كروصة كاتجي زوينة من مطبخي بالصور

المقادير

600غرام د الفورص
معلقة كبيرة د الزبدة بحرارة المطبخ
5 د المعالق كبار د سنيدة
شوية د الملح
كاس كبير د الما دافئ للعجن
2 معالق صغار د الخميرة د الخبز
2 معالق كبار د الحليب غبرة
200غرام د الزبدة للتوراق تكون باردة مزيان
شي شوية د الشكلاط للتعمار

ندوزو للطريقة

نعجنو العجين و يدلك مزيان مزيان و من بعد نخليوها تخمر شي نص ساعة و أكثر

و ملي يخمر نطلقو العجين و حطو فوقو الزبدة طريفات و نطويو بحال هاكدا

ثم نطويو العجن بحال هاكدا

ثم بحال هكدا و نديروها فالكونجلاطور

نعاودو العملية شي 3 دالمرات

و المرة الرابعة نعرلو العجين مزان باش تشرب ديك الزبدة و عاد نديروهم كويرات جهد لي طلقي

و نبدا نطلق بالمدلك و نقطع مثلثات بالموس

نديرو الشكلاط بحال لي فالصورة

كانخليهم يخمرو و عاد ندهنهم بالبيض و عاد نطيبهم

وها هما ملي طابو جاو غزلان

بالصحة و الراحة

;v,wm ;hj[d .,dkm lk l’fod fhgw,v