لائحة التقدية للمغتربات في جزئها الثاني و العشرين

السلام عليكم و رحمة الله و بركاته
حبيباتي الغاليات ، يسعدني افتتاح الجزء الثاني و ط§ظ„ط¹ط´ط±ظٹظ† ماشاء الله
طبعا وصلنا لهاد المرحلة المتقدمة بفضل الله و بفضل مجهوداتكن و مشاركاتكن جميع
لا سواء السيدات القديمات لي اسسو معانا هاد البيت او الجديدات و الحمد لله في كل
مرة تلتحق بنا سيدة جديدة هدفها الاساسي هو الاقتصاد و حسن التدبير و تعلم اساسيات ط§ظ„طھظ‚ط¯ظٹط©
الله يجازي خيرا كل من شاركت معنا بطريقتها الحكيمة في ط§ظ„طھظ‚ط¯ظٹط© و الاقتصاد
الموضوع للاسف رغم نشاطه لكن بدا الكسل و العجز يتسلل لقلوبنا من ناحية الجمال و العناية بالذات
لهذا من هاد الباب بغيتكم ترجعو لنشاطكم و تطردو العچز و تهلاو في راسكم
و تذكرو دائما ما قلناه على البرمجة الدماغية و حاولو تخمدو مزيان على هاد النقطة
ان شاء الله يرجع الموضوع لنشاطه و تستمرو في وضع وصفات طبيعية و اقتصادية للجمال
و كذلك وصفات و اكلات سهلة و اقتصادية خاصة بهاد الفصل و هاد البرد
بالنسبة للتقدية لاحظت ان مزال فيكم لي كتشري السقاطة ، حبيباتي نصحكم تبعدو منها قدر المستطاع
مافيها حتى نفع لا على صحتنا و صحة وليداتنا و لا على جيبنا ، متنساوش انكم مسؤولين على اي شي تايدخل لداركم
و اي شيء تياكلوه وليداتكم و عائلاتكم و اي حاجة تقدر توقع ليهم نتيجة اكل شيء ما نتوما السبب فيه
تذكرو مزيان هادشي ، و خصوصا الاطفال الصغار او الرضع بعدو عليهم بيسكوي و شيبس
ماحدهم مزال صغار حاولو تقنعوهم يبعدو منها و عوضوهم باكلات خرى معمولة في البيت
شاركوهم بتحضير حلويات الصابلي و الكيك هاكدا غادي تجيهم رغبة ياكلو من البيت حيت شاركو بتحضيرها
مهم تحكمو فيهم قبل مايكبرو و يتمردو عليك و يكون من الصعب عليك التحكم فيهم من بعد
متنساوش توضعو جميع وصفاتكم الجمالية و المطبخية في الملحق و هذا الرابط ديالو

https://www.anaqamaghribia.com/vb/sho…d.php?t=415241

و تانصح جميع الجديدات لي بغاو يتلاحقو بينا يرجعو ليه ، فيه جميع النقط الاساسية ديال ط§ظ„طھظ‚ط¯ظٹط© و الاقتصاد
و كذلك باقي الوصفات و النصائح و إيلا عندكم اي استفسار او سؤال او اي فكرة حبيتو ناقشوها
وضعوها هنا و حنا نجاوبوكم ان شاء الله

جدول التحدي لشهر نوفمبر من طرف الاخت المحاسبة ديالنا ام هبة

مرحبا بالجميع في دويرتكم جديدة و بالتوفيق ليكم جميع

---

ghzpm hgjr]dm gglyjvfhj td [.zih hgehkd , hguavdk (22)

لعقوبة لي بقات لي من الدار لقديمة
نبع الحنان ، تقدري تحطي شنو شريتي و الثمن ديالو ، اصلا هاكدا كنا نعملو من قبل
باش نشوفو الفرق في الاثمنة و شنو لي غالي من الرخيص ، هاكدا تكون مقارنة بين المحلات و المنتوج
لاحظت بزاف عندك ديال السقاطة : شيبس و بيسكوي و مونادا ، كثرتي بزاف
قلتي بغيتي تحيدي شهوتك من شيبس لكن شفت هاد خنيشات كاملين بزاف على شهوة
هادي راه شبعة نيت هههههه إيلا كان هاكدا في كل شهر او كل تقدية غيرر خودي خنيشه وحدة في سيمانة حسن هههههههههه
مهم حنا عيينا معاكم في هاد الموضوع و نتوما مزال فيه ، درنا لي علينا و نتوما بقا ليكم لي عليكم و لكم واسع النظر !!!!!

نسيمة ، تبارك الله عليك طبسيل عندك غزال ، خاصنا نعرفو باش عمرتي او ذهنتي جينواز ؟؟
سيري كتبي هادشي في الملحق ، ياللى طيري ليه و رجعي هنا قولي لينا شنو درتي
و الله يتقبل الصيام و صالح الاعمال
هدى : تانظن بغيتي تعملي طارط و بغيتي كريم باتيسييير ، انا كنت حطيت في الملحق
وصفة و طريقة ساهلة لكريم و ناجحة و تصدق ليك و للمبتدئات إيلا بغيتي جربيها
ام زكريا : عندك الحق خاصنا نوضعو الثمن مع المنتوج و المحل منين شرينا
عزيزة : على سلامتك ملي قدرتي تشدي مصروف وليداتك و كيف قلتي ماحصلتي عليه
إلا بعد نضال و مجهود كبير ، ماتخليش هاد المجهود يضيع ، و كيف راجلك طلب منك لفلوس ببرودة
حتى نتي طلبي منو يردها ببرودة اكثر و ابتسامة عريضة ههههههه مكاين لاحشمه ولا عيب
ام هبة : بالنسبة لصاحبتك ، قوليها تخلي فلوسها عندها و ماتعطيه والو و إيلا كان عارفها عندها لفلوس
تقوليه بغاتهم لشي حاجة خرى مهم تصرف ، يمكن هو عارف و كايستغل هاد النقطة
معلوم ، اللي لقا لي يخدم و يصرف عليه و يجمع و يخبي فلوس علاش يمشي يخدم و يتعذب
ينعس مرتاح حسن !!!! هنا مكاين لا قلبي ولا حبيبي ، تخبي فلوسها و تقوليه ماعنديش
هو يتصرف ، نهار غاد يتزير راه غادي يجمع راسو و يمشي يخدم في اللي كان واخه
يخشي راسو مع لعيالات في ميناج ، اما إيلا لقا لي يعطيه كلشي و الله تما بقا واخه مايبينش ليها
لكن هاد النوع الانتهازي و الاستغلالي هاكدا داير. دابة يتشرط في الخدمة لكن من بعد غادي يدبر على راسو

باقي لبنات تحياتي ليكم جميع هادشي لي شديت هاد الصباح

صباح النور لغزالات ،
سعاد الله يفتح عليك بيبان الخير
وتبارك الله عليك وعلى المقدمة المشجعة لي عملتي
هاد الجدول لي درتي راه ماكاملش كاينين بنات لي تزادو من بعد
هادا لي حطيت ليك هنا هو لي جديدي إلا قدرتي بدلي هادا لي درتي نتي .

باراك الله فيك اختي سعاد وكل بنات لي جاوبوني ، راني هدرت معاها وقلت ليها تخلي فلوسها معاها، راه زادت صدماتني قالت لييا فشهر 6 لي فات خلصات عليه مليون حيت واحد من صحابو واقف على فلوسو ( على مليون) وعطاتو ليه ، قلت ليها إلا كلاوها فلوسها تسيفطهوم لباها ولا تعطيهم لييا نخليهم عندي امانة، وقالت لييا مرة مرة راجلها كيلوح عليها الهدرة بلي لكريدي وصل وقتو وخاص لفلوس يتخلصو ( وهو ماخدام يعني كيمعني عليها) هيي كاتجاوبو هدر معا الناس وقول ليهم يزيدو يصبرو عليك شويية،
ونزيدكم قالت لييا هو فينما يكون عندو شي ريال ، كيمشي يشري بيه حوايجو ولا شي حاجة خاصاه، هي مسكينة عام تقريبا ماشرات تحاجة غير باش ترد فلوس الناس.

هاد الرجال يالطيف فينما نجيوهم يجيو من لعكس

شكرا ليك حبيبتي ، صإفي درت التعديل على الجدول
شفتي راكم كثرتو العقوبة و ماعرفتش كاين جدول آخر !!! هههه

السلام عليكم
الصباح الخير الغزالات كيف صبحتو
الف مبروك علينا الدار الجديدة والله ادومها محبة بناتنا
دمعة خاشعة الله خليك بنيتك انا اخر مرة شفت فيها ام عبد السلام قبل ماتولدي انت كانت قلت ليا بيلي قربتي تولدي وقلت ليها تبلغك سلامي من تم مابقيت شفتها هي اشنو ولدات راه حتى انا تنتقدى مرة في الشهر وحتى انا كنت بحالك راجلي لي شد المصروص ميلي لقاني تنقتاصد ولا تعطه ليا وتنتقداو بجوج ولكن الي اشاط من المصروف تنشدو انا وداك الشهر مكنتش معاه هو الي تقدى وىالباقي جابو ليا بحالة انا الي تقديت
زهيرو منبغيكش تكوني هكا صبعان ايديك ماي بحال بحال الا كان خوك تبدل راه المرا الي بدلاتو وشتقولو حتيت المسند واعر اما خوتك لخراين اش دنبهم بالعكس خصك تبقاي معاهم كما اكنتي واحسن الا قدرتي دابا راهم اقول اختنا تبدلات عليها ميلي تزوجات بقاي انت مولات القلب الكبير وسمحيليا الا تكلمت معاك بهاد الطريقة
نسيمة تبارك الله اعليك والله اقبل ممنك ومنا حتى انا بديت الصيام نهار الثلاثاء وراني بقى مربتها حيت مغدا نديرها حتل نهار الثلاثاء ان شاء الله ونرد عليك الخبار
منبع الحنان الله يبارك لك فالتقدية اختي تبان لي بيلي عندك السقاطة بزاف زيدها تتستعملي الكارطة الي مدسراك
ام يسرى واسىحاق شكرا على جوابك
سعاد شكرا ليك بزاف دا ندخل نشفها

آآاوووووف ، هاد النوع كيف قلت انتهازي و استغلالي و عندو حب الامتلاك
هدا انا متأكدة عارف بلي عندها فلوس داكشي لاش ناعس على جنب الراحة
و هي مسكينة ديما دير ليه خاطرو و تعطيه ، معلوم علاش ينوض يتعذب
هاد النوع خاصو صدمة قوية باش يفيق من نعاس و من احلامو قبل ماتصدم هي مسكينة
قوليها توقف عليه و تقسح معاه شوية ، مكاين لا فلوس لا والو لي عندها خسراتو
او حتى هي دفعاتو في شي كريدي عندها ، مهم تصرف و تخبي فلوسها عند شي حد
كيف قلتي عندك ولا عند واليد ديالها و إيلا اضطر الامر دخل واليديها في الموضوع
كاين بحال هاد النوع تيحساب ليهم المرأة بوحدها مامعاها حد لي يوقف معاها
نهار ينوض ليه وليديها و بالخصوص باها و خوها ، معناتها راه معاها رجال
هنا غادي يبدا يخاف و يضرب ليها الف حساب ، الله يحسن عوانها مسكينة
و الله هادشي لاش انا تنفضل مانخدمش و نبقا مرتاحة من صداع و مشاكل و من تمارة ديال الخدمه
على اقل بعدا ربحو راحة البال و نتجنبو صداع و المشاكل بين ازواج، الله يهديه عليها

*جيهان: شكرا اختي على الجواب ديالك ، والله يكون فعوان صاحبتك ، مابقات تيقة ف فالراجل واخا يكون مقطر ليك من عينيك ، هادي راها طرات ل صاحبتي، 16 سنة وهما مزوجين وجابتو لفرنسا ودارت ليه لوراق، ملي خدم قال ليها نتي صرفي وانا نجمع باش نديورو دار فالمغرب، وهي مسكينة نيية لدرجة السداجة، بنا دار وهي خلصتها كتحطها فالصرف والفاكتورات، نهار كملات 16 عام عيات من الخييانات ديالو وحيت ماعندهم ولاد، طلبات الطلاق، عرفتو اش دار ، الدار لي بنا فالمغرب هزها بحدو حيت كانت بسمييتو، طلقات وخرجات بلا ريال بلا جوج حتا من فراش دارهم ف فرنسا قسموهو على جوج وهيي لي مفرشا كلشي .
بحال هادي ماشي تمشي تحرقيه وهو حي.
*نسيمة: تبارك الله عليك وعلى حلويياتك ، كون غير كنت حداك والله حتا ندوق ليك بالزربة ونقول ليك كيف جاتك.
*عزيزة: كنحييك اختي على النضال ديالك حتا ربحتي المعركة ههه ولاكن ماشي لي بنيتيه فسنوات تردميه بحشومة ههه قزدري حتا نتي وجهك وطالبي ، وبصحتك لبراسلييات .
*نبع الحنان: مرحبا برجوعك ، وبصحتك التقديية، ولاكن بان لييا شريتي زاف السقاطة ودانون والمونادا، راه مهلكة لصحة وجيب وعاد نتي كنتي قلتي عندك زييادة فالوزن .
بعض المنتوجات يمكن ليك تاخدي ديال كولرايت راهم جودة عاليية بحل ماسكارپون ديال كولرايت كدير 0،99 عوض هاديك لي شريتي ب 1،98€.
*ام زكرياء: سيري اختي تمسدي نتي ماسرا والو، ستاغلي ماحدك نتي فالمغرب، لا تبقاي حتا تجي هنا وتندمي، كون كنت فبلاصتك نمشي ليها وخا ماكنحس بوالو نمشي، شحال من وحدة من بعد مامسدت رحمها
ربي يرزقنا بالدريية الصالحة

وفقووووووووووووووووووووو

رجع لموضوع الانوثه ، و نجيب ليكم الوصفات لي عملت في الجزء السابق
صافي ليوم صبحت ليكم هنا ههههههه، المسابقة سالات الحمد لله كانت جميلة و رائعة بكل المقاييس
و الله ماسخيت بيها و بسيرة النبي عليه الصلاة و السلام ، صلو على النبي صلى الله عليه و سلم