تم التثبيت بواسطة*ليلى ام سارة*
بتاريخ
22/5/2019
بغيت نوريكم طريقتي للكبسة المصرية بالخضار و اللحم كتجي رووووووووووعة في المذاق و نتمنى تجربوها
قليت اللحم مع التوابل ( الزعفران،سكينجبير طري محكوك،ملح،ابزار،شوية زيت الزيتون)
وخليتوا يتحمر شوية
و هنا مرقتوا و سديت عليه باش يطيب
و نجيو للروز، استعملت روز بسمتي
سلقتوا مع شوية الملح و مكترتش فيه الما
مره مره نقلب و نزيدوه الما ايلا كان نشف ولكن نحاولوا منكتروش
ضفت ليه زيت الزيتون
و في هاد الوقت اللي اللحم و الروز كيطيبوا فيه كنجيو للخضر
انا خديت فلفلة و ڭرعة خضرا
قطعتهم مورصووات صغار
و درتهم في المقلة مع بصيلة محكوكة و الثوم محكوك ، سكينجبير محكوك ، انزار ، خرقوم ، ملح ، زيت المائدة ، و زيت الزيتون
و خليتهم يتشحروا و لكن نردوا بالنا نخليهم يطيبوا نصف طيبة صافي
هنا الروز طاب حيدتوا من فوق البوطة و زدت عليه طريف ديال الزبدة و حركتو شوية
و هنا الخضر طابت
كنزيدوها في الطنجرة و نخليوها تكمل المعركة مع اللحم ههههه
وهنا نجيو لتحضير الصوص اللي غنرافقوا بيها الطبق ديالنا
خديت يوغورت طبيعي ، حامضة ، 5 فصوص الثوم ( على حسب الرغبة حيت انا راجلي كيحب النسمة ديال الحموضة بزاف فكنكثر لو الثوم هههه شي نهار يتبوق ليا ههه)
نعصروا الحامضة فوق من داك اليوغورت و نخلطوا مزيان و نحكوا فوق منو الثوم و حنا كنخلطوا و ملي يندمج لينا الخليط نضيفوا شوية ديال الملح و الابزار
طاب اللحم و الخضر كنحطوا الروز ف طبق التقديم و نسقيوه بديه الخضر و اللحم
و هنا رافقتو بديك الصوص
و ها الغذا واجد فيه الروز و سلطة ( بالفجل و الرجلة و الخس و مطيشة و البصلة )
بالصحة والراحة
لا تنسونا من صالح الدعاء
;fsm hglwvddk f’vdrjd
تم التثبيت+احلى تقييم
احلى تقييييييييييييم