بغيت نقدملكم وصفة اللحم ظ…ظپظˆط± بلا عذاب دلكسكاس غير كاتاخدو اللحم اللي بغيتو ومن الاحسن مايكونش مجمد وتحطوه فالكوكوط ناشف بلا ما بلا حتا حاجة واخا الى بغيتو تعمرو لكوكوط واخا يكونو طراف كبار والى كانت الكوكوط كبيرة تقدرو ديرو لكتف كولو المهم كاتسدو لكوكوط وتجهدو للبوطة ومنين تصفر لكوكوط كاتنقصو للبوطة لاخر يعني بحال الى غادي تطفيوها تكون عافية مهيييلة بزااف وتحسبو ساعة الا ربع الى كانت الكوكوط عامرة مكانتش عامرة كاتحسبو اقل تقريبا غير نص ساعة وتحلو لكوكوط كاتلقاوه طايب وتلقاوه خرج الدهون اللي فيه وتهزو اللحم تدهنوه بخليط فيه الملحة والزبدة وراس الحانوت او المروزية انا كنفضل راس الحانوت وتدخلوه للفران غير ينشف شوية وتقدموه بالصحة والراحة انا نخليكم مع الصور واخا ماصورتش المرحلة ديال الطياب فالكوكوط نسيت ههههههههههه
هنا خرجتو من لكوكوط لقيتو طايب
هذا الخليط ديال الزبدة وراس الحانوت والملح
هنا خرجتو من الفرن
وهنا قدمتو مع الخضر مسلوقة وسوطي فشوية دلخليط اللي دهنت بيه اللحم
كنتمنى تجربو هاد الوصفة حيت كاتجي لذيذة ودغيا كتوجد وماتحرموناش منشي دعيوة
;,’gd’ lt,v fgh ;s;hs
تم تقييم
تبارك الله عليك كيشهي بالصحة والراحة
