عفكم الحادقات دخلوا عونوني

السلام عليكم الزوينات لمهيم انا يلا تزوجت اسكنا غي مع راجلي اتشها ليا المرقة تاع الدجاج بالبطاطا او زيتون حمر و الحامض مسير ا انا بغيتكم تعطيوني احسن و صفه بغيتو ياكل الطبسيل من يكمل هههههههه انشاء الله غدا غادي نحط هدكشي لطيبت في المنتدى

---

ut;l hgph]rhj ]og,h u,k,kd

شكرا على تعاونكم نفعتوني بزااااف هههههههههه او هاد الشهيوات كلها احتى حد متعرف يدير لمرقه

اختي
خودي الدجاج شرمليه بالربيع والتومة والابزار ملح خرقوم بلدي سكينجبير شوية القرفة
شدي ليصلة شلضيها وعمليها فالطاجين وزيدي الدجاج وزويتة بلدية ورومية وخليه يتقلى مزيان زيدي كويس الما وخليه يطيب على عافية مهيلة
قطعي لبطاطا دوائر وستفيها فوق الدجاج بعدما تكوني قلبتيه مزيان
ملي يقرب يطيب دردري شوية الربيع ومطيشة وحيدة مقطعة والزيتون وطريفات الحامض حت تحس بيه تشرب وطاب ودردري شوية ابزار من لفوق
راه تيجي بنين وزوين

الله يخليك لراجلك ويدوم سعادتكم

تاخدي اختي تومة القزبر معدنوس والدجاج و البصلة مشلضة الاول ديري الدجاج في الطنجرة ولا لكوكوت مع العطرية سكين جبير ملح خرقوم البلدي الى بغيتي الملون اما من الاحسن لالا اما الى بغيتي لون شوية ديال الابزار والزيت زيتون شوية و العادية والدجاج وكاس صغير ديال الماء وتخليهم حتى يتشحر الدجاج مع التوابل و الماء و الزيت كيما قلت ليك من بعد تاخدي البصلة مقطعة وتزيديها على الدجاج
ملي تشوف الدجاج طاب زيدي البطاطا وملي تقرب الطيب ديري الزيتون الاحمر و الحامض المرقد ونتمنى اختي تعجبك كاين لي كيدير كل التوابل الدجاج البصلة في الدقة الاولى وبالصحة و الراحة

اختي انا باش تتجيني المرقة بنينة ديال الزيتون تنديرو يطيب معاها تيطلق البنة ديالو
قلي البصلة معا الدجاج زيدي التوابل : ملح ، ابزار ، سكين جبير ، خرقوم وشوية زعفران الزيت بلدية ورومية والربيع ، الحامض حت الاخير ومتكتريش الملح حيت الحماض اصلا مالح من بعد ديري الماء الكافي الدجاجا دغيا يطيب حطي كلشي في خطرة البطاطا ، الزيتون وخليها طيب غي تحسي بيها طابت حلي عليها الكوكوط وخليها تشحر باش لرقة تكون خاترة ، من الحسن طيبيها في مارميت
نتمنا الاخوات يجاوبوك ومتقلقيش لينا الحبيبة

ربي يخليكم دبا خاسني ندير لقرعة باش نعزل اش ندير ههههههههه الله يعطيكم منويتو في خاطركم الحبيبات

اللهم امين اختي
شوفي هزي من عند كل وحدة حاجة وطيبي وان شاء الله يجي زوين احسن من ديالنا
الله يسهل الامور اختي
غي زعمي راه تيجي زوين وساهل وراجلك غيفرح بيك

هههههههههه ضحكتوني صافي غادي ندخل في القرعة ونشوف احسن طاجين
غير زعمي راه ساهل ماهل غير هو ما ديريش الماء بزاف في المرقة و الدجاج فيساع كيطيب وتقدري ديما تنوعي تقلي لفريت وتحطيه ولكن شلظي البصلة وقوي منها شوية وديما نوعي وراجلك غادي يفرح الله يديمها عليكم اختي بالتوفيق

اختي انا كنتبع نفس طريقة الاخت دعاء القلوب و هي في الاصل طريقة ماما و خواتاتي
راه تيجي الطاجين بنييييين ما تشبعيش منو و بالصحة و الراحة مسبقا الحبيبة و مبروك الزواج الله يكمل بالخير

السلام عليكم

حتى انا جيت نساعدك اول حاجة غسلي الدجاج مزيان وعاودي حكيه بالحامض

وشلليه ثم وضعيه في شبكة باش يتسقطر

خودي طنجرة او طاجين لحبيتي وضعي الدجاج ديري معاه الربيع مقطع الثوم مهروس مزيان
وزيدي التوابل =بزار سكين جبير خرقوم ملح شوية السمن الحامض المصيرطريف والزيت خلطي مزيان
وزيدي البصل وكاس صغير ديال الماء وضعي الطنجرة فو ق اللبوطة او خليه يتقلى مزيان
ديري الروا الكافي عداكي تكتري مني تحسي بالدجاج بدا يطيب رمي البطاطا والزيتون وزيدي طريف اخر ديال الحامض
ردي البال مع الملح لان الزيتون والحامض مالحين
نتمنى نكون شرحت ليك مزيان وبالتوفيق ان شاء الله