oum hedayah
بتاريخه
السلام عليكم ورحمة الله وبركاته
المقادير
كيلو دالفورص
150 جرام سنيدة
6دالبيضات
50جرام خميرة
كاس كبير دالزيت
2ملاعق كبيرة دالجنجلان محمر
ملعقة كبيرة ديال النافع
2 ملاعق كبيرة ماء الزهر
عصير برتقالة
قشرة البرتقالة ولا الحامض
ملح
ماء دافئ للحاجة
أنا استعملت نصف المقادير
كنديرو الخميرة دوب فشوية دالماء دافئ وشوية ديال سنيدة
كنخلطو البيض مع سنيدة ثم كنضيفو المقادير الأخرى
كيخص العجينة تكون رطبة
والسر باش يجيوك القريشلات رطبين هو تعجنيها بالليل و تغطيها ببلاستيك وتبيتيها فالثلاجة حتى للصباح عاد تكوريها
نفس الشئ كنديرو لكرواصة وشنيك
هاهي من بعد ما بات ليلة كاملة فالثلاجة .صباح الخير هههه
كنكوروها كويرات صغار ونستفوهوم فالطاوة مدهونة ونخليوهوم يخمرو
هاهوما منين خمرو راه دغيا كيخمرو
كندهنوهوم بصفر بيضة وندردرو عليهوم الجنجلان محمر ونديروهوم يطيبو
الشكل النهائي
راه كيجيو هشاااااااش وكيبقاو رطبين وخا يبقاو عندك أسبوع كامل وبالصحة والراحة
لا تنسوني من صالح دعائكن أخواتي الكريمات
rvdaghj ,sv hgv’,fdm ]dhgi,l kav
المشاركة الأصلية كتبت بواسطة nadoria2019 
الله يبارك فيك أختي.غير مدي يديك أختي باسم الله.
تبارك الله عليك الحبيبة باينين هشاش تبارك الله الله يجازيك بكل خير يا ربي امين
احسن تقييم من عندي
اكيد نجربهوم ونرد عليك الاخبار