من عندها خلل في الغدة الدرقية؟؟؟؟؟؟

السلام عليكم و رحمة الله و بركاته
البنات الله يخليكوم عندي استفسار
شكون اللي تاتعاني من خلل في ط§ظ„ط؛ط¯ط© الدرقية تقوليا الاعراض اللي تاتحس بيهوم لأنني شاكة باللي عندي خلل فيها
الله يرحم ليكوم الوالدين جاوبوني

---

lk uk]ih ogg td hgy]m hg]vrdm?????? hgu[f pgl

سلام عليكم كيف دايرة أختي أمارس توحشتك عاش من شافك نتمنى تكوني بخير
أختي ديري هداك تحليل ديل tsh أحسن bach تعرفي هيا كيقول إلى كنت تحسي بلعيا بزاف الى كنت غليضة بزاف ola رقيقة بزاف


إن شاء الله مايكون ولو او الله يفرحك

لهلا يخطيك أختي لبنى والله حتى توحشتكوم حتى أنا و لكن للأسف شملنا تشتت و مابقاش التجمع كيف الاول للأسف
شخبارك نتيا و طه تايكبر شوية؟؟ الله يحفظو ليك و يجعلو من الدرية الصالحة
أختي أنا وليت تانحس بالعيا بزاف مدة طويلة هادي و مللي بحثت فالنت لقيت أعراض خمول الغدة منها العياء الشديد و عدم انتظام الدورة و تسارع دقات القلب
و هادشي واقع ليا كثر من شهراين و أنا تانحس بهادشي
بغيت غير نعرف واش نقدر نحلل فالمختبر بلا مانحتاج ورقة من الطبيب و إيمتا خصني ندير تحليلة tsh يعني واش فأي وقت من الدورة و لا ضروري فالأيام الأولى من الدورة
تانتمنى للي عارفة ماتبخلش عليا بالجواب الله يفرحنا جميعا

أمين يارب الى معرفة تا أنا من أحسن عيطي لشي مختبر في تلفون او هما يقولو لك شنو كين
نتمنى لبنات يرجعو تجمع كيف كان في أول

سلام اختي انا كنعاني من الغدة الدرقية عندي نشاط فيها وعندي نفس الاعراض لعندك واكتر مشيت الطبيب عطاني تحاليل الغدة وتحليلة فيتامين د لقيت عندي المشكل فيهم 2 ودبا متبعا الدواء لحمد لله

عن طريق : samsung – GT-I9505

الله يكثر خيرك أختي قولي ليا واش مشيتي عند طبيب عام أو طبيب النساء و التوليد الله يشفيك

السلام عليكم ورحمة الله
ان شاء الله ما تكونش عندك
انا عندي تجربة في هذا الموضوع
كان عندي خمول لكن سبقاتو اعراض
اولا وزني ما كيزيدش ضعيفة بالزاف دقات قلبي سريعة بعض المرات كيدق بحال الا تخلعت وانا كطنكون عادية
رجلي وركابي فاشلين قنطانة ما حاملة حتى حاجة لا الدار ولا الجلسة ولا الخرجة ولا حتى حاجة خصني غير فيمن نشد
الاكل كناكل وما كيبانش عليا
شعري كيطيح
شي حاجة كتشدني وسط المعدة او صدري كتسمع في الجهة المقابلة ديال ضهري
في البلع كنحس بالحاجة كتدوز بالزز
كملات انني في الليل كنحس بضيق التنفس
مشيت لسبيطار الحومة طبيبة عامة قلبات ليا عنقي لقات شي ولسيسات عطاتني ندير التحاليل
كان في عهدي التحاليل ديالها غاليين
انت قلبي عنقك بيديك وشوفي واش منفوخة او جنبها شي حاجة مكركبة وما تخسري والو سيري غير للحومة ودوزي ومن بعد شوفي اشنو غادي تقول لك
ان شاء الله ما يكون عندك و الو

اختي سيري عند طب عام ويعطيك تحاليل وممكن دريها فأي وقت ماشي ضروري تسناي الدورة الله يسمعك خبار الخير متخافي والو وخا تكون فيك تخدي دوا وتحسي رسك مزيان وتقدري تحملي عادي الله يرزقك الذرية الصالحة عاجلا غير آجل

الله يرزقكوم الجنة ياا رب فرحتوني بزاف بردودكن الله يسهل عليكوم أخواتي
اختي ام عبد الرحمن و لينة ماعندي ف عنقي والو و لكن الاعراض اللي عندك تقريبا تانحس بيها تايجيني ضيق فالتنفس و تانحس ديما بحال ايلا مخلوعة و قلبي تايضرب بسرعة و بعد المرات تانكون خارجة غير تانتمشى شوية تاتشدني السخفة بزاف
أنا ان شاء الله انمشي عند طبيب عام باش تعطيني التحاليل لأنني للأسف مانقدرش نمشي لسبيطار الحومة بحكم أنا خدامة و مايخليونيش الخدمة نخرج خصوصا انا يا الله دخلت من الكونجي
شكرا ليكوم اخواتي بزاف بزاف و شكرا للاخت ابنة زهرة اللي دعت معايا بالدرية الصالحة اللهم آمييييييييين يا رب

نعومتي الله يشافي يشافي ويعافي ويرزقك من حيت لاتحتسبين يارب