سؤال لمغتربات المانيا

لبنات بغيت نسولكوم شكون دارت الرايب dak بحال دانون وسدق ليها انا كنت كنديرو ملي كنت فلمغرب وكيسدق لييا غير جيت لهنا مبغاش يسدق كيخرج هاكاك جاري معقدش واش من لحليب ديال هنا ولا شنو لي جرباتو تكول لييا طريقة لي دارت wlma9adir الله يجازيكوم بلخير وعواشر مبروكة

---

schg glyjvfhj hglhkdh

اختي انا في فرانسا ما صدقليش والو حتى جربت حليب العبار راه تيكونو دايرينو في التلاجة و تيكون زايد في التمن و التاريخ ماتيفوتش 5 ايام

هادة مجربتوش جربت غير ديال بقر لي كيكون فتلاجة واش خرج ليك عاقد مزيان عطيني طريقة لي درتي الله اجازيك بلخير

اخدت لتر حليب و سكر حسب الدوق لانني ما تنبغيش الحلاوة بزاف درت 2 معالق سكر و لما فاض الحليب خليتو حتى برد شويا تيولي دافي تم جبت 2 معالق دانون من احسن ماركت دانون راه موجود وخلطتها مع الحليب و عمرت الكويسات و حطيتهوم في كرتونة و درت في الوسط البراد طايب عامر بالما طايب و غطيت بميكة نقية و غطة صغيرة شديت الكارطونة و حطيتها فوق كرسي و خليتو حتى وجد من الصباح ما درتو في التلاجة حتى بغيت نعس يعني حتى شد راسو نتمنى نكون فدتك صحا فطورك

راه تيكتبو عليه lait frais ما تشريش باستوغيزي او ستيريليزي تيكتبو فري اي طري و عندنا هنا في باريس تنلقاه حتى عند الجزار تيجيبو من الفيرمة

شكرابزاف واش ناخد داك لحليب لي وريتيني فصورة الاولى dyal lait boi هووا لي دري نتي وسمحيلي برزتك الله يجازيك بلخير

جربي حليب طري لي فتلاجه تكون وخدي 3،8 هو لي مدسم باش صدق ليك

أختي أنا كندير غي حليب عادي ديال 3،5 وكيصدق أكثريا دابا الحال سخون
كندير لتر حليب دانون فاني وفاني سكر حسب الذوق ونطحن كلشي نخويو في كيسان ندير الماء سخون فالكوكوط نسدها نديرصفارة نلوي كوكوط في فوطة ونحطها في بلاصة دافية حتى الصباح وندخل الكيسان الثلاجة دابا في رمضان حتى العاصر ونحل الكوكوط ونخشي كيسان فالثلاجة

اختي جربت كاع لماركات دلحليب اوالو كيجي بحال الا راب لييا الماء معزول ولحليب لفوق لاكن انا شكيت فلحليب لي كنسخن فلوول هووا لي كيخليه يخسر ويعود بحال لماء واش مكطيبيش لحليب نتي واشمن ماركة درتي ديال لحليب وشكرا بزاف

أنا كنديرو بحليب aldi ماكنسخنوش كنطحن كلشي ونخوي فالكيسان

دابا كنشري هاد الحليب من rewe