دعاء القلوب
كيك chiffon
ايام مباركة انيقاتي بكل ماتمناو يا ربي امين و الله يتقبل منا *ومنكم صالح الاعمال يا ربي امين
نتمنى من الله تكونو جميع فاحسن الاحوال يا ربي امين
هاد الكيك *من نوع ديال الكيكات لي كيجيو خفاف بزاف و من اسرار النجاح ديالو 2 ديالا الشياء مهمة الزيت كعنصر رئيسي ثم المول او قالب الكيك ماخصوش يكون مدهون
الا دحنتو القالب ديال الكيك ماغاديش نحصلو على الكيك كيما كتشوفوها فالصورة
اذن على بركة الله نمرو للمقادير
سنحتاج ل
240 غ دقيق مغربل
220 غ سكر*
12 غ خميرة الحلوى او 2 باكيات و نص
قليل من الملح
120 مل زيت نباتي
6 اصفر البيض انا عملت 7 لان كان نسبيا صغير
60 مل ماء بارد*
120 مل عصير البرتقال
قشرة 2 ليمونات
فاني
8 ابيض البيض
كنسخن الفرن على درجة حرارة 325 فهرنهايت اي 160 مئوية*
على بركة الله نغربلو الدقيق و 120 غ سكر و الخميرة و الملح
نطربو ابيض البيض و تلت كمية السكر و نخليوه على جنب
نخلطو اصفر البيض الزيت الماء البارد عصير البرتقال تلتي كمية السكر قشور الليمون و الفاني حتى تتجانس العناصر بالطراب اليدوي
*ثم نضيفو خليط الدقيق*
نضيفو تلت كمية الابيض باش نخففو العجين
نضيفو البيض المتبقي و نخلطو حتى تتجانس العجينة و نحاولو باش مايتهرسش لينا ابيض البيض
القالب كيف كتشوفو مامدهونش
كنعمل فيه الكيك و ندخلو للفرن تقريبا 50 حتى ل 60 دقيقة
اول ماكنخرج الكيك من الفرن نكون موجدة قرعة ديال الزيت او الخل نقلب عليها الكيك*
الا خليناه فالمقلة غادي يعرق و العلو ديالو ممكن ينزل
كنخليوه معلق حتي كيبرد
فهاد الاتناء كنحضر هاد الكلاصاج*
90 غ سكر كلاصي
30 مل عصير البرتقال
قشرة برتقالة محكوكة
كنعملو على الكيك ديالي و تفضلوها بالصحة و الراحة
نتمنى من الله انها تعجبكم و في امان الله
;d; adt,k chiffon
بسم الله وماشاء الله
تبارك الله عليك مشرفتي كيك خفيف وغزززال وبنسمة الليمون ياااسلام
كيف ماعودتينا دائما اطباقك لديدة وفنة
الله يعطيك الصحة اختي والله يبارك ليك فرزقك وفوليداتك
اللهم امين
تم التتبيث والتقييم
شكرا كتير على الوصفة
كيك كيشهي وباين فيه خفيف