السلام عليكم ورحمة الله تعالى وبركاته انا علين نكمل 7 شهور بقالي 4 ايام و ندخل في 8 وجتني واحد لفشلي معرفت اشنو وجد او باش نابدى معى العلم هادي مشي اول ولادة لي حتى الدار سمحت فيها كنتمنى الي عندها شي نصيحة متبخلش علي ودعيو معي الله اجازيكم كل الخير
;k’gf lk hgho,hj fuq hgkwhzp
الله يسر ليك اختي هادشي راه غي من الحمل وحاولي تمشاي وتشغلي في توجاد حويجات البيبي انا فاش قربت بقيت كل مرة نطوي ونقاد تاني الغد نفس الشي وتسنتي القرآن سورة مريم راه تساعدل وكتري من الاستغفار والدعاء الله يسهل ليك اختي راه جاوبتك على لي فهمت حيت نتي ممفسراش مزيان كلامك الله المستعان
salamo3alikomwrwb khti wash derti te7lila d fa9r dem? momkin had lfeshla meno wmen l2a7san takdi kina dle7did del7amlat t3awnk chwya aw les vitamine khasin bel7amlat allahyeser amrak weytebet 7amlk weyehel wladtk inshallah
المشاركة الأصلية كتبت بواسطة ام ملاك المغتربة 
الله يسر ليك اختي هادشي راه غي من الحمل وحاولي تمشاي وتشغلي في توجاد حويجات البيبي انا فاش قربت بقيت كل مرة نطوي ونقاد تاني الغد نفس الشي وتسنتي القرآن سورة مريم راه تساعدل وكتري من الاستغفار والدعاء الله يسهل ليك اختي راه جاوبتك على لي فهمت حيت نتي ممفسراش مزيان كلامك الله المستعان شكرا بزززاف اختي فهمتيني وخى أنا ممفسراش حيت معرفتش اشنو نقول الله إحفظك
المشاركة الأصلية كتبت بواسطة faiza.sm salamo3alikomwrwb khti wash derti te7lila d fa9r dem? momkin had lfeshla meno wmen l2a7san takdi kina dle7did del7amlat t3awnk chwya aw les vitamine khasin bel7amlat allahyeser amrak weytebet 7amlk weyehel wladtk inshallah سلام أختي مزال مدرتش تحاليل ولكنينة اراهم عندي ولكن مكنشربهمش ودبى غدي نرجع نشربهم شكرا على الجواب وخى غير 2 ديال الاجابات ولكن فرحوني الله إجازكم كل الخير
ربي معاك اختي راه حتى انا مريت من نفس التجربه وانا حتى نفيسيتي كانت مرونه حيت الله بستر طرات ليا كسيدا وانا في التامن ومشكل كنت في مصر يعني كسيدا ومع الفضوضا الي تماك واجي تشوفي ما قلت الحمد لله حتى وصلت للمغرب بالحق غير جيت ونسيت كلشي بديت عطياها غيلا لظحك مع الدار وعاد البنات الي هنا في المنتدا بديت تنفوج معاهم وهما الي بديت تنبعهم في الخطوات حتى وجدت كلشي يعني حاولي تنوضي توجدي حلاوي لسبوع ولسلو وحويجات البيبي خيطيهم بيديك لكنتي تتعرفي هدا كلو تيشغل وتيدير متعه واخا تكوني عيانه راه غير تنوضي وغادي تنشطي وربي يفك وحيالك على خير
الله يفك وحايلك على خير اختي و كيف ماقالو الاخوات هادشي طبيعي المراة تترخى مع الحمل و تثقل و انت دبا مبقا ليك والو ان شاء الله و تولدي عدلي سفوف و حليوات و وجدي حويجات البيبي و شوفي اشنو ناقصك باش تشغلي و قتك و متنسايش القران و الصلاة و الدعاء
اختى راه عادي حتى انا وقع ليا بحالك خصوصا الشهر الاخير ثقلت بزاف وليت مسالية , غير حاولي تبدلي الجو, وتمشاي شوية وبالنسبة للتحضيرات فكل مرة ديري حاجة من دابا باش فالاخير تبقاي هانية وتاخذي وقت للراحة متبقايش تجري لاخر لحظة والله يفكك على خييييير
الله يفرج عليك كل هم و يفكك على خير امين
شكرا الاخوات على النصائح والله إجازي كل وحدة