غريبة بالكوك منسمة بالليمون اقتصادية وبنييينة

يثبت الموضوع من طرف faty bel
08.01.2019

هاد لغريبة كتعجبني بزاف وكل عيد ضروري نصوبها وساهلة
رابعة الكوك مطحون
2 بيضات
125 غ سنيدة
قشرة ليمونة محكوكة

معلقة صغيرة زبدة دايبة
نصف خمارة
نخلط كلشي ونديروها كويرات صغار نفندهم فسكر كلاصي وتطيب عادي مانحتاجش نطيبها من الفوق عاد تحت كيف كتطيبي اي سابلي وكتجي مشققة ولكن ضروري الفران ايكون سخون
ونقص عافية راه دغيا كتطيب
وضروري ورق سورفيريزي ونخليوها حتى تبرد ونجمعوها

---

yvdfm fhg;,; lkslm fhggdl,k hrjwh]dm ,fkdddkm

تبارك الله عليك مشرفتي الغالية جاتك الغريبة فننة ما شاء الله عليك و ربي يفرحك ان شاء الله
احلى تقييم لاحلى امونة

تبارك الله عليك جاتك فنة فنة عطاك الله الصحة
خسارة التقييم مبغاشيدوز
ان شاء الله نجربها عندي الكوك

الله ايبارك فيك الحبيبة واميييييين والله ايخلي ليك وليداتك والله كيفرحوني دعواتك

الله ايبارك فيك الحبيبة
ان شاء الله تجربيها وتعجبك

والله الى كنت نفكر اشنو نعمل للعيد ها حلوة لقيتها قولي لي نبغي نعمل كمية لاباس بيها نصف كيلو كوك يخرج لي

اه نصف كيلو يخرج غير ديريها على بركة الله
انا ديما ندير غير رابعة هههههههه

هههههههه صافي غدا نبالي بيها ونجيبليك تجربتي تشوفيها انا نثيق في وصفاتك ونعملهم بعيني مغمضين

تبارك الله عليـــــــك جاتك فنة’ والمهم انها سآآاهلة
الله يعطيك ماكتمناي في خاطرك

صراحة غزالة تسلم اياديد اختي