السلام عليكم انيقاتي و عواشر مبروكة عليكم
اليوم عندي ليكم المسمن ديال الشحمة المعتمد عندي في رمضان ,,,,,,,,,,,,,,,متخلعيش سمعتي الشحمة و نتي دوخي ههههههههه خفتي يمشي ليك الرجيم ؟؟هههههههههههههههه
سامحوني مصورتش المقادير و الطريقة غير لي قدرت عليه ههههههههه البورطابل عمر زيت ههههههههه
المقادير يا انيقتي لي كندير
بالنسبة للعجين
زلافة و نص حتى 2 زلايف ديال الدقيق الابيض
زلافة معامراش ديال دقيق القمح’’’’’’’’’’’ العبار بالزلافة الصغيرة
خميرة العجين == درت ملعقة
ملح
الحشوة
القزبر و المعدنوس مقطعين
3 حتى البصلات متوسطين مقطعين
شوية الشحمة عينك ميزانك تكون مقطعة صغير
التوابل(( الملح الابزار التحميرة سكينجبير))
زيت
الطريقة
كنخلطه مقادير العجين ملي كتجمع تكون مرخوفة شوية نعمله منها كويرات و نخوها ترتاح
بالنسبة للحشوة
على ناار هههههههه و في مقلاة نعمله شوية الزيت نضيف البصلة و معاها الشحمة و يكونو مقطعين (انا عملت شحمة الغنم) ( من العائلة وقت عيد الاضحى ملي كتبقى الشحمة كيذوبوها في كاسرونة و يصبوها في قنينة زجاجية و ييمكن سضيفو الزيت و يخلوها حتى لوقت الحاجة)
ملي تشحر البطلة مزيان و يصير لونها ذهبي و الشحمة تكوب و تلوى ضيفي القزبر و المعدنوس و التوابل ديهم و جيبيهم في المقلاة حتى تندمج العناصر طفي عيها و خليها تبرد ,,,,,,,,,,,,, انا كنخرجها للسطاح يضرب فيها الغربي هههههههه
نصيحة == هو من الاحسن تطيبي الحشوة هي الاولى عاااد عجني المسمن لانه ممكن يخمر كتر من الاازم فمن الافضل بداي بالحشوة هي الاولى
بالنسبو للتوراق كلكم عارفينه مزيان بلا ما يحتاج للشرح هههههه
ملي كتورقي الكورة ديال العجينة بالزيت عملي فيها الحشوة تقريبا 2 معالق و سرحيهم بيدك مزيان و من بعد طويها على 4 و حطيها (( المسمنة خليها مربعة كيف طويتيها و متورقيهاش باش تكبار ))جنب كرري العملية على نصف عدد الكويرات (( مثلا الا عملتي 10 الكويرات عمري غير 5 لانك غادي ديري مسمنة وسط مسمنة ))
ورقي كويرة و حطي وسطها المسمنة العامرة و طويها على 4 بحال الا غادي تغلفيها لان المسمنة الاولى ورقتها رقيقة و ممكن تسرب ليك منها الحشوة فمن الاحسن غلفيها بمسمنة اخرى و حطيها على جنب حتى تكملي
دابا الطياب
ملي تبغي تورقي المسمن استعملي المدلك باش تورقي مزيان و متخليهاش بحال شيبس ههههههههههه او استعملي يديك هههههههههه
نخليكم مع الصور
اوا كيف جيتكم ؟؟
بصحتكم و راحتكم
lslk fhgaplm shig lhig >>>>> lk uk] hguf]dm
قولي بسم الله و مدي يديك هههههههههههه
غزااااااااااااااااااال
تسلم الايادي يا عسل
شكرا على مرورك العطر