الفائزة بالمرتبة الاولى في المسابقة والجائزة تثبث الموضوع لمدة عام هذه أول رحلة مطولة لي من بعد زواجي دامت أكثر من 15 يوم في كل من أغادير، دمنات و نواحي و في الأخير طنجة العالية و تقريري عن مدينة طنجة الي كنزورها لأول مرة نبداو رحلتنا بسبب العياء لي كان ف زوجي بسبب طول الطريق قررنا نرجعو للدار البيضاء نحطو السيارة و نسافرو بلا به و فعلا قطعنا ف CTM بثمن 145 درهم للشخص وصلنا لطنجة مع 14:00 و توجهنا لزنقة الأنطاكي لدار الضيافة عمر الخيام لي كنا حجزنا فيها 4 أيام بثمن 350 درهم لليلة شاملة للفطور الدار قريبة من البحر تقريبا 5 دقائق على رجليك نخليكم مع الصور 
هدي الغرفة لي خدينا مشمسة مزيانة و الأهم نقية 
هدو صور لغرفة الجلوس و فين كنفطرو الفطور كان مزيان : أتاي، قهوة، فرماج، مربى، زبدة، خبز كامل، كرواصون، بتي بان، زيتون مشرمل و عصير برتقال 
كلمة حق الناس ديال الدار عمليين و دائما ف الخدمة ديما ضاحكين و كيسولو واش ناقصك شي حاجة يتبع بإذن ط§ظ„ظ„ظ‡
lahv;jd td lshfrm htqg jrvdv sdhpd gwdt 2024’k[m 000 2024 black hggi color font dfhv; size td;k ‘k[m2019
اليوم الأول راحة لكن اليوم التاني قررنا نديرو جولة ف المدينة العتيقة و فالنواحي هذا شاطئ مالاباطا 
المدينة القديمة 
لتقولو راكم ماعزازاتش عليا باش نصور هاد الصور للمدينة القديمة و نشد البحر حتا هو طلعت فوق واحد الصور عالي ههههه و جلست نصور قالي راجلي هابطي راه كلشي كيشوفيك هههه لمهم منزلت تا صورت هادو هههه 
يتبع بإذن الله
بالنسبة للأكل : مرة كلينا الحوت ف puerto marina الصراحة غزال بزاف و الثمن مزيان و مرة ف le saveur du poisson و أغلب الوقت كنتعشاو و كنشربو القهوة اولا ناكلو المتلجات ف la gelateria corniche و عندهم الحلويات همممممم غزالينعندو منضر غزال على شاطئ مالاباطا اليوم التالت مشينا ل بارك الرميلات بعيدا شويا على وسط المدينة ب 10 كيلومتر تقريبا منتزه جميل جدا طبيعة خلابة كيطل على البحر الأبيض المتوسط 
اليوم الرابع فقنا بكري خرجنا مع 9:30 من الدار الضيافة و توجهنا ل شاطئ أشقار لي على المحيط الأطلسي بحر قمة ف الروعة نقي بزاف و مياه ديالو صافية لعشاق السباحة هادا احسن مكان و خصوصا فيه ناس محترمين و أغلبيتهم عائلات هو بعيد على المدينة ب 19 كيلومتر و فطريقو كدوزو على الرميلات و كاب سبارطيل مناظر غاية ف الروعة كاينين طاكسيات كيوصل لتماك ف ساحة إيبيريا حنا خدانا صديق زوجي انا طبعا من عشاق السباحة مقاومتش سحر المكان و نزلت للما مبقيتش بغيت نخرج الحمد لله ف أخر لحظة خديت معايا ملابس السباحة ( للمحجبات طبعا ) أما كنت غاد ندم اشد ندم ههه 
يتبع بإذن الله
طبعا إلى وصلتو لشاطئ أشقار زيدو فقط 2 كيلو مترات للوصول لمغارة هرقل الرائعة كلينا تماك طاجين السمك هممم من ألذ الطواجن لي كليت طبعا منساش نقول ليكم لبست لبسة ديال الشماليات و تصورت بيها ههه ب 10 دراهم لتبقى ذكرى 
رجعنا لدار الضيافة و رتاحينا ديك الليلة فقنا ف الصباح و فطرنا و حزمنا أمتعتنا و خدينا CTM للدار البيضاء و انا فرحانا لأنها المرة الأولى لكنزور شمال المغرب نتمى انكن ستمتعتو ب سردي لرحلتي في أمل سرد رحلات أخر إن شاء الله
تبارك الله عليك تقرير جميل صراحة انا عجبني بزاف واكيد غدي يلقى اقبال في التصويت بالتوفيق ومشكورة على مجهوداتك نتمنى تشاركي بباقي رحلاتك في قسم السياحة
تبارك الله عليك تقرير غزال يعطيك الصحة و بصحتك
تبارك الله عليك اختي و بصحه مساريه و الا كان مسموح للمشاركات التصويت تاكدي تصويتي ليك لان مدينه طنجه عشت فيها 4 سنين
تباك الله عليك عليك و بالصحة و الراحة موفقة اختي في المسابقة
تقرير رائع أختي خصوصاً أنك خترتي مدينتي الحبيبة لتوحشت بزاف بصحتكم ومرحبا بكم في طنجة مرة أخرى