ورشة لخياطة الصالون المغربي

السلام عليكم انيقاتي انا كنجهز صالوني وخديت قرار انني انا للي نخيط المخاد والطلامط ومبغيتش الفرصة تفوتني باش نتقاسم معلكم هد التجربة الفريدة كنوع من رد الجميل لهد المنتدى العزيز علي وللي عندو افضال كثيرة علي واللي كنطلب من المشرفات العزيزات انهم يخلو الموضوع هنايا باش يلقى اكبر نسبة مشاهدة حيت الى تنقل لقسم الخياطة مغديش يتشاف ونا غرضي ان الاخوات للي كانو ملهوفين بحالي وكانو كيقلبو على الطريقة ديال الخياطة يلقاو غايتهم فهد الموضوع

---

,vam godh’m hgwhg,k hglyvfd

بالتوفيق حبيبتي إن شاء الله بوضعك للمراحل سيثبت
ينقل لفرع التجارب والحلول المنزلية

اختي تبارك الله عليه ،، اتحفينا و علمينا ،، جزاكي الله خيرا ،، نحن فالانتظار

ماشاء الله عليك في انتظارك اختي

بسم الله وعلى بركة الله نبدا بعد شكر الاخوات للي دخلو للموضوعي ونوروه
اولا خديت عبار المخدة هو العبار السطوندار فيه 75 على 56 ولكن انا بحكم الزواقة للي عندي فالمخاد غيجيني هد العبار مهرس الزواقة وواكل منها ودرت 80 على 60
اول حاجة كنبداو بها هي كنحط المخدة الوجه على الوجه بعدما قطعناها ونخيط جهد 6 سنتيم بحال للي فالصورة ملي كنخيط ديك 6 سنتيم كنحل المخدة وناخد واحد الطرف باش نلصق فيه السنسلة

تبارك الله عليك اختي والله اوفقك

الله يبارك فيك حبيبتي

الله معاك الحبيبة استمري

نكمل معاكم كيف كتشوفو هني ركبت السنسلة كنخيطها على قفاها وخديت سنسلة للي كتركبوها وتقطعو القياس للي بغيتو هدي كتكون اسهل مشي بحال للي راكب فيها القفل ديالها ممكن فالتركاب تجي جهة اكبر من جهة
ملي كملت هد الجهة حبست قبل من النهاية ب 6 سنتم للي خيطت بحالها فالاول وخيطت الجهة الاخرى بنفس طريقة الجهة الاولى ودائما السنسلة على القفا ومنساوش نديرو un arret باش متهربش لينا السنسلة وميخرجش لها القفل سمحو لي نسيت مصورتش هد المرحلة وللي مفهماتش نعاود نصورها لها

تبارك الله عليك