مني إليكم بسطيلتي بالدجاج والغبارة وطريقتي فدهين الورقة

2019-03-22 أم هنية ومنصف

بسم الله الرحمان الرحيم توحشتكووووووووووووم موووووووت

هدي واحد البسطيلة هدية مني إليكم. ساهلة وكتجي مقرمشة بطريقة الغبارة ودهين ط§ظ„ظˆط±ظ‚ط© بزيت الطياب عطيتها لبنات وجربوها عجباتهوم وقلت علاش منفيدش بيها أناقة كلها…
ندوزو للمقادير والطريقة .
على بركة الله المقادير
500غ ورقة بسطيلة+ 200غ زبدية دايبة+ كأس زيت
باقي المقادير غنبينهوم مع الطريقة باش منطولش عليكوم

الحشوة
لغبارة………لي هيا عبارة عن خليط بين سكر كلاصي والقرفة

حاجتنا فصدر الدجاج+ 5حبات بصل متوسط + ربع كأس زيت يمكنلكوم تخلطو زيت عود وزيت المائدة
بهارات = ملح+ نصف م ص إبزار+ نصف م ص قرفة + قليل زعفران للون+(زعفران حر حسب الموجود)+ شوية خرقوم+شوية سكنجبير+باقة من المعدنوس+ 6 أو 8 بيضات+ لوز مسلوق مقلي فزيت تقريبا 500غ على حسابك
200غ من مسحوق السكر+ ملعقة كبيرة ماء الزهر
للتزيين
لوز مسلوق ومقلي + قرفة+ سكر كلاصي
الطريقة
كنديرو طنجرة الضغط فيها دجاج ولبهارات والزيت والربيع يتشحو مع البصة لي قطعناها ونديرو قياسنا ديال الماء يعني حدو قدو هههههههه نردو لبال

من بعد الطياب نحيدو لحم ديالنا ونردو داك الكاس ديال الزيت لي عطيت فلمقادير نغطيو عليه علما تبخ ونطفيو النار نخليوها بضع دقائق على ميترسا لينا الزيت
نصفيو الزيت لمريقة ونغليوها فلكوكوط

هاهية ملي صفيناها

نردو لبيض يطيب فلمريقة ونحركو حتا يشرب ويطيب فيها

فهاد ألأثناء نكونو كنسلقو اللوز ونفسخوه ونقلوه فزيت ونهرمشوه
نديرولو ماء الزهر والقرفة وسكر كلاصي

والزبدة ندوبوها ونضيفوها لديك الزيت لي صفينا

والدجاج نفرتوه ونوجدوه
دبا كولشي عندنا واجد ياك ……. ندوزو نعمر لورقة ديالنا ونخليكوم مع الصور تبعو بالترتيب
قبل كولشي ندهنو الطاوة ديالنا بالزبدة+ وندهنو لورقة بخليط الزيت والزبدة بيدينا وحنا كنجمعوه غي بشوية باش متكسرش لينا .غتشوفو فالصور نفرشو الورقات ديالنا ونديرو ورقة وسط ندردرو بلغبارة مزيان ونديرو اللوز و ورقة دائما ندهنو منبعد طبقة البيض + ورقة مدهونة بنفس الطريقة + طبقة الدجاج+ ورقة +طبقةالوز غي شوية ونلفو وندهنو

إضافة
يلى كانت عندكوم الغبارة بزايد ممكن دردرو شوية قبل كل طبقة
وأخيرا منبعد الطياب ضروري نقلبوها تتحمر من الجهة ألأخرى باش تجينا مقرمشة من 2 جوايه
وعند التقديم نقلبوها ونزينوها بطبقة من سكر كلاصي ونزينو بلقرفة واللوز حسب الرغبة
وبالصحة والراحة

اللهم أدمها نعمة وحفضها من الزوال
نتمنا تكون نالت إعجابكم