عراضة عائلية من طق طق لسلام عليكم ههههههه

السلا ط¹ظ„ظٹظƒظ… و رحمة الله تعالى و بركاتة ثبت الموضوع من طرف أم أســـامة في تاريخه اليوم درنا هده العراضة و صورتها من الالف لياء باش نشارك بيها معاكم هده لعراضة ديرناها لغداء في الليل شرملت الدجاج وخليتو يشرب الشرمولة شرملتو بالقسبر و المعدنوس دانون مسوس عصير حامضة ثوم ملح ابزار سكين جبير زيت زعفران وجبدت اللحم من التلاجة خليتو يتحل خديت الخبز و كردتو و درتو في الصني ودخلتو لفرن باش يبس نصاوب بيه لاشابلير عجنت المسمن و خليتو يرتاح ثم عجنت بينيي قرصتو و خليتو يخمر و ديرت الدجاج يتفور و ملحت اللحم و ديرتو يفور ثم بديت نقرس المسمن درت المسمن و رزيزة بنفس العجين خديت صدر الدجاج و طحنتو مع القسبر و المعدنوس والثوم ديرت البصلة تشحر من دبالت البصلة زدت عليها الكفتة و التوابل من طابت الكفتة زيدت عليها الروز و الزيتون من يطيب كلشي حيدتها من فوق البوطة و زدت كاشيرمحكوك و حركت مزيان وبديت كنعمر لبريوات وجدتهم و غلفتهم ودخلتم الثلاجة ثم قليت لبنيي كان خمر وخديت الخبز ليبستو في الفرن و طحنتو و غربلتو و حطيتو على جنب من طاب الدجاج و اللحم طفيت عليهم صاوبت لاكريم شانتيي و دخلتها الثلاجة ومشيت نتفرج المسلسلات ديالي ههههههههههه في الصباح خملنا الدار مزيان ودخلت الكوزينة بديت كنصاوب لفلان درت بسكوي لتحت ثم طبقة ديال فلان بسطاج ثم طبقة ديال فلان شيكولا ثم عصير نافيل مخلط مع الماء ديال الفواكه المصبرة و حطيت قطع الفواكه المصبرة و زوقت بلاكريم شانتيي دخلتهم لثلاجة ثم خديت البطاطس و الجزر يتصلقو في ماء مملح وحكيت الجزر و قطعت فوقو القسبر و صاوبت عاصير الحامض وصلصة البطاطس ثم خديت الجزر المحكوك ودرتو يتقلى في الزيت وحكيت عليه كنورة ملح ابزار تحميرة زعفران سكين جبير قليت الجزر حتى دبال مزيان و نقص الحجم ديالو ثم بديت نقلي لبريوات خديت المرق لي فورنا فيه الدجاج سخنتو مزيان و رميت فيه الشعرية الصينية يلا كان المرق قليل سخني الماء و زيدي عليه خليها ترطاب غدي تشرب كل المرق شدي مقص و بداي تقطعي الشعرية الصينية و زدت عليها الجزر المقلي و رديتها فوق البوطة و انا كنحرك شوية و زولتها درت اللحم في صني دهنتو بالزبدة و دخلتو للفرن على عافية مهيلة باش يسخن و نزلتو لتحت باش يتحمر خديت الدجاج درتو في الدقيق ثم البيض ثم الشابلير ثم الى الزيت الساخن قطعت لكرم صغير جدا درت شوية سنيدة و عفستو شوية زدت الخل زيت ملح و حطيتو في الطباسة هو و صلصة البطاطس خديت البطاطس زدت عليها الزعتر شوية زيت و درتها فوق البوطة شوية خديت الجزر زدتلو زيت الزيتون و الكمون و درتو فوق البوطة شوية الجلبان درتلها المعدنوس زيت و الخل صلقت البيض و قطعتو و بديت كنحط الغداء هده الاطباق لي و جدت هدا شكل البنيي عمرتو بكريم باتسري بنسكافي حتى بغيت نحطو في الكوتي عاد عمرتو بالصحة و الراحة