لبنات واش عندكم فكرة على عقد زواج مغربيه بعراقي في العراق

أنا مقبلة على الزواج من مواطن عراقي وبحكم أنه ضابط شرطة مخصوش يطول بزاف فالمغرب حتى نكتبو العقد حيت فيه الطلوع والهبوط بزاف وهادشي كيبغي وقت وقررنا نديرو العقد فالعراق وغادي إجي أسهل على حساب كلامو ممكن تفيدني شي وحده منكم دوزات نفس التجربة !!

---

gfkhj ,ha uk];l t;vm ugn ur] .,h[ lyvfdi fuvhrd td hguvhr

اول شي العراقيين مكيعطوهومش الفيزة لدخول المغرب فاحسن تصيفتي ليه توكيل من ولي امرك والاوراق المطلوبة و يدير العقد فالعراق ..الله يسهل امرك

اختي راه رجال الامن والعسكر ممنوع عليهم يتزوجو اجنبيات في اي بلد حاولي تاكدي من هاد معلومة والى كان فعلا كيتزوجو ما عليك غير ترسلي ليه توكيل للعراق
غير تاكدي من مسالة انهم كيتزوجو اجنبيات راه اختي اللي معروف اي بلد للي خدامين في الامن ولا الجيش ما كيتزوجوش باجنبيات غير الى خرج من خدمته

راه هنايا فالمغرب من ولد لبلاد الى كان عسكري وبغا يتزوج شي بنت بلاده كيديروا عليها بحث ..عاد ولاد البلدان الله يسهل ليك اختي

Allah ysahal amrak okhti

شكرا أخواتي نزهة وأمال حياتي وسهام على هاد المعلومات لهلا يخطيكم ولكن راه جا شي مرة في مهمة مع وفد عراقي للمغرب وقال ليا أنه ممكن يجي وحتى العقد راه سول الناس اللي فالسلطات وغادين يوقفو معاه هادشي كيحيرني والله العظيم حتى تلفت

اختي الله يسها عليك امورك انا راه قلت ليك على مسالة راه ممنوعين على حساب تجربة اختي ونتمنى من الله الامور معاك تكون احسن
غير انتي تاكدي بوحدك سولي اي حد خدام في الجيش او الامن قوليه واش يمكن يتزوج اجنبية مافيها والو ترتاحي من هاد ناحية
اما الى كان موجود زواج راه اسهل شي هو توكيل بالنسبة العراقيين شوية صعيب يعطيهم فيزا
والى كان جا قبل راك قلتيها مع وفد عراقي ماشي جا سياحة بوحدها فهمتي بوحدو ما ييعطيوهش

شكرا بزاف أختي أمال حياتي سمحو ليا عذبتكم معايا راني سولتو دابا وقال ليا راه ممكن يتزوج أجنبية واخا هو خدمتو فالشرطة حيت كل بلاد وقانونها على حساب كلامو ولكن غندير داكشي لي وصتيني بيه نتي

انشالله يكون خير ويكون كلشي ساهل الله يفرحك اختي
ومافيها باس فعلا تاكدي باش ترتاحي مزيان

ربي يخليك أختي أمال حياتي دابا نسول على هاد القضية واخا باين ليا العراقي واثق من راسو ولكن منكدبش عليك أنا كنخمم كتر منو