كيكة الكاكاو بريبي والقهوة

كيف الحال يا أنيقات العالم
ليوم بغيت نشارك بهاد الكيكة الرائعة من بعد ما طولت الغيبة على القسم هههههه عنداكم تكونو نسيتوني ههههههه
المهم نخليكم مع المقادير مرحلة بمرحلة

1 ريبي
4 بيضات
2 خمارات حمرين
الكاكاو حسب الذوق
كاس سنيدة
كاس زيت
كاس ونصف فورص
طبعا قبصة الملح

الطريقة:
عادي مثل أي كيك نخليكم مع الصور

ندخلها الفرن حتى تطهى ونخرجوها ونقلبوها في طبسيل التقديم
من بعد ناخدو نص كاس ماء طايب مزيااااان + 2 ملاعق كبار سنيدة + ساشي ديال نسكافي

نخلطوهم مزيااااان حتى دوب القهوة

كيفما كتلاحضو أنا خليت الكيكة مقلوبة باش تشرب ليا السيرو مزيااان

نسقيوها جيدا وخاص تكون الكيكة باردة أو السيرو البارد المهم واحد فيهم بارد وكيفما كتشوفو لونها ملي كنسقيوها كيولي داكن

غادين نحتاجو للتزيين الشكلاط محكوك وياغورت طبيعي أو الفاني أنا ماعنديش معاه عملت في بلاصتو بيرلي

وهذا شكلها النهائي نتمنى تعجبكم

وهنا ملي قطعتها

ملحوظة : صيبوها فحال ليوم وخليوها في الثلاجة والغد عاد قدموها كتكون أحسن

;d;m hg;h;h, fvdfd ,hgri,m fvdjd