لون صباغة الجدران مناسب من فضلكن

البنات بغيت ناخد رايكن
اللون د الصباغة المناسب لبيت الجلوس مربع و ضاوي ومفرش بكنبات جلدية بنية*قهوية*عافاكم ردوعليا

---

g,k wfhym hg[]vhk lkhsf lk tqg;k lk,

salam kandon lbij we dakhal m3ah lmaron yji zwin aw wetemena l akhawat yefidok b araehom aktar

salam kandon lbij we dakhal m3ah lmaron yji zwin wetemena l akhawat yefidok b araehom aktar

حشوووووووووووووووووووووومة عليكم
اختي سجود الليل فقط الي اهتمت بموضوعي

مادام عندك كنبات في القهوي وهاد القهوي كيوتيه اللون باج وليموني تحاولي تصبغي البيت بالباج وفي الوسط تحاولي ديري مستطيل علي دورة البيت كلها بالليموني المهم الليموني ديريها في شي بلايص وتزيدي مخيدات في اليموني علي الكنبات ومخيدات في الباج

حتى انا كنظن البيج يجي غزال وبما ان البيت ضاوي ممكن ديري جوج حيوط بالبيج و جوج لخرين اللي مقابلين بالمارون او الارونجغادي يجيك غزال وديري مخيدات بالبيج و المارون او الارونج على حساب اشنو ختاريتي

الله يعاونك اختي ف الصباغة ماشي ما جوبناكشي المنتدى كيتصلاح بغيت نرد عليك البارح وكان مسدود هدا علاش
اختي بالنسبة للبيت قلتي عندك الكنابي ف المارون خصك تشوف شمن لون بغيتي تعملو كديكورات ومخيدات واكسسوارات الزينة مع القهوي
احسن الوان كيتواتاو مع البني كاين الاورونج وكاين التيركواز مع البيسطاجي وحتى السومو كسجي فن ولاو كيعملو المخيدات مشكلين بالالوان المهم شوف شمن لون كيعجبك وبغيتيه باش تقرر الصباغة الي تعملها ف الحيط
ممكن تعمل الحيوط كلهم بلون الي اخترتي سواء الاورونج او التيركواز متلا اوالبيج وتعمل السقف ف الابيض بالنسبة للصباغة ماغون كنفضل تكون ف حيط واحد الي فيه التلفزة
ممكن تعمل جميع الصيوط بلون البيج وتعمل حيط واحد الي من وراء التلفزيون باللون الي بغيتيه يكون طاغي ف البيت
وممكن تعمل 2 حيوط ف لون و2 ف لون الي اخترتي
وانا كنفضل الاختيارين الاولين
عمل دورة ف كتالوج الصالونات يمكن تقدار تعراف اللون الي يعجبك اوشوف ف النت ادا عجبك شي لون
المهم انا نوريك بعض الصور باش تاخد فكرة على الالوان

انا ما نكدبشي عليك كيحمقني الاورونج او التركواز ولك واسع النضر ههههههههههه

السلام عليكم ورحمة الله وبركاته

أختي كيف قالولك البنات المنتدى كان عيان اشوية ودابا الحمد لله هالبنات غيردو عليك

اللون البني كيجيو معاه كيف قالو الأخوات البرتقالي والتركواز والبيج والبني نيت وكل واحد واللون لي كيرتاح له

ماقلتيش انت ألوان الستائر كيف عندك لأن حتى هما غيلعبو دور في تحديدك للون اللهمإذا كنتي غتشري الجديد لي يواتي الصباغة

المهم انطلاقا من ذوقي وحتى أنا عندي صالون مربع وضاوي حيت الواجهة كلها زجاج صبغت بالبني لي ماشي للشكولا بالحليب ا فاتح على اللون ديال الصورة الرابعة لي حطت أناقة طنجوية

والستائر عندي بني غامق والتحتي ابيض مهرس وفيه دوائر بثلاث ألوان بني غامق وبيج وذهبي

والأرضية عندي بحال لي فالصورة الثانية لي حطات أناقةطنجوية

واسمح لي ما عنديش صور حيت مزال ما كملت وإلا كنت صورت لك باش تاخذي فكرة