لي عزازين عليها المصارن مظفورين تدخل

اخواتي انا كنحماق عليهم خصوصا فالتقلية.
المهم باش يتغسلو مزيان قلبيهم صفيهم من الماء ديري الملحة كمشة تقريبا و بداي تخبطي بحال لكطربي البيض و غادي تشوفي اش غادي يخرج منهم من بعد شليهم بالماء راه كيتنقاو مزيان.
بالصحة و الراحة ودعيو مع الوالدة الله يرحمها.

---

gd u.h.dk ugdih hglwhvk l/t,vdk j]og

الله يرحم امك وابى وجمبع اموات المسلمين..انا اختى كنرفدهم فى الماء والخل..هده المرة نجرب طريغتك..وشكرا..

بارك الله فيك

الله يرحم أمك وأبي وتبارك الله عليك فكرة جميلة حتى أنا كايعجبوني المصارن مضفرين بالخصوص فالتقلية

الله يرحم امة لا اله الا الله محمد رسول الله شكرا لكن على الردود اللطيفة.

الله يرحم أمك وتبارك الله عليك فكرة جميلة

شكرا لك على النصيحة الله يجعلها لك فميزان الحسنات الا ممكن تنصحينا على طريقة نظيف الراس لاني هدااول عام غاديا نعول فيه على راسي

و الله يرحم اوالدة ديالك وكوني متاكدة بانها مفتخرة بيك
كما قال رسول الله الحبيب:

ينقطع عمل العبد المؤمن بعد موته إلا من ثلاثة

عمل صالح أو صدقة جارية……………..و الأهم في هذا المقام

إبن صالح يدعو له……………..فانت تنفعي أمك رحمة الله عليها……………بالدعاء

جزاك الله خيرا

على عيني و على راسي الحبيبة غادي نقوليك كلشي بالتفصيل الممل .
ملي كاي تدبح الحولي و كاتاخدي الراس كتنقصي الصوفة منو بالمقص باش يسهال عليك التشواط ديالو انا كنطلع للسطح و ندير واحد للا مولاتي زهارية دالعافية ونبدى نقلب فيه وفنفس الوقت كتكرطي داك شي لي تحرق ملي تكملي حاولي انت ولا الزوج ديالك يهرس لقرون ما حدو سخون.اما طريقة الغسيل اما كتحكيه بالسلك الحرش راك عارفاه او الى عندك شيتة قاصحة و تبرد القلب ما عليك غير تحكيه بها و غسليه مزيان الحبيبة ديالي انا ملي كنت صغيرة 12 سنة كانت الوالدة كتعطيني الراس باش نشوطو كنت كان نندب ليه احناكو مسكين و عام على عام تعلمت الله يرحمها .عيد مبارك سعيد

اخوتاتي انا مكناكل والو من الحولي ريحتو مكنحملهاش للاسف