عجينة العشر دقائق بألوان الربيع حصريا على أناقة

السلام عليكم اخواتي ، ليوم غادي نقدم لكم عجينة العشر دقائق لكن بطريقة مبتكرة و مع إضافات جديدة ، حاولت نخرج منها 5 ألوان أخرى غير اللون الطبيعي ديالها باش نعطيو لأطباقنا بهجة ورونق أكثر ، خصوصاً ملي نبغيو نحضرو أطباق لحفلات الأطفال لي عزيز عليهم الألوان … نتمنى تعجبكم وطبقوها نخليكم دبى مع الطريقة والمقادير :

مقادير العجين :
أول شيء غادي نحتاج نفس مقادير عجينة 10 دقائق الأصلية ، لفرق الوحيد ليدرت , دوبلت المقادير على 2 , و زدت خمارة الحلوة وزن 14 غرام في الأخير, اليكم الطريقة الأصلية :

تنحتاجو 2 كيسان فورص، 2 كيسان ماء، نصف كاس سنيدة ، و-2 معالق كبار خميرة الخبز .


نخلطو جميع هاد المقادير فإناء ونخليوها تخمر 10 دقائق






فالعجينة الأصلية ملي تخمر عاد تنزيدو الملح ونصف كاس زيت والفورص الكافي لجمع العجين
لكن أنا زدت حتى خميرة الحلوة فهاد المرحلة وماتنزيدش دقيق حتى تنقسم لخليط ديلي ف 6 أواني ونزيد
الملون ديل كل إناء عاد نزيد فيه دقيق

الألوان لي ستعملت موجودة فكل مطبخ ستعملت الخضر لي كانت موجودة عندي فثلاجة اللون الوردي درت فيه شوية الباربا مطحونة،اللون الأخضر طحنت شوية ديل سلق أو السبانخ لي كان، اللون البرتقالي سلقت شوية خيزو وطحنتو زدت عليه تحميرا ، اللون الأصفر ستعملت الخرقوم إصطناعي ، واللون البني ستعملت فقط بودرة الكاكاو و إحتفضت بشوية ديل أساس العجين طبيعي باللون ديالو باش اعطني لون أبيض .

باش اجيك اللون برتقالي زوين خاصكي تزيدي شوية تحميرا

ستفهم فلاطة وخلييييهم يخمرو مزيان عد دخلهم لفران