كريم كراميل منسم بالكوك وبالصور

بسم ط§ظ„ظ„ظ‡ الرحمن الرحيم

أنا هذه سنوات كنستعمل هذه الطريقة فهي جد سهلة وكيعجبني مذاق الكوك فيها

المقادير :
10 البيضات صغار والى كانوا كبار 9 فقط
1 لتر حليب
كاس صغير كوك
2 كيسان سكر أو أكثر حسب الحلاوة الي كتبغيوا للكراميل
6 حتى 8 المعالق كبار سكر

الطريقة :
كنطحن شوي الحليب مع الكوك ويبق فترة قليلة باش يطلق في الحليب
كنوجد الكراميل نعمل السكر فقط في كسرونة ما كتلسقش ونخليه حتى يعود لونه قهوي ونخويه في زلايف صغار أو ممكن تعملوه في واحدة كبيرة
مني كتخويه في الزليفات كتحاولي تحركيهم وبسرعة قبل ما يبرد الكراميل باش يولي حتى في الجناب مثل ما هو باين في الصورة
[IMG][/IMG]

ومن بعد كتضربي البيض مع 6 أو 8 معالق كبار سكر حتى يتضرب مزيان
تاخدي الحليب الي اتطحن مع الكوك تصفيه مع الحليب الثاني وتزيديه على البيض مع التحراك بالباتور
وتخويه في الزليفات الي فيهم الكراميل
[IMG][/IMG]

وتعمليهم في طاوة فيها الماء السخن يعني bain marie
[IMG][/IMG]

ويطيبوا مدة 45 دقيقة وها هما مني خرجوا
[IMG][/IMG]

كيبقاوا يبردوا شوي عاد يتغطاوا بالبلاستيك الغذائي ويدخلوا للثلاجة
ومني تبغي تقدميهم كتحاولي تدوزي سكين رقيق من الجناب باش ما يبقاش لاسق عاد تقلبيهم في طبق وهذا الشكل الأخير
[IMG][/IMG]
[IMG][/IMG]

وبالصحة مسبقا

;vdl ;vhldg lksl fhg;,; ,fhgw,v Hojd l,sl hggi hgpfdfm hojd fhgodv v,um