فقط للي ما كايزدقش ليها الخبز

السلام عليكن كيف الحال والاحوال؟ نتمناكم بالف خير
اوا قصتي مع ط§ظ„ط®ط¨ط² قييييصة مرة تزدق مرة لا و فراني غريب عجيب اضافة ان مرات ماكايزدقلي وااالو حتى كنوللي ندير الرقية ههههه
المهم لقيت طريقة قلت انشاركها مع المبتدآت واللي ماعندها زهر مع ط§ظ„ط®ط¨ط² بحالي و كيجي غزاال منفوش ورطب وشهوة منو وخا الفران عصري
وهي انك تديريه بطريقة عجينة عشر دقائق مع عدم اضافة الزيت {كمية الدقيق ككمية الماء}
يعني متلا انا درت

2 زلايف سميدة رقيقة
زلافة فورص
و3زلايف ماء دافئ
ملح وقليل سكر
خميرة الدار
ونخليوه يخماار
من بعد انزيدوليه الفرص اللي يكفيه باش يتحمع و نعجنوه ونبسطوه ويخمر تاني كيف العادة وتقبي الوسط حتى تبان الطاوة {هههه بالتفصيل الغبي}
فايتلي درتو بالزيت كعجينة العشر دقائق وجا غزاااال ولكن الى بات كيولي يتفرتت خاس مايباتش او يتوضع فالكونجلاتور
نتمنو نكون فدت المبتدئات واللي جربات امانة عليها ترد علي الخبار
قبلاتي و اللهم يسر

---

tr’ ggd lh ;hd.]ra gdih hgof. lg[ Hdih ;hdw]ra

تبارك الله عليك اختي خبز كيشهي واخا انا قليل فاش كنعجن والحمد الله كيجيني مزيان

الحمد لله اختي هداك فضل من الله خاصة اننا شعب خبازي هههه شفت فيك بعين الرحمة ماشاء الله لا قوة الا بالله هههه

ههههه ضحكتيني اختي ربي يخليك ولكن نهار يكون عندي شي حد اولا نبغي نبين الحداكة كاعما كيبغي يصدق ههههه وهاد الايامات البغرير شاد معايا العكس ماعرفتها من المقلة ولا من السميدة ولا شي عوينة هههههههه

هاي هآآآآآآآي حصلتك كتخبزي فنصاصة دالليل ايوا اري ليا شي طريف ندير فيه دوك الشهيوات لي حطيتي ليا.يعععععععععععععععععععععععععععع
تبارك الله عليك الفنون.

الله يبارك خرجلك هيل بصح أنا عجبني اسلوبك أكتر من الخبز ماشالله عليك دمك ذي العسل

الله يعطيك الصحة انا تيجيني خبزي زوين ولكن التجديد مطلوب غادي نجرب هاد الطريقة اكيد غادي تكون احسن شكرا جزيلا

تبارك الله خبزك باين زوين و كنشجع اي مرآة تعجن باش تأكل هي و عائلتها خبز هي عارفة مكوناته
و عندي نصيحة وهي نعجنو القمح بنخالتو نظرا لمنافع لي فيه غير هو ما يجيش طالع بحال خبز الفورص و السميد و لكن بنين