للا العروسه فين وصلتي و اش قضيتى

السلام عليكم
اول حاجه كنبااارك لكل عرووسه جديده الله يفرحها و يتبت غرسهااا
و المخطوووبه الله يجمع شملها مع الانسان الل بغااات

كيف ما شفتووو بغيت ندير تجمع للبنات الل كيجهزو راسهم الهدف منه هو الافاده و الاستفاااده

من وصفااات
لبااااس تقليدي عصري او ديال الدار
ما كياج و روايح

الل جات عل الباااال

بغيت كلنا نستاااافدو من الاخوات و كل وحده تفيد التانيه

شخصيا انا عملت لائحه لل خاصنى مازااال

شجعوووونى كل وحده تحكيلنا فين واصله و انا بدوري نحكيلكم و نفيدكم حسب المقدره و المعرفه ديالي

شنو الوصفات الل كتعملووووو

للشعر او البشره

نتمنى التجمع يلقى تجاوب

---

ggh hguv,si tdk ,wgjd , ha rqdjn Hlh rqdjd

صاوبت :
– 3 تكاشط
-2 قفاطن بالحزام
-3 قفاطن بلا حزام
-الشورا : ليزار+مخاد ديال النموسية +nappe ديال الطبلة مطروزين
-8 الفوطات ديال الوجه
-فوطات ليا ولخطيبي
-6 بيجامات
-les cremes+parfums+bain de douche
-صندالة soirée
-بلغات عاليين ديال الصم : doré+argenté
-4 جلالب
-4 les nappes de table ديال تركيا
-الدهب : خاتم + براصليات ديال 3 + سلسلة كبيرة

up

مبروك مقدما و الله اكمل بالخير لجميع لعروسات و يسهل على جميع البنات باللي يفرح خاطرهم
انا هدا جهازي
الدهب الخاتم و البراصلي الي جابوا لي فالخطبة

خيطت 2 تكاشط 2 قفطان قصار قفطان بالحزام 2 جلالب
تهليت فملابس ديال الدار هوما مناش كترت و نوعت بين الطويل و القصير بين بيجامات و سورفيطات و شوميز دو نوي و بحيت عرسي فهاد راس العام خديت حوايج ديال البرد حتى هوما :2 بنوارات سخان واحد طويل و بنطوفتو و واحد قصير عاد ناخد ليه بنطوفة و سبابط واحد قهوي بصاكو واحد باج درت معاه بزطام كببير نيت في الباج و بلغة وحدة أنا مكنعرفش نتمشى بالبلغة هههههههه
سباط و صاك سواري
فولارات تركية حسب اللباس و الجلالب و شيلان للحطرات واحد مدهب و واحد فضي
و المكياج و البرفنات و كل ما كيخص العناية الشخصية خديتهم من افروشيل و شي حاجة من البرفارمسي
بينورات للحمام لي وراجلي و 4 ديال فواط متوسطين و4 فويطات صغار
سطل الحمام بجهازو حتى هو منستوش هههههههههههههه و كلشي فيه مضوبل لي وراجلي
و بالنسبة للشوار درت ليزار مطروز كيما عادت كل المغربيات و كويط تركي في الموف و 2 كواش و 2 ايزور منوعين بتكاكيهم و معاهم ايزور ديال الغطى ديالهم هدشي اللي درت صافي حيت كتجي كادويات فالعرس و انا وزعت على العائلة القريبة واللي مكنحشمش منهم كلها واش إجيب لي باش هكا انقصوا عليا بزاف ديال الحوايج خصاني لداري.
الله اسخر لينا كاملين كلشي موجود و اللي ما لحقناها دبا مزال ان شاء الله نشريوها المهم السعادة وراحة البال

تباااارك الله عليك كلشي متوووول
الله يكمل بالخير

بالصحه و لراحه لزيين
كلشي غزال الله يكمل بالخير

بغيت نشير لواحد النقطه البيجامات خليوهم لمره مره من تكونى بوحدك او ف العشيه قبل النعااااس
ديرو لباااس بنات الليسي هههههههه راكم فاهمين ياااااك
صايات مقزبااات كسيواااات
سراول الدجين مزيرين
داكشي الل كيشوف الراجل ف الزنقه نعملولو ف دارو احسن و ف الحلال

و هادى عاده كاينه عند التطوانيات لانه اصلي تطوانيه واخا غير الاصل …فين كندخل لا ف تطوان عند العائله او ف المضيق كنجبر البنات مزولين البجامات و لابسين الباس الل كينلبس و كنشوفوه ف الزنقه

نحاولو نبدو الطبايع شويه راه الزمان كيتبدل

لي عوده نقولكم جهازي لحد السااااعه

السلام عليكم وتبارك الله على لالة زينب وعلى البنات
انا مازال ما جمعت ههه المهم لهاد الساعة عندي الماكياج والبرودويات والبارفام وفصلت تكشيطة وحدة وقفطان واحد ههه وواحد الصنيديلة عالية بزاف عوالة نلبسها ان شاء الله مع التكشيطة
اما الباقي الاخر لبسته هههههه المهم باقي بعيد الحال مع الوقت ان شاء الله نوجد كلشي
وبصحتكم البنات والله يكمل بالخير للجميع