عونوني الذبان هجم عليا .أشنو ندير معه؟

السلام عليكم ورحمة الله وبركاته
البنات ط§ظ„ط°ط¨ط§ظ† هجم على داري وقبيح إلى جارتي عليها تقصدك وجه مباشرة و راني منقيا دار كل نهار نسيقها بالجافيل نمسح كلشي عندي منقي راه فيا واسواس ديال غسيل ؤ داري صغير كنغلب عليها و الله حتي عصبني كيزنزن و غير صغير مع حشاكم قريبا لي واحد بلاصة الناس الله يهديهم كيرمو فيها فضالتهم أعزكم الله ؤ منكدرش نرش دواء بنتي صغيرة

---

u,k,kd hg`fhk i[l ugdh>>>Hak, k]dv lui? ugdhHak,

اختي الدبان متيحملش الريحة زوينة رشي سانكروا ملي تكملي التسياق ومغاديش تلقيه قدامك المهم تكون شي ريحة في دارك

السلام عليكم مررت بمثل هذا المشكل ودا با الحمد لله الذباب كيكون غير فالجو الحار غنعطيك نصيحة ذهبية ديري الأدوية حتى تعياي يموت شي ويتولد شي لأن كيف قلتي كيرميو الفضلات إما اتفقي أنت والجيران سيروا لأقرب جماعة شكيو غيجيو يديروا ليكم صندوق كبير للقمامة وغيصبح المشكل محصور ويعملو لكم الدوا لم أقل لك دوي مع الناس اللي كرميو الزبل لأنهم أستغفر الله لا حياء لهم الناس كيتقربو لله في هذا العشر المباركة بالروائح الزكية وهم كيئذو الناس أختي كان دوا رخيييص وفعال وبدون رائحة يا الله خلصيني اللهم صل على محمد وعلى آل محمد اسمه آكتارا تجدينه عند بائعي مبيدات الخضر والحبوب وهو مبيد الدودة اللي كتجي للطماطم وراه لأخي واحد الفلاح جد فعال بدون لون ولا رائحة ثمنه 15 درهم ساشي كتعمليه في بيدو د 5 لتر ماء وضعيه في رشاشة ورشي قبل النوم واجي تشوفي الذبانة اللي دازت كتبقى تدور وتموت رشيه على الحائط واحترسي أختي لأنه كنت ديما كنلقى الذبان ميت فالأواني ديما نظفي وردي البال لبنتك إلى كانت كتحبو لتلتقط شي ذبانة وديريكت للفم الله يحفظ أولادنا وأولاد المسلمين أختي تمشي لمكان الأزبال وترشي باش تقضي على المصدر في سبيل الله تكوني مأجورة ومفعوله يدوم أيام تقدري ترشي كل ثلاثة أيام وحتى لا أنسى واحد السيدة كتبيع الخبز لقيتها ترش وسألتها وحكت لي عليه وزادت واحد الفائدة سأحكيها للأمانة قالت أن ابناتها جاهم القمل لأنها مسكينة كيضلو معاها فكترشو لهن فالليل وتغطي بمنديل والصباح يتغسل ومابقاش سبحان الله العظيم ولا تنسي أختي الاستغفار الذي يرفع الله به كل ابتلاء والصدقة التي تطفئ غضب الله سبحان الله وبحمده سبحان الله العظيم

karima éà شكرا لكي أختي على إهتمام حبيبتي 9ouati fi samti خلاصك الله شكرا لك على هذه معلومات غير هاد دواء واش نلقاه عند دروكري حيت بائعي مبيدات الفلاحة معرفتش فين نلقهم أما فيما يخص بنتي راها عندها ٢ؤنصف حمد لله

السلام عليكم و رحمة الله و بركاته

حبيبة علاش ما تديريش للنوافذ les moustiquaires والله أنا دايراهم و مهنية من الذباب، واحد جيرانا التحت الله يهديهم ، مرة مرة تا تطلع ليا ريحة الأزبال ديالهم قديمة تا تكوخ ليا الدار و تا تجمع الذباب، و تا تدير الناموس، و من نهار درت الشباكي ، تفكيت
لا دواء لا سموم حتى سراق الزيت ما تا يلقى منين يدخل، و الرتيلة قلالت و بوبريص و شنيولا ، كانو عندي دايرين ما بغاو

راه فعلا الحل الوحيد هو الموستيكير هو الحل الانسب كم قالت الاخت المشرفة حتى انا دايراه فالدا ر متيدورش عندي الدبان ولا غيرو