السلام عليكم ورحمة الله وبركاته
اليوم صاوبت هاد الفطائر اللي هي على شكل سمكات
و حبيت تشاركو معايا
دابا وليت كلما درت شي حاجة المصورة كتصور 😀
مساكين هاد السمكات حالين فمهم عارفين انهم غيتاكلو
غادي نحتاجو
3 بصلات متوسطات مقطعين قطع صغار
قسبر و معدونس
calamar
زيتون
الشعرية الصينية
solis صلصة الطماطم
صلصة البشاميل (نسيت مصورتها حيت وجدتها هي الاخيرة):D
العطرية( ملح.كمون.نيورة.ابزار.سكنجبير. بنة كنور.)
غنديرو دبا البصلة والقسبر والمعدونس يتشحرو مزيان
و من بعد ما تشحر و تكون البصلة غدي طيب
نزيدو عليها العطرية
و الكلمار
و الزيتون
و صلصة الطماطم
ملاحظة**الكلمار كطيبيه في الماء باش يتحيد منو داك الوسخ و طيب في الماء و الملحة
يتبع
t’hzv hgsl;m , fkhjih lk l’fod hgsg;m
و فديك الاثناء اللي كان كيطيب الخليط
احنا نديرو الشعرية الصينية طيب في الماء
ونقطعوها حتى تولي بهاد الشكل
ونظيفها على الخليط
نخلطوها مزيان مع الخليط
دبا نبداو فتشكيل السمكة
العجينة غنحتاجو
1 طاسة الطحين الممتاز
2 ملاعق كبار سكر
2 ملاعق كبار حليب غبرة
1 ملعقة زبدة
1 ملعقة كبيرة خميرة الخبز
ربع كوب زيت
الماء الدافئ للعجن
الطريقة
نسرحو العجينة..و نقطعوها بالموس من الاطراف بهاد الشكل الموضح و تقطع بديك الطريقة
نديرو شوي ديال الخليط في الوسط.. ونزيدو عليها من الفوق صلصة البشاميل الا بغيتي ديري حتى الفورماج محكوك يكون افضل
و كناخدو الاطراف الفوقانية و كنلصقوهم بهاد الشكل اللي في الصورة باش نشكلو فم السمكة
و كنبداو نجمعو الاطراف الى الوسط
مرة ناخدو الطرف من الجهة اليمنى و كنتبعوها من الجهة اليسرة و هكذا حتى نكملو
هاهما من بعد مكملت
ندهنوهم بالبيض
و ندخلوهم الفران
و هاهما من بعد ما وجدو
كنتمنا تكون الطريقة والصور في المستوى
وكنتمنى الوصفة تعجبكم
بالصحة والراحة
تبارك الله عليك أختي فطائر شهية الله يعطيك الصحة .وحتى الحشوة تتشهي سلمت يداك عزيزتي
جزاك الله خير اختي
تبارك الله عليك أختي فطائر كتشهي ومميزة الله يعطيك الصحة
