كيفاش استقبلتو واليديكم ملي جاو من الحج

السلام عليكم حبيباتي مبروك عيدكم بالصحة و السلامة و باشما تمنيتو عافاكم بغيتكم تعاونوني بغيت نعرف كيافش الاخوات لي سبق و مشاو واليديهم للحج ظƒظٹظپط§ط´ دارو ليهم الدخلة
يعني التحضيرات مع العلم اننا غير بوحدنا غير خوتي حينت عائلتنا بعيدة علينا في الجنوب
كنتمنى منكم تشرحو ليا اش ندير يعني بالنسبة للماكولات و حتى التحضيرات و لهلا يحرمكم من زيارة داك المقام العظيم

---

;dtha hsjrfgj, ,hgd]d;l lgd [h, lk hgp[ lg[ hgd]

ختي الله يجيبهم على خير وانشالله حج مبرور، أنا ولديا مشاو غير عمرة وملي جاو ستقبالنهم بحليب وتمر معمر بعقدة اللوز ومن بعد حطينا غدا حيت وصلوا مع وقت غدا دارنا بسطيلة حوت ودجاج محمر وضروري متسايبو شي أشكال من الحلوة وشريو فكية بش لجا يقلهم على السلامة تلقو مطحطو

ربي يخليك ختي لحبيبة ريحانة امي الله يجازيك خير الجزاء و يكثر من امثالك و يحقق ليك كل منويتي في خاطرك

الله اجيبهم بخير وعالى خير حنا ملي مشا بابا للحج الله ارحمو ووسع عليه وارحم جميع موتى المسلمين استقبلناه بلحليب وتمر معمر ودرنا وليمة للحباب لان كلشي العائلة الحمد لله حضو للدخلة ديالو ملي دخلو فرقنا عليهم لحليب والتمر منبعد حطينا لغداء ملي ارتاح بابا عطانا ماء زمزم وتمر العجوة جابها فرقنا عليهم زمزم فلكويسات ونصيحة شري كويسات صغار فاش كيشربو السورين اتاي يعني كل واحد كتعطيه شوية فالكاس ماشي بحال لكيسان لكبار الى درتي شوية كيجي ناقص وضروري الي دخل اقول على السلامة كتعطيه كاس حليب وزمزم والتمر منبعد تكون طبلة محطوطة منزلين فيها الحلوة الي صوبتيو واتاي ومغطية يعني متبقايش هز حط يلاه كتغسلي الكيسان وترديهم وتعمري البراد هادشي على حساب تجريبتي لان العائلة كتيرة ولحباب الي جاو كتار واهم حاجة الي جا كيبغي الباروك فرحو حبابكم باشما قدركم الله وخا غير تسبيح او صلاية والله اتقبل حجهم وارحم بابا حبيبي لانه توفا العام الي فات وباقي الحرقة ديالو فقلبي متقبلتهاشي

ختي لحبيبة امة الله الله يرحم الاب ديالك و يسكنه فسيح جنانه و يرزقك الصبر الجميل يا رب و سعدات الاب ديالك مشى عند الله مغفور الذنب ان شاء الله بعدما حج بيت الله و الحج المبرور جزاؤه الجنة خصك تفرحي للاب ديالك شحال من مسلم مسكين مكتابش ليه الحج و كلنا تنتسناو نهارنا الله يتوفانا مؤمنين
شكرا بزاف ختي لحبيبة على نصائح و معلومات الله يرحم ليك الوالدين
راني معنديش خبرة بزاف في هاد الامور داكشي علاش و حينت الاسرة معولة عليا حينت خوتي كلهم ذكور شكرا لكي

اختي
نعاود دليك دكشي حتى حنا لدرنا الوالدة في دخلة من مشات الحج اما الواليد محضرتش ليه حيت كنت في الغربة وبقات في حركة محضرتش ليه
اختي حتى انا حبابنا كلهم مساكنش معنا في نفس المدينة ودرت دكشي لكنعرف
اختي وجدي شي لبسة زوينة لممتك بشال وشربل باش من تج تلقاها واجدة تلبسها باش تستقبل بها ضيوفها والواليد شي جلبة وبلغة جدادين
وجد دار نقها ولكن خاصك لدار شيحاجة شرها بلطوات كيسان اتاي ….
وجد تقدية لدار اتاي سكر دقيق سميد ….
وجد حلوات حسب المسطاع شي بلوز وشي صابلي
وجد شي دبيحة باش ال جاو والديك تدبح وتوكل بيها ناس لغد يجو ويقدر يبقاو يباتو عندكم
شر التمر المجهول وخ غر نصف كيلو وتمر عادي المجهول مسحيه بماء زهر وعمريه بالكركاع وستقبل بيه والدك مع الحليب التمر الاخر مع الفاكية ستقبل بيه ضيوفكم
وجد شي شهوات كبحال المسمن بغرير قوام الحريرة كرواصة كرص ….ودر في الكونجلاتورباش يفطرو والديك وحبابكم
ونهار لغد يجو فيه نوض فيصباح وبخر دار بريحة زوينة وطلق العود العندك ووجد لغد لضيوف لغد يجو عندكم باش يستقبل معكم والديك
اما الاكل لوالديك فعلى اش من وقت غد وصل ال كان غد وصل في نهار فعادي اما بليل اواخره فحاولي عر تكلسو شوية معهم ونوضهم يرتاحو لانهم كييكون عيانين وباغ غير يرتاحو
علاش حيت الوالدة وصلت في شي تلاتة صباحا وماوصلت لدار حتى لشي الخامسة صباحا فبعد الاستقبا ل كانت بغ غر ترتاح وكانت دايخة بزاف
ويارب يوصل والديك على خير وحج مبروز وزيارة ميمونة

اختي شكرا على الدعوات ديالك الله استاجب منك
واطول عمر واليديك اختي واجيو بالصحة والسلامة والله اعينك تكوني قد المسولية غير نصيحة بقاي تعاوني راسك بلفياق بكرييييييييي وكولشي ادوز بخير ان شاء الله
عندي طلب ملي اجيو قلهم ادعيو معيا بالدرية الصالحة ولجميع المحرومات امانة عليك اختي الله احفضك

ختي لحبيبة ام ميسون الله يجازيك خير الجزاء على الكلام الطيب و النصائح الطيبة و سلمت يداك و سمحي ليا خديت من وقتك بزاف حينت ما شاء الله شرحتي ليا كلشي الله يجعلك من اهل جنة الفردوس و يطول ليك في عمرك والديك و يخلي ليك كل عزيز و يكثر من امثالك يا رب
فرحتني بزاف نتي و ختي امة الله و كل الاخوات الله يرحم ليكم الوالدين و يجازيكم خير الجزاء يا رب يا رب
ختي لحبيبة امة الله الله يرحم ليك الوالدين و كوني اكيدة غادي نطلب من الوالدين ديالي يدعيو معاك و انا كذالك ادعو لكي يا رب ميذوز هاد شهر حتى تبشرينا بالحمل ديالك يا رب يا رب يا رب

السلام عليكم
اولا حج مبرور و سعي مشكوووور و عمل نتقبل مبرووور للوالدين ديالك, بالنسبة لجدتي فاش جات من الحج وجدنا بلاطو فيه الحليب بالسيرو واحد اخضر وواحد احمر و التمر و طبلة وجدنا فيها طبسيل منوع ديال فاكية و بلاطو ديال الحلويات و طارت كلاصي شريناها مكتوب فيها حج مبرور و مملحات و ملوي و مسمن هادشي اللي عقلت يمكن و ملي ارتاحت شوية و فطرو الناس اللي جاو عندها درنا الغدا الدجاج محمر و السفة يمكن و لا اللحم ما بقيتش عاقلة و صافي هادشي الي عطا الله و من بعد وجدنا بلاطو فيه قرعة لماء زمزم ز كويسات صغاااار و بواطة دالزاج فيها التمر خليناه فالصالون اللي جا تنعطيوه الماء و التمر و عاد وجدي راسط للصواني و سير اجي ههههههههه و من بعد اسبوع ارتاحت شوية درنا الصدقة و الواليدة دارت عمرة هاد العام للاسف ما حضرتش ليها للدخلة ديالها

اختي الله يجيبهم على خير
اللي غادي نقول ليك قالتو ام ميسون الله يجازيها خير