لبشرة صافية وخالية من الحبوب والكلف ومشدودة تجربتي ناجحة 100/100

حبيباتي ليوم بغيت نقل ليكم طھط¬ط±ط¨طھظٹ مع زيت أقل ما يقال عنه هو نعمة الله على وجه الأرض والله العظيم كنت أعاني منذ زمن من الكلف وحساسية وحبوب حمراء صغيرة الى أن قرأت على هدا الزيت وما له من فرائد كثيرة على البشرة فهو يبيض الوجه ويعطيه نضارة وجمال ويقضي على الكلف ويحفز خلايا البشرة على التجديد الداتي اي أنه كيخلي الخلايا لي ماتو يحياو من جديد فيصبح الوجه مشدود لأنه غني بالفيتامين "أ" وفيتامين "د" وخصوصا فيتامنين E ليكيعمل على شد البشرة أي يجبدها ويقضي على الهالات السوداء تحت العين والكثير الكثير من المزايا أنا وأعود بالله من قول أنا كنستعملو دابا أكثر من سنتين والحمد لله تغيير جدري في بشرتي ووجهي عامة والشيء الجميل أنه كيقضي على التجاعيد والله العظيم كل من كيشوفني من العائلة كيستغرب ختكم صغارت هههههه.

نجيو لطريقة / في الليل كنأكد في الليل الله يرضي عليكم ماشي في الصباح ولا تخرجو بيه هاد شي في الليل كتغسلو وجاهكم مزيان بصبون لحجرة أي تاع الطاوس ماشي لي فيهم ريحة راهم كيخصرو البشرة وهدا كلام طبيب وتنشفوه مزيان وتاخدو زيت ودهنو بيه وجاهكم ديرو شوية في لقطن وتمسحو بيه لوجه كامل وخصوصا تحت العينين وحتى العنق وفي الصباح تغسلوه بصابون الحجرة والنتيجه غادا تبنان في 3 الاولى وهدي تجريبتي الخاصة بغيتكم تستافدو منها . الزيت هو /

زيت نبتة القمح Huile de Germe de Blé

الله يخليكم خودو بحال زيت لي في الصورة تاع شركة PLANTIL ويكون اللون تاعو ليموني كنأكد ليموني ماشي صفر ولا بيض حيت كينين شركات خراين وألوان أخرى وتقريبا كلهم جربتهم لقيتهم خيبين وكيضرو البشرة حتى لقيت هاد زيت تاع هاد شركة صدق ليا مزيان عنداكو يحساب ليكم أنني صاحبت شركة وكروج لمنتوج تاعي ههههه والله حتى غير هو أحسن ماركا عندنا في المغرب نخليكم مع الصور