السلام عليكم عيد مبارك سعيد الانيقات والله يعيدو عليكم بالصحة وراحة البال عندي ظˆظ„ط¯ظٹ عندو 3 سنين وشهراين ومكيهدرش يالاه كيقول شي كلمات وصافي بحال بابا مامي باب بحر يعني معطل بزااااف فالهدرة مع العلم كنضل نهدر معاه ونلعب معاه ووالو والتلفاز مكيتفرجش فيه قليييل بزاف تشوشت عليه بزاف ديتو لعند طبيب الاطفال لي متبع عندو قالي معندو حتى مشكل ملي كيفهم كلشي وكيبغي يعبر ولكن الكلمات والو قالي الطبيب دخليه للروض فهاد الدخول المدرسي وايلا مكانش تحسن صبري حتى يكمل 3 سنين ونصف ودخليه يدير الترويض باش ينطق الاحرف وواش كاين شي ام بحالي تعطل ولدها فالهدرة؟ واش مايكونش عندو مشكل من بعد فالدراسة لان لي قدو راه كيهضرو مزيان وواش كاينة فيكم لي سبق ليها دارت الترويض لولدها او بنتها تشاركني التجربة ديالا عااافكم ما تبخلوش عليا وسمحولي طولت عليكم وعيد مبارك سعيد
,g]d ,la;g hgk’r
السلام عليكم اختي .ما تخافي ما والو ما دام ولدك كيقول اكثر من ثلاث كلمات راه ما عندو حتى مشكل غير هو كل واحد وكيفاش كاين للي كيهضر بكري وكاين للي كيتعطل .حتى انا عندي بنية يلاه دابا بدات تهضر شوية وماشي شي هضرة عندها 3 سنوات ونصف.دخليه للروض وان شاء الله يتطلق شوية واحد جارتي حتى هيا ولدها ما هضر مزيان حتى دار 4 سنين ما تخافي ما والو .الله يحفظو ويخليه لك
اختي بعد كلام الطبيب مابقى مايتقال .هو عارف ان دكشي ماشي عضوي وانتي عارفاه كيفهم كاي طفل فعمرو وكينطق كليمات يعني ماتقلقيش ,انا بنتي سنتين و7اشهر كدلك وغندخلها بادن الله للروض كيساعدهوم بزااف وبزااف عرفتهوم تعطلو فالكلام وكانو فالاخر ادكياء بشكل كبييير تبارك الله يعني وقت النطق ماشي معيار مرة مرة ركزي معاهه على نطق شي حرف بعد التنفس العميق ويكون خير ان شاء الله
اختي ديي ولدك عند اختصاصي في تصحيح النطق بلا مضيعي الوقت وضيعي ولدك اختي هادي نصيحة ام لي كتعاني من هاد المشكل مع بنتها اختي سيري وبلا مضيعي الوقت كل مازبتي كل مكتربحي الوقت واستسمح من كل اخت عطات رائيها الا الا الا الا الا والف الا دي ولدك لطبيب خاص بي تصحيح النطق كل ماديتيه بكري كل ما كان اللحل ساهل وبسيط الا كنتي فكازا انعت ليك فين تمشي
المشاركة الأصلية كتبت بواسطة دعاء غفران 
اختي ديي ولدك عند اختصاصي في تصحيح النطق بلا مضيعي الوقت وضيعي ولدك اختي هادي نصيحة ام لي كتعاني من هاد المشكل مع بنتها اختي سيري وبلا مضيعي الوقت كل مازبتي كل مكتربحي الوقت واستسمح من كل اخت عطات رائيها الا الا الا الا الا والف الا دي ولدك لطبيب خاص بي تصحيح النطق كل ماديتيه بكري كل ما كان اللحل ساهل وبسيط الا كنتي فكازا انعت ليك فين تمشي السلام عليكم ممكن اختي تعطيني العنوان حيت حتى بنتي عندها مشكل
المشاركة الأصلية كتبت بواسطة عاشقة القراءة السلام عليكم ممكن اختي تعطيني العنوان حيت حتى بنتي عندها مشكل واش انتي فكازا بنتك شحال فعمرها ولوضع المادي ديالك سمحي ليا علا هاد الاسئله باش نختاصر عليك الطريق
المشاركة الأصلية كتبت بواسطة دعاء غفران واش انتي فكازا بنتك شحال فعمرها ولوضع المادي ديالك سمحي ليا علا هاد الاسئله باش نختاصر عليك الطريق عندها 3 سنين و 8 اشهر كتهضر ولكن عندها مشكل في تكوين الجمل والتعبير انا بعيدة على كازا ب 30 كيلومتر سمعت ان الحصص غالية الله يجازيك بخير اي معلومة عندك ماتبخليش علي
ومقارنة بللي في سنها فمعطلة بزاف
المشاركة الأصلية كتبت بواسطة عاشقة القراءة عندها 3 سنين و 8 اشهر كتهضر ولكن عندها مشكل في تكوين الجمل والتعبير انا بعيدة على كازا ب 30 كيلومتر سمعت ان الحصص غالية الله يجازيك بخير اي معلومة عندك ماتبخليش علي اختي سيري لعند الطبيب ديالها لي كدوزي ليها عندو عادي قوليه يعطيك ورقه يصيفطك عند اختصاصي في تصحيح النطق الاختصاصي الخاص الحصه عندو بي 250dh ومن الاحسن سيري لسبيطار20غشت فكازا راه كين تما هاد الاختصاص ثمن الحصه 50dhعندك حصتين في الاسبوع فقط سيري سولي خاصك الورقه باش يخليوك تدخلي من الباب لكبير اي سؤال انا في الخدمه
عندي بنت أختي في عمرها دابا 9 سنين و ملي كانت في سن ولدك ما كانتش تكلم ، كانو الناس يقولو لينا عطوها لسان الخروف و زيد و زيد و ديك التخربيق إلي ما عندو حتى معنى ، لاحظنا الفرق ملي دخلت للروض ولات تكلم و ما تسكتش ، و ختها دابا في عمرها أربع سنوات و كلماتها غير مفهومة و مرات كيغلبها التعبير و كتعصب حيت غييييييييييييييير جالسة في الدار ما كتمشيش للمدرسة . أختي كيف قاليك الطبيب دخلي ولدك للروض باش يحتك مع وليدات آخرين و يقدر يعبر . و شخصيا عندي ولدي أربع سنوات و ما شاء الله عليه تكلم في سن مبكر لأنه دخل للروض بكري و كيتكلم جمل طويلة و الحمد لله ما عندوش مشكل في التعبير و في المدرسة يتكلم إنجليزي و في الدار يتكلم معايا الدارجة …………… أختي الحل هو دخلي ولدك للروض و إن شاء الله غادة تلاحظي الفرق ملي يولي مع أقرانه و الله يحفظه ليك يا رب .