السلام عليكم
أرجو أن أجد الإجابة في هذا المنتدى وجازاكم الله أحسن الجزاء
مشكلتي هي أن زوجي جا عندو واحد السيد جارنا وطلب منو يدخل معه شريك بالربع فواحد الكميو لنقل السلع على أساس اقتسام الربح حسب حصة كل شريك.
المهم بعد أخذ ورد قبل راجلي وأعطاه 15 مليون سنتيم (واللي غير سلفناها من عند والدين راجلي) على أساس واحد العقد فيه كل الشروط وعلى أساس واحد الالتزام أن السيد يرهن دارو إلى ما عطاناش حقنا باش يرد لينا فلوسنا،
المهم هاد السيد أعطانا حصة شهر واحد وماعاودش عطانا حقنا ومشات ل15مليون.
من بعد تبين باللي السيد شارك بالنصف مع آخر وحنا الربع وهو الربع الآن هو فالحبس لأن السيد الشريك الأول دعاه وحنا مازال ما دعيناهش لأن عاد عرفنا الخبر
بغيت نعرف واش الوثائق اللي عندنا كافية باش نسترجعو حقنا وواش خاصنا ولا بد ندعيو السيد باش ناخدو فلوسنا
ولا حول ولا قوة إلا بالله العلي العظيم
la;gm pgj fd gh Huvt pgih hgrhk,kd gyvt ]lj
او اختي لهلا يضيعكم راه 15مليون ماشي ساهلة ماجمعها غير الفم
والله في بعض الأحيان كنقول وأستغفر الله هذا عقاب على الذنوب اللي كنرتكبو واللي ما كنعطيوهاش أهمية
ا
ضروري محام يكون واعر ويعرف الثغرات باش تاخدو حقكم قبل مايفوت الوقت حيت ضروري تضامنو مع الرجل اللي دعاه حتى هو شريك وياحبدا تعملو محامي واحد باش تسهال المسطرة
الله يعوض ليكم ولكن اختي خاصكم تدعيوه والوثايق الي عندكم راها كافية
الله ياخد فيه لحق هد شي الي غنقول