مساعدة في عراضة

السلام عليكم انا بغيت ظ…ط³ط§ط¹ط¯ط© من الحادكات ديالنا، نهار الاتنين عندي ط¹ط±ط§ط¶ط© ل 36 شخص و المشكلة هي انني مريضة و يلاه درت عملية هادي 11 يوم و يدي بوحدي و الطبيب مانعني من الشقا على ما يبراو الغراز، دابا فكرت نعمر الدجاج و نصيفطو للفران ديال الزنقة باش يتشوا،و اللحم نطيبو مدغمر،دابا عافاكم نصحوني شحال نشري ديال الدجاج و اللحم ؟و باش نعمر الدجاج راني بغيت نحمر لراجلي وجهو قدام الناس. و شكرا بزاف.

---

lshu]m td uvhqm

السلام اختي الله يعاونك على ضيافك ولكن الى كنتي بوحدك صعيب الحال عليك الصحة ممعاهاش اللعب الى كنتي مضطرة جيبي مرا تعاونك ونتي غير ديري المقادير ديالك وهي دير الباقي تقابل الماعن والبوطة
وبالنسبة شحال يقدك انا كنقول عندك 4 طبالي كل طبلة كيكون فيها 8 تقريبا والدجاج راه خاصك 4 فالطبلة الى باغا تحمري وجه راجلك والى كانو معمرين يمكن يقدوك 3 كبار وفرشي ليهم الخص وزينيه
واللحم طبسيل كيهز من 3كلغ ونص حتى ل4 كلغ على حساب الجهد وبالنسبة للعمارة كيتعمر اما بالروز والكبدة الدجاج اما بالفرميسيل والكبدةوالمصيير هادشي اختي لي تفكرت وانا كنفضل الدجاج بالدغميرة كيجي باين فالحطة وكيتكال والله يعاونك على ضيافك وتكايسي على راسك اختي

اختي الله اشافيك فنضري اللى كان ممكن تلجلو العراضة حتى براي بمرة ولى شوفي شي مرة تعاونك راه الصحة معندها تمن
والله اتمم شفاءك على خير اختي غتشوفي اختي شحال من فرد غديرو فالطبلة وحسبي 3دجاجات الطبلة وكيلو نص لحم لطبلة هدشي لي بان ليب

الله يعاونك على الشقا أختي
الا نضمتي الوقت ما غاديش اغلبك الشقا
ل 36 شخص ممكن ثلاثة ديال الطبالي كل طبلة 12 واحد
ملي غاديري الدجاج و اللحم, جيبي 9 دجاجات عمريهم كما قلتي و صيفتيهم الفران غدي تنقصي عليك الشغال, (الحشوة كنقتارح عليك الفرمسيل مع الكبدة المصير الزيتون مقطع شوية الشومبينو و الكورنيشو ملح ابزار هريسة شوووية الثومة الربيع ضامة البنة هاد الحشوة كتحمر الوجه)
بالنسبة اللحم بالدغميرة تحتاجي جهد 10 ولا كثر شوية حيت غير كطيب كتمسخ, وقدميه كيما بغيتي يا اما بالبرقوق و اللوز ولا المشماش والكركاع ولا خلطي الأناناس و المشماش و البرقوق المهم التزيين كايبقا حسب الرغبة
ربي يعاونك أختي و يشافيك

شكرا ليكم بزاف اخواتي و لهلا يخطيكم، الماكلة ما غا تكونش عندي في الدار انا غير غادي نطيب و هو غادي يدي الماكلة للخدمة و شي سيدة هي لي غا تسخن و تحط و تجمع الماعن،اذن نشري غير 10 دجاج و 10 كيلو لحم؟، انا بغيت نصيفط الدجاج للفران غير باش نقص تمارة،بالنسبة للحم واش 8 كيلو ديال البصلة كافية؟ واللوز و البرقوق نشري غير نص كيلو من الحاجة؟ كنت عوالة ندير لهم تا الفطور ساعة ما عندي جهد الغالب الله.

انا فنظري الى كانو رجال راه 12 فالطبلة بزاف
وبالنسبة للحم راه كيمسخ سولت راجلي قال ليا اقل حاجة تجي فالطبلة 3 الى كان اللحم زوين ولكن الحطة ديال الطبسيل كتهز 3.5
وعندي فكرة علاش مديريش بصطيلة الدجاج ساهلة وجديها قبل بنهار ولكن غير تقاديهم وتقمطيهم ديريهم فالكونجلاطور ومني تبغي تطيبيهم من الكنجلاطور للفران وماغاديش يزاحموك نعار اللحم تكوني مهنية منهم والتقديم ديالهم ساهل
انا كننقل ليك افكاري ونتي تعرفي هههههههه

تا هي فكرة زوينة البسطيلة، غا نتشاور مع راجلي و يلا بغا غا يهنيني من تنقية ديال الدجاج و تمارة دياله

نتمنى فقط ديك لمرا لغادي تسربي تحمر ليك لوجه حيت كاين الانسان يوجد كلشي على حقو وطريقو ودجي وحدة ماتعرفش تسربي او تسخن مزيان وضيع كلشي الله يعاونك

عن طريق : samsung – GT-I9100

انا اختي كتجيني البسطيلة ساهلة ويمكن توجديها قبل بنهاراو يوماين وتهناي منها يبقا ليك اللحم يلى مبغيتيش الروينة ديال الطنجرة والريشو كتقسميه فكوكوطات وطيبيه على المهل كيجي رائع ومعاديش تعدبي اما الدجاج معمر الى طيبتيه والمرا سخناتو غادي ينشف ويكرم والى معرفاتش تسخنو لافاغس غادي تبقا باردة ونتي تعرفي المهم فكري فشي حاجة تجي زوينة ومتعدبكش

شكرا لكن على المرور و النصيحة، دابا عجبتني البسطيلة لكن المراة لي غا توجد الطبلة ما تعرفش تسخنها و خفت يلا تمشي تفرتنها و ما تعرفش تقدمها،ورطة و اشمن ورطة هادي