منتجات مجربة تستحق الاهتمام

كل عام وانتن بالف خير واتمنى لكل واحدة منكن ان تكون هده السنة سنة خير وصحة وسلام وان تحقق كل ما تتمنونه ان شاء الله مشاركتي هي لكل اخت كانت مسؤولة على بيتها اد ان كل منا يحاول جاهدا بان يكون بيته يحتوي على كل المستلزمات وفي اختياره يحاول ان يشتري الاجود والمقتصد والنافع وبالتالي عند خروج اي واحدة منا الى السوق لشراء اي شيء تحتاجه تحتار في الاختيار لان السوق والحمد لله به انواع مختلفة وهنا تجد الواحة منا تشتري على الله وتيسيره ومرة تنجح في اختيارها ومرة تسيء الاختيار لدا ارتايت ان اطرح الموضوع لتقول لنا كل واحدة اشترت منتوجا ايا كان وفي اي مجال بمعنى كل ما يخص الالات الالكترونية من اجهزة وغيرها ومواد التنظيف واي شيء اخر المهم ان تدكر تجربتها في شراء حاجتها واستفادت منها وبالتالي لم تندم على شرائها وهكدا ستنفع اخواتها وستقل خسراتناوعلى كل اخت ان تراعي الله في طرحها اي ان تقول تجربتها بصدق ولا ان ترغب فقط باشهار لمنتوج ما وحتى افيد اخواتي والله شاهد على مااقول فانا سابدء بمنتوج يخص النظافة الا وهو دوسي الخاص بالاواني وانا انصح بالمنتوج صناعة خارجية لانه اجود من المنتوج المغربي وامنيتي ان نجد منتوجا مغربيا فنشتريه لنرفع من اقتصادنا المهم هدا المنظف انا استعمله من سنين والاهم انه يصلح لتنظيف اشياء كثيرة منها السجاد الزجاج الارضيات وحتى غسيل المنادل والمناشف الخاصة بالمطبخ المهم هو يغنيك عن ظ…ظ†طھط¬ط§طھ اخرى ثم هناك منتج دوسي ضد الدهون وله رشاش وكلمت رائع قليلة في حقه فهو منتوج ساحر استعمليه لنظافة الة الطبخ والاواني المحترقة الثلاجة والنوافد وخاصة الموجودة بالمطبخ فهو يزيل كل الدهون والرواسب والحمامات والغمولة من الحائط والدهون من الملابس والمفاتح الكهربائية والبلاكارات المطبخ والاطفال والادراج البلاستيكية واخر شيء جربته فيه هو البوفات الخاصة بالجلوس وتلامط المجلس ثم الزربية فبعد عيد الاضحى اصبحت زربية غرفة الاكل كلها طبايع وبما اننا في فصل الشتاء فان تنظيفها صعب المهم غامرت واخدت ارش الزربية واحك بالشيتة وكانت النتيجة رائعة ولم تاخد مني وقت ولا جهد والاهم اقتصاد في الماء والحفاض على الزربية من تاكلها من كثرت الغسيل المهم جربو هدا المنتج ولن تندمن وهناك منتج اخر وهو خاص بالزجاج وهو ايظا رائع واسميه باس بارتو فهو يستعمل لكل شيء يخطر على بالك وادكر بعض استعمالاته امسحي به البلاكارات الفيترينات الاحدية الكانابيات الجلدية والفودان الجدران الاجهزة الالكترونية كالتلفزيون والحاسوب والهواتف والاغطية البلاستيكية وكل شيء يخطر ببالك المهم لن تندمي من شرائه اظن باني كثرت عليكن لكن الافادة ستكون مرضية ان شاء الله لكل من لم تجربه واتمنى ان تفيدنا كل اخت لها تجربة نا جحة في اي منتوج راضية عليه وانتظرن جديدي ان شاء الله اترككن في رعاية الله وحفظه

---

lkj[hj l[vfm jsjpr hghijlhl

شكرا اختي على المعلومة القيمة بالنسبة لي اختي عندي قرعة رشاشة دايرة فيها ديتول و كلوركس و فيري نفعاني بزاف كنرش على الطبايع الدهون كطلع ليا الحمد لله
كنمسح بيها البلاكارات و البوطاجي
و ان شاء الله نهار نلقى شي حاجة جديدة نقولها ليكم

شكرا اختي على الرد وعلى معلومتك القيمة واتمنى من الاخوات يفدن بمعرفتهن ولايبخلن في مساعدة اخواتهن وشكرا

السلام عليكم موضوع زوين ياريت تعاونوني في المشكل لعندي ماكنة الصابون خسرات ليه وراني في العداب مع الفريك كانت عندي اوتوماتيك ماركة ويربول 9 سنين عامرها ماخسرات داب خسر ليها لبروكرام مستحيل تصلح انا دابة باغة نشري واحدة جديدة ولكن حائرة شي كيقول لي شري غير لبلاستيك وراسي كيقول لي شري اوتوماتيك ياريت تقولو لي اش من ماركه نشري والثمن ديالها وياريت يكوم الثمن مناسب

جزاك الله خيرا

لي عودة ان شاء الله

أختي آنسة حنان قريت الرد ديالك صدفة و بغيت نفيدك نلت تنعرف المهم بالنسبة ليا يالاه خديت براندت كانت پروموسيون في مرجان زوينة الحمد الله كتهز ليا مانطات و كوفرلي وماكاتاكل لا ما لا ضو بشي ربعالاف درهم تقريبا و لن عرفتي دابا اليم نيت لقيتيني تنفكر ناخد وحدة من دوك ديال جوج بلاستيك ولكن كاتسهل عليك تصبين متلا شي حاجة لاكانو عندك حوايج قلال ولا واخة غير تريكو ديريه فيها دغية تخرجو تيشعل ديري فيها جافيل و أي تيد كيفما كان واخة ماشي أوطوماتيك ماتايطرا ليهم والو المهم راني طولت عليك ولكن هادا رأيي كون يرجع بيا الوقت لور ناخد بلاستيك ماركة زوينة أحسن و أوفر وهادا رأيي ولك واسع النظر اللهم يسر أختي لي فيها الخير و عواشرك مبروكة ولجميع الأنيقات
أما بالنسبة للموضوع فأحسن حاجة جربتها لحد الآن هي سانيكروا ديال دوسي حقا زوييييييين بزاف و الله فيه ريحة رائعة وكتبقا مدة طويلة جربت ديال الحامض و ديال الخزامة و واحد صابون ديال لالماعن سميتو كادي راه كاين فمرجان و اسيما دايرين ليه 3 في باكية وحدة و حتا نتفكر ليكم شي حاجة ونجي نقولها ليكم

مووووضع راائع ومفيد حتى انا عندي سؤال بغيت نعرف واش ماكينة غسل الصحون مزياانة يعني ماشي مضيعة للفلووس وانا نوع اللي مزيان وبشحال
واش ممكن تغسل كل اموااع الصحون الكوكوط المقالي الكسرونات الخ …واش ماكتاكلش الضوء وهل ضرووووري حتى نعمرها مزياااااان بالماعن عاد ممكن نغسلهم ماشي غير شووية الماعن فقط تقدر تغسلهم وباش تنصحوني واش غير نشريها ولا غادي غير نضيع فلوسي واشنو هي احسن مااااركة في
السوق
والله يجاازيكم كل خير

عواشرك مبروكة اختي وشكرا على الرد اليوم مشيت درت دويرة في مرجان والي بان لي غنشري brond الثمن تقريبا 3500 درهم 6 كيلو هي الي نقدر نشريها كاين ما احسن منها والكن شادين الثمن اما ماكنة البلاستيك ماعجبانيش بالنسبة الماكنة الي شريتي شحال من كيلو وماركة brondواش ماركه مزيانة

بروند مارك ممتازة غير توكلي على الله والله يسخر وصافي
احسن منتوج للتصبين هو سكيب او اوني ديال التصبين
للماعن اوني ممتاز
للزجاج خل الأبيض ديال منتوج اقتصادي مرجان
الطحين ميمونة او نور الدار
الزيت ويلور
ماطيشة الحك عائشة
الشمبوان كادوم بالغاسول رخيس ورائع

احسن منتوج الخاص بماعن inox ليناس ديال inox واحسن منتوج ديال الزليج ليناس الخاص بزليج
راهم رائعين