في 28/02/2019…اخت لطيفة
جبت ليكوم مقبيلات غزالين متشبعيش منهوم غادي يعجبوكوم و غادي تبقاو ديروهوم ديما و كايشدو غي شي 30 دقيقة د لوقت نخليكوم مع لمقادير و طريقة :
لمقادير :
روز على حساب شحال بغيتو ، انا رابعة كادير ليا شي 20 وحدة
بيضة
جبن جبلي
قزبور و معدنوس
صوص صوجا
لكفتة ، بصلة ، كنور
غادي ديرو فلمقلة زيت و بصلة مشلضة و كنور و لكفتة مفرتتة مزيان و خليوها حتا ماتبقاش فيها زيت
كاتسلقو روز كلاصي ماشي لعادي و كاتصفيوه مزيان و ديروه فشي زلافة كبيرة فين غادي تخلطو وزيدو عليه بيضة و قزبور و معدنوس وخلطوه مزيان
زيدو عليه ملح و ابزار و لكفتة و صوص صوجا 3 معالق كبار و خلطو مزيان
من بعد كانهزو شوية و نسرحو لحشوة و يدينا مزيان و نديرو فوسطها طرف ديال جبن و ندورو مزيان و نحطوها فطحين و ندوروها فطحين و نديروها فلمقلة تكون سخنات زيت و ماتقلبوهاش بزاف باش ماتقسمش ليكوم
خليهوم حتا يتحمرو مزيان و بصحة و راحة ملي تبغي تحطيهوم رشي فوقهوم صوجا
lrfghj l`igm : ;,dvhj hgJJJJv,. ,g;tjJJJJJm , [JJJJfJJJJJk >>hgg`m ! hgg`m
تبارك الله عليك اختي
الله يعطيك الصحة ^_^
المشاركة الأصلية كتبت بواسطة أم يآسر 
تبارك الله عليك اختي
الله يعطيك الصحة ^_^
الله يبارك فيك حبيبتي بصحة
المشاركة الأصلية كتبت بواسطة أم توأم اه حبيبة لذاذ يالله انا غادي نتسنا لخبار هه
المشاركة الأصلية كتبت بواسطة خالت جهان وهجار ديري صوجا لمالحة لي فيها لماداق بحال كنور
المشاركة الأصلية كتبت بواسطة AICHAOMHIBA الله يبارك فيك حبيبتي
—————————————————————————————-
*رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ*