كاب كيك مزين بعجينة السكر على شكل بيبي بالصور

السلام عليكن اخواتي
اليوم سأقدم لكن تجربتي في تزيين الكاب كيك بعجين ط§ظ„ط³ظƒط± كفكرة لبوفيه الولادة
ايلا ممكن الاخوات المشرفات مشكورات يحطو اسمي على الصور راني معرفتش كيفاش

مقادير الكاب كيك: (العبار بكاس العنية) انا درت مقادير كيك عادي
• 2 كيسان سنيدة؛
• 4 بيضات؛
• 2 كيسان زيت؛
• كاس حليب؛
• 2 خمارات؛
• قبصة ملح؛
• الفورص الكافي .

نخلط المقادير بحال الكيك الا عندنا لاطة الكاب كيك والقوالب نستخدموهم انا معنديش استخدمت طاس ديال القهوة صغار ندهنونوهم بالزيت ونغبروهم بالدقيق ونعمرو الثلثين فقط بالعجين ندخلوهم للفرن فحمام مريم (ايلا دخلتوهم نيشان يطرطقو) نقلبوهم بعود السنان ملي يخرج نقي ويتحمرو نخرجوهم ونخليوهم حتى يبردو مزيان عاد نحيدوهم ندوزو الموس من الجناب ونقلبوهم

مقادير عجين السكر:
• 1 بياض بيضة ؛
• ملعقة كبيرة كليكوز (انا استخدمت ناباج)؛
• 625 غ سكر صقيل مغربل.

نسخنو الكليكوز فحمام مريم مزيان

ونضيفوه على بياض البيضة ونطربو مزيان حتى يتجانس الخليط ويولي شبه سائل

ثم نضيف ط§ظ„ط³ظƒط± المغربل شوية بشوية حتى تجمع العجين مزيان

ندردرو الفورص فوق الطابلة ونبقاو نخدمو حتى متبقاش تلصق العجين فإيدينا(على حساب البيضة كبيرة ولا صغيرة نقدرو نقصو من ط§ظ„ط³ظƒط± او نزيدو)

نغلفوها ببلاستيك غدائي مزيان نجمعوها فطاسة كتسد مزيان باش ميدخلش ليها البرد ونخليوها غير فالمطبخ ترتاح حتى الغد عاد نقدرو نخدمو بيها (مندخلوهاش الثلاجة).

نقسمو عجين ط§ظ„ط³ظƒط± ونلونو كل قسم على حدة (قسم نخليوه ابيض، قسم نلونوه بالبني (استخدمت ملون ومنكه النوكا على شكل جل) او نقدرو نستخدمو قلم غدائي اسود يجي احسن انا هادا اللي كان عندي معرفتش فين نلقى القلم ، قسم بلون بحال لون الجلد انا استخدمت ملون ومنكه الخوخ، وقسم اخر نلونه بالغوز انا استخدمت ملون ومنكه الفريز الا كانت بنيتة او ازرق الا كان وليد) ونغلفوهم بالبلاستيك الغذائي باش متنشفش وتقصاح وناخدو غير شوية باش نخدمو والباقي نخليوه مغلف
من الاحسن ناخدو ملون غذائي بودر باش متجراش العجينة انا استخدمت السائل هو اللي كان عندي وزدت ط§ظ„ط³ظƒط± باش نجمع العجينة ثاني

ناخذ كاس فمه يكون على قياس الفوق ديال الكب كيك نطلقو العجينة فوق ط§ظ„ط³ظƒط± ونقطعو بالكاس

ندهنو الفوق ديال الكاب كيك باي كريمة عندنا (كريمة شانتيي او كريمة الزبدة) ونلصقو الدائرة فوق الكاب كيك ثم نحدد مكان العينين والانف والفم باي اداة عندنا

من بعد ناخذ شوية عجين ابيض ونقطعه على شكل عينين ونلصقه بقليل جدا من الماء (غير ندهنو وايلا لقينا شي ريشة رقيقة ندهنو بيها) ثم بعجين ملون بالبني نضع دائرتين جد صغار كمركز العين. ثم ناخد من نفس لون الوجه اللي درنا ونديرو بيه الاذنين نلصقوهم دائما بالماء على الجناب، ثم ناخذ العجين الغوز نحدد منه طاقية نقطعو دائما بالكاس بحال نصف دائرة ونديرو فوق منها شوية ونزينوه بموس بالضغط عليه ثم نديرو دائرة صغيرة الفوق ، تبقى بلاصة اللهاية نديرو قرص كبير فوق منو دائرة صغيرة