كيش بالكفتة و الفلفل الوان تجربتي الاولى

المقادير

العجينة
2 معالق كبار زبدة
قليل من الملح
2 غرفية أو زلايف فرينة و لكن تبقا تقديرية
بيضة واحدة
و ملعقة صغيرة خمارة الخبز
و قليل من الماء

بالنسبة لاصوص
3 بيضات
كأس كبير حليب
و فرماج متلتات 3 او 4
ملح

الطريقة

ناخدو البصلة و نشلضوها و نزيدو ط§ظ„ظپظ„ظپظ„ مقطع رقيق و الطماطم و زيت و الباقي المقادير و نخليهم يطيبو فوق النار مهيلة و نخطيوهم باش يطيبو فالما ديالهم
و نضيفو الكفتة مفتتة و نخليوهم فوق النار الا شفناها نشفت نزيدوالقليل من الماء فقط حتى طيب و تنشف مزياااان
العجينة واضحة طبعا نخلط جميع المقادير و ندلكوها و نخليوها غي 10 دقايق و نورقوها ونديروها فلمول و ندخلوها الفران باش طيب نص طيبة
ومن بعد نخرجوها و نحطو الحشوة ديالنا فوق العجينة
ناخدو البيض و الحليب و نضربوه و نزيدو شوية ملح و فرماج مقطع طريفات صغار
و نكبوه فوق الحشوة و ندخلوه الكيش ديالنا الفرن يطيب من التحت شوية و مين تشد راسها الحشوة نخليوها تحمر من الفوق
و بالصحة و الراحة
كاتجي رائعة و بنينة
سمحوليا ماصورتش المراحل لاني ماكنتش ناوية نحطها فالمنتدى جات صدفة هههه

;da fhg;tjm , hgtgtg hg,hk >> j[vfjd hgh,gn