و وجدت العمارة درت فيها جوج خيزو محكوك وجوج قرعات محكوكين وبصيلة صغيرة مشلضة وشحرت كلشي فالمقلة مع زيت العود والملح والإبزار والربيع.. وزدت فالأخير طريفات ديال الصوصيس باش طلق البنة ديالو..
ملي بردات العمارة عمرت المسمن وطيبتو فالفران جاو غزالين..
وجبدت واحد الشكل مالح من المجمد (كنت صايبت العجين بعجينة العشر دقائق وعمرتهوم بالفلفلة وماطيشة ولا داند بحال شكل بريوش)..
ودرت طبسيل ديال الفقاص مالح و طبسيل أخر ديال فقاص حلو وشوية ديال المقروط والشباكية والتمر والبيض مع الحريرة والقهوة وحليب والعصير..
وفالعشا ما درت والو كنا شبعانين درت غي سالاد د فروي.. درت الرايب والتفاح مقطع طريفات مع كركاع ولوز والتمر مقطعين صغار وخلطت كلشي ودرتو فالزلايف وبيه تعشينا..
إيوا هادشي اللي درنا والحمد لله على نعم الله..
t’,vd Hls
الله يجعل البركة في الفطور القليل والكثير
بالصحة
