المقادير
عصير ديال اربعة برتقالات كبار
عصير حامضة واحدة
125 غرام ديال السكر صقيل
250 غرام قشدة طرية سائلة
الطريقة
نصفيو العصير ديال البرتقال و الحامض او نزيدو عليهم سكر صقيل او نخلطو
نطربو القشدة مزيان حتى تولي كريما تقيلة او نضيفو عليها الخليك ديال البرتقالو الحامضو السكر صقيل او نخلط غير بشوية بمعلقة ديال الخشب حتى تندمج العناصر مزيان او ندخلو الخليط للمجمد مدة 40 دقيقة
ملي نخرجوه من المجمد نخلطوا بالطراب الكهربائي مدة 10 دقائق او نرجعوه للمجمد مدة 10 ساعات او ليلة كاملة او نقدموه بالصحة او الراحة
عندي ليكم واحد الفكرة باش تقدمو الكلاص
تاخدو علبة ديال الحليب سليم او قبل ما ديرو الكلاص في المجمد في المرحلة الاخيرة ديروه في هاديك العلبة ديال الحليب بعدما تكونو قطعتو الجزء العلوي او ديروه في المجمد او ملي تبغيوه تقدموه تاخدي موس مادي او تقطعي مستطيلات او عاد تزولي ليه الكارتون ديال الحليب او تقطعيه متلتات او بالصحة او الراحة
;ghw fhggdl,k vhzu fhgw,v lk l’fod
هاااااااااا أنا جيت ناكلو بوحدي حيت ما شاء الله هاد الصهد ملل كايبان غير ثلج و الماء بارد اتبرد بيه الواحد
بصحتك أختي غزال ما شاء الله ان شاء الله نجربو
وما يبقاش فيك الحال الى الردود قلال لي ادير الخير احتاسب الأجر عند الله سبحانه و تعالى
و ها أنا نكرر ليك شكري و تقديري
تقبلي مروري
بلا متقلقى اختى احتسبى اجره عند الله
وجزاك الله بالخير
متقلقيش حتى انا كنكتب وصفات ومكنلقاش اقبال غير مشاهدات بلا رد
بغيت نسولك واش ممكن نبدلو لاكريم فريش بالكريم شانتي لانه حنا في مدينة صغيرة مكنلقاوش كريم فريش
ولا قصدتي بلاكريم هاديك لي تنطربو بحال hulala
وشكرا