&&& موضوع التقدية للمغتربات المقتصدات .الطبقة 25 مرحبا بكم &&&

---

&&& l,q,u hgjr]dm gglyjvfhj hglrjw]hj>>>hg’frm 25 lvpfh f;l

هنا فتاحتلكوم دويرة باش منبقاوشي مشردين ف دروبا w مع غدا عطلة و ويكند سير حتى ن اتنين هههه

الله يجعلا فاتحة خير علينا كاملين

الذين يشاهدون الموضوع الآن: 10 (1 من الأعضاء و 9 زائر)
luna26

شكرا اختي لي حليتي لينا الدار الجديدة
خديجة انا كنت جربت ديال أم البنات درت بيها لي ميني همبركر ولي ميني سوندويتش كونت حطيت صورهم فالملحق جات زوينة
دخلي فهرس وصفات أم البنات رآه تلقايها

قمر شكرا ليك مخليتيناش فالزنقة بعدا ههههههه

ايوا دابا خليونة نهضرو على المصروف لكنخصصوه لعناية بالجسم ديالكم وشمن منتجات كتاخدوها الشعر الوجه والجسم المنطقة الحساسة…. واكيد تكون اقتصادية ههههههههه يا الله عطيونا ارائكم

سلام عليكم البنات ومبروك علينا الدويرة الجديدة الله يسر لكل واحدة ياربي لي في خاطرها.
فاجأني قرار ديال زهرة وسعاد وتانا بحال لبنات كانكول غير يضحكو يمكن حيت مدة وهادي مجموعين وكنا دايما كل واحدة نلتمسو ليها الاعذار راه انا شخصيا لبنات كلهم عزازات عندي ونبغي لخير لكل واحدة بلحق مانلوم حتى واحدة حيت من راسي وجبد واخا ماخداماش بلحق مابين النقدية مابين الميناج والفاكتورات لمهم مشاغغيل الحياة نحاول نسرق وقتية ندخل نطل اما الا كان راجلي تاتجيه الغيرة من طابليط ههه كنحاول نتفادا وعاد الظروف ديال كل واحدة
مثلا في شهر مارس كنت في المغرب وشهر ابريل رجعت ومشطونة بالسفر كنت غادة عند خويا وفي وسط هاد المدة لقيت راسي حاملة وقبل مانمشي عند خويا وقع لي اجهاض الحمدلله ومشيت 10 ايام عند خويا انا وراجلي ألمانيا و عاد رجعنا يعني لي بغيت نشرح انا راني بالي كان معاكم بلحق الخاطر والظروف ماكانت تسمح ندخل نكتب وكنقسم بالله الا كل واحدة عندها مكانة في قلبي راه نهار درت طيست ولقيتو ايجابي اول حاجة حمدت الله ودعيت مع البنات زهرة وفاطمة وصفاء وصفاء ام التوأم وأم زكرياء راه حنا اخواتات وهاد الدويرة لي كاتونا ن علينا هاد الغربة وكل واحدة رآها حرة في قرارها غير بغيت نعطي وجهة نظري وسمحو ليا

السلام عليكم
انا كتبت فالدار اخرى مشوفتشي هادي
مبروك الدار جديدة

ام الغيث الله يعوضك خير ان شاء الله بقيتي فيا

السلام عليكم اخواتي لا باس عليكم ومبروك الدار جديدا تدخل بمزيد من الاقتصاد والنجاح وحضور ومشاركة اكتر.
اخواتي الانسحاب ديالي كان جدي ماشي مزح ، لان صراحة لقيت بزاف دلبنات غبرو بلا مايعطيونا اعدار او يبررو غيابهم، انا مكنهدرش على الغياب ديال يوماين او 3 ايام ولاكن كاينا لي كتمشي بالسيمانة وجوج واكتر من بعد عشرة ديال سنتين او اكتر ، اقل شي يجيو يطلو علينا، منساوش الفضل بيناتنا ، كل وحدا عندها الفضل على اخر ى ، كل وحدا شاركات بمعلومات، إدن اقل شي نسقسيو بعضياتنا، ماشي تغبر غبرة وحدا بلا ماتعلم
صراحة تيبقا فييا الحال ملي كنجي نطل ونلقا لموضوع ناعس ، وراه ميت ماشي غير ناعس، ، كل وحدا واشغالها وخدمتها وكل وحدا ووقتها، ولاكن لابدا ماديرو لهاد التجمع واخا غير 5 دقايق فالنهار ، نسولو على بعضنا ونقول فين وصلنا ونتعاونو على هاد الغربة، انا براصي والله مكنسالي ولاكن كنقول لا لابدا ، تصورو ، انا كل مرة كندخل لتجمع ، ديك 5 دقايق راني كنحيدها من ساعة ديال الراحة ديالي لي عندي فوسط نهار ، يعني ماشي ماعندي مايدار ودايرا يدي على خدي
حيت هاد التجمع فضلو كبير علينا ، فيه تحبينا فالله، وفيه تونسنا ، وفيه حلينا بعض من مشاكلينا ، وفيه لقينا افكار جديدة تساعدنا فالتطور ديالنا.
وشكر خاص لكل وحدا فيكم هتامات للانسحاب ديالي ، احبكن الله الدي احببتنني فيه .
ساعة سعيدة مبروك النجاح ديال وليداتك ولعقبا لتخرج ديالهم إن شاء الله.
مريم على سلامتك وبصحتك السفر
* ام الغيت حبيبةقلبي ، فرحت ليك وفنفس حزنت ليك ، الحمد لله لي من عليك بالحمل ، وربي يعوضك بالحمل التام والكامل قريبا،
*مادام وهيبة الله يكمل عليك بالخير
باقي البنات حفضكن الرحمان من كل شر

الله يحفضك اختي ام هبة
انا كنحترم موقف ديالك و كنتفهم البنات و منبزو على حتى واحد الحضور انا كنقدر المجهودات ديالك فهاد الموضوع استفدت منك بزاف و كنشكرك

سلام عليكووم البنات
ليوما صبحت شتيوا عندنا خسرتنا نهيوار لخروج

paree مبكيتشي عقلا مناين نقلت مقادير ديال mayonnaise حيت بغيت نجرب بلا بيض ملي قلت نتنة جاتك مزيونة إلى كان ممكن طريقة إلى باقي عاقلة لها.

omhyba على سلامة ديالك نورتي دويرتك

وهيبة كيف بقيتي مع تقال ومنتوجات ديال جسم كل مرة شني كنشري بلحق مكنكترشي بزاف لعجبني نجربو حتى يتسالا

omoghayt الله يعوضك خير أحبيبة ومرحبا بيك ف أي وقت