عندي فوبيا من الطائرة

السلام عليكم ورحمة الله تعالى وبركاته
اخوتي انا ط¹ظ†ط¯ظٹ ظپظˆط¨ظٹط§ من الطائرة حيت سامعة اعليها صعيبة فطلوع وفالهبوط
وانا كنخاف بزااااااااف من المرتفعات ان شاء الله غدي نمشي ناسبانيا فشهر 1-2019
ومن دابا كنفكر.. كنبات ونصبح نفكر فيها
حيت احنايا متعودين كنمشيو يإما فالباركو أولا فالنتشا ولكن هد المرة اللي كنا مجين فالباركو كان الطقس ماشي مزيان وهيداك خرج الباركو و بدا كيتحرك بزااااااااااف فالبحر كيمشي ويجي حتى الشهادة شهدنا وجينا جالسين فالأرض وقالونا متحركوشي ومتخرجوشي نالبالكون شوفنا الموت طنجة هاهي قدامك وهو مقدرشي يدخولا..
ما علينا دابا عائلتي قالولك صافي سالينا منو نبقو نمشيو فالطائرة ساعة ونص ها احنايا وصلنا
وانا كنخاف.. واش احتى انتوما فحالي أولا غير أنا فهد العالم اللي كنخاف منا..؟؟
وسمحولي بزاااااااف لهلا يخطيكم اعليا

---

uk]d t,fdh lk hg’hzvm

توكلي على الله وهرسي الخوف
ركوبها زين غير ديني معاك

شوفي اختي الصغيرة كانت بحالك ومتاتحمل تسمع على الطيران
اسبوع قبل سفرها جاتها دهشة وخوف
من بعد مسافرت ولات تتضحك على راسها
بنتي الله يصلح بالك
وبالسلامة

طمنتيلي قلبي الحبيبة ديالي شكرا بزااااااااااااف
وربي يرزقك التيسير

هاداك الخوف طبيعي ازين متديري فبالك والو طلعي و شهدي و توكلي على الله هادشي اللي كندير راه الموت علينا حق فالأرض وولا فالبحر وولا فالسماء لا تدري النفس بأي أرض تموت و الله يوصلك على خير

اري البيي والباس ديالك نمشي نجرب ونرد عليك الخبار ههههههههه
الالا تمشي بالسلامة وراحة البال

اختى معندك علاش تخاف بمجرد متركبي وتشوف الناس فالطيارة راكبين عادي غدي ترتاح
قبل متطلع قراي لقران
وكيف قالت سلمى ا لموت علينا حق فالأرض وولا فالبحر وولا فالسماء

السلام عليكم الله يعطيك حبيبتي عندك فوبيا المرتفعات حلها بسيط للغاية كاين فنيد يعطيه لك الدكتور تاخذه بحال إلى مسافرة على رجليك هههه قريبتي مسكينة كبيرة فالسن وبنتها برة ومتقدرش تمشي عندها مشات مرة وكانت غتحماق وخاصة أن ها فالرجوع كان الطقس غير صالح للطيران والمظيفة وزعت على الركاب جيلي للواحد فحالة إلى لا قدر الله سقطت الطائرة فالمحيط إوا ٱش غنحكي قالت غير المضيفة بدات تشرح كيفية استعمال الجيلي الإسفنجي وهي حماقت وغابت خصها هي تعاوها لكم هههه الموت ديال الضحك المهم السيدة مسكينة ادعيو معاها الله يشفيها ومرضى المسلمين مشات لطبيب نفسي ومتبعتش الدوا ولم تتحسن حالتها ودابا مقدراش حتى تمشي للحج رغم استطاعتها المادية أنصح الأخوات إلى كان شي مرض نفسي يمشو للأخصائيين ماأنزل الله من داء إلا أنزل معه دواء كما أخبرنا رسول الله اللهم صل على محمد وعلى ٱل محمد اللهم اجعل شفاءنا والمسلمين سهلا ميسورا

السلام عليكم

حتا انا فاش كنت غنسافر اول مرة كنت خفت و لكن اختي بالعكس كتطلعب فالطيارة عادي و كانك جالسة فغرفة فداركم و ما غادي تحسي بها لا فالطلوع و لا فالنزول

و كون المسافة كانت طويلة شوية بقيت كنقرا فالقران طول الوقت و كاع ما نعست و ما حسيتش بالخوف

انشالله غادي تغلبي على هاد الخوف بمجرد انك تركبي فالطيارة

أختي ماعندك مناش تخافي الامور جد بسيطة غير الناس الله اهديهم كيزيدو فيه حتى أنا أول مرة كانوا كيقول ليا أطلوع وأنزول واعر خاصك تندغي المسكة باش ميتسدو ودنيك ههههه الحمد لله داز كلشي مزيان محسيت لا بطلوع لا بنزول . الانسان اتوكل على الله و احيد الوساوس من راسو و مايكون غير الخير . طريق السلامة.

هههههه ختي والله متنزيدو فيه انا من الناس اللي كيدوخو فالطلعة والهبطة وفاش تتطلع الطيارة منقولكش على الودنين تيبداو تيصوتو والصداع الصداع حتى تتستقر الطيارة فالارتفاع عاد كيفوتني كولشي وزعما راه تنمشي فيها ديما هي اللي موالفة اما من ناحية الخوف اختي بنوتة مكاين لاش تخافي غادي تشوفي انو كاينين بزاف الناس معاك وكاين اللي كاع مكاين فهاد العالم ههههه