السلام عليكم ورحمة الله وبركاته
كيف الحال أنيقاتي كنتمنى تكونو بألف خير
اليوم درت واحد الكيكة واخا مصورتش الطريقة حيت خسرلي التليفون صورت بديال خويا ههههه ولكن بغيت نحطها ليكم نتمنى تعجبكم
المقادير:4بيضات
7 معالق سكر
7 معالق زيت
7 معالق حليب
1 فاني
ملعقة صغيرة سكنجبير
3 دراهم شكلاط أسود مقطع طريفات
2 معالق كبار زبيب مقطع طريفات
10 حتى ل12 ملعقة الدقيق
2 خمارات حمرين
كنخلطو كل المقادير على طريقة الكيك وكنديروها فقالب حسب الرغبة وإلى الفرن ملي طيب نسقيوها مباشرة بالقهوة
كنحضرو لكاناش ب 5 دراهم الشكلاط أسود ودانون مسوس وشوية الزيت باش تعطينا اللمعان كنخويوه فوق الكيك وكنخليو شوية الشكلاط كنزيدو عليه طريفات شكلاط أبيض ونديرو بها خطوط فوق الشكلاط الأسود بالصحة والراحة
هنا جيت لقيت خويا قطعها هههههه زربان
;d;m lju]]m hgk;ihj v,,,,,um
الله يعطيك الصحة والراحة
عطاك الله الصحة
