لكفتة بالخضرة لديدة وصحية لأطفالكم

** نصف كيلو كفتة بلعطرية تاعها " كل وحدة ولعطرية تاعها "

** 1 بطاطا

** 1 خيزوة

** 1 كورجيطة

** 1 بيضة

** 3 بصلات

** 4 روس ثومة او ثومة غبرة

** معدنوس

** شوية زيت زيتون + شوية زيت العادية + شوية لملح + شوية لبزار + شوية لخرقوم بلدي + شوية تحميرة

نخليكم مع الصور وشرح في نفس الوقت

هادو لمقادير بنسبة لنصف كيلو كفتة الى درتو كيلو دوبلو لمقادير

أول حاجة كنحكو لبصلة وثومة ونزيدو لعطرية لي دكرنا سابقا ولمعدنوس ونحطوهم يتشحرو على عافية مهيلة ." درت ثومة غبرة ومكعب معدنوس "

مكانش عندي لوقت ودرتها في طنجرة نتوما ديروها في طاجين وخا هاكاك كتجي ظ„ط¯ظٹط¯ط© فيهم بجوج

ثاني حاجة نحكو لخضر في لحكاكة لغليضة ونزيدو عليهم ظ„ظƒظپطھط© ولبيضة ونخلطوهم مزيان بلاما نديرو لعطرية حيت ظ„ظƒظپطھط© فيها لعطرية ونكوروها كويرات حسب الرغبة

هنا كورتهم وخليتهم حتى تشحر لبصلة

هنا صافي لبصلة تشحرات

هنا حطيت فوقها لكفيتات " متزيدوش لماء راها غادا طلق لصوص تاعها "

هاهي غطيت عليها طلو شوفو راها طلقت لاصوص تاعها ياك مكدبتش عليكم ههههه

هانا عريتها ليكم باش تشوفو مزيان ياله هههه

ملي تحسو بها طابت من لتحت جيبو معيلقة وبداو تقلبو بلوحدة بلوحدة باش يشربو لصوص تاع لبصلة ردو بالكم راها فيساع كطيب

هاهي طابت متسهاوش عليها بحالي راني خليتها شربت بزاف واخا هاكاك جات فنة وزوقتها بزيتون

كنتمنا طويجين تاعي يعجبكم ويعجب وليداتكم

أستودعكم الله الذي لا تضيع ودائعه