مساعدة : تغدية الطفل البالغ من العمر 4 أشهر

أخواتي ارجو المساعدة، ابني بلغ شهره الرابع هل تنصحونني بإضافة بعض الاغدية الصلبة الى تغديته ام الاكتفاء بالرضاعة الطبيعية الى الشهر السادس

---

lshu]m : jy]dm hg’tg hgfhgy lk hgulv 4 Haiv gaiv hlulv

اختي اربعة اشهر باقي صغير معدتو متستحملش
شوفي صلقي الخضرة و عطيه الماء ديالها فقط
انا تنبدا الماكلة حتى 6 اشهر تنتبع نصائح الطبيبة
تجنبا لاصابته بحساسية و حتى معدتو باقة متستحملش الماكلة
و فحالة الى بغيتي توكليه شربي كي قلت الماء ديال الخضر
و حليب الام فهاد السن راه غداء كامل
الله يخليه لك

مشكورة اختي على مرورك انا هذي كانت فكرتي ولكن الناس تيقولولي ضروري تعطيه الماء و و و و دخلوليا الشك خفت مشككككككككورة

أما الأكل حتى ل 6 شهور من الأفضل

السلام عليكم ورحمة الله وبركاته
اختي حسب تجربتي انا بديت للماكلة نولدي ملي عمل 4 اشهر صراحة ماكانش بقى يشبع غير بالرضاعة وكان يبقى عينه على مكلتنا فاش نكون ناكل لهذا بدات باعطائه خضر وفواكه مسلوقة لهذا كايبقى وقت البدا بالاكل للاطفال حسب كل طفل اتمنى اكون افدتك بتجربتي

هتا أنا نفس المشكلة بنتي عندها خمس شهور أمزال معطيتها الأكل مكتافيا غير بالرضاعة الطبيعية

الله يخلي ليك وليد بالنسبة لتجربتي مع بنتي كنت تنعطيها الماء الخضر لمسلوقة فالرضاعة كنت تنخلط معاه الحليب ديال الفرماسيان و كنت بديت ف 4 اشهلر تنعطيها جيرفي بتي سويس ديال 1درهم واحد تنخلط معاه شوية الماء باش يخفاف و نعطيها فالرضاعة اما بالنسبة للماء بديت تنشرها ماء عين سايس ملي كانت عندها 3 ايام حيت انا مارضعتهاش البزولة اما مورا 4 اشهر انا دخلت الخدمة و الوالدة ديالي ولات تتعطيها كل شي ماكاين غير تلغاج هههههههه

مشكورات اخواتي على المساعدة الله ارزقكم بيت في الجنة ان شاء الله

أختي أنا أولادي بديت ليهم الأكل من 4 شهور واخا كايقولو 6 ولكن أنا بغيتهم غير إيمتا يبداو ياكلو هههه و دابا عندي وليد عندو 3 أشهر و نص *أختك كتولد غير الأولاد هههه* وبديت تنعطيه ماء الروز و دانينو أزرق و أكيد الماء من الأول حيت كيجيني مسكين عطشان و انشاء الله ملي يكمل 4 شهور نبدا نعطيه خيزو و التفاح واخا ماما مني كتشدو وهيا كتوكل فيه حتى من الكروفيت عطاتو ليه هههه والحمد لله داز هداك النهار بخير

ضحكتوني بارك الله فيكن
فدتوني بزاف