السلام عليكم. ط¨ظ†طھظٹ دابا سيمانة مكتاكل مكتشرب. عندها عام وشهر ضربها البرد ولا صدرها غير كيخرخر وكتكحب بزاف ونيوفها مسدودين كتنعس معدبة مزال مديتها للطبيب. ولكن اللي كيخليني مشطونة هو كتبقى كتر من 12 ساعة بالجوع غير تشوف المعلقة ولا الرضاعة بحال ايلا قرصتيها. ووخا تاكل شي حاجة تشدها الكحبة حتى التقيا عفاكم ط¹طھظ‚ظˆظ†ظٹ واش هدشي عادي شكون دازت على ولدها ولا بنتها تعاوني
ujr,kd fkjd lvdqm r’uhj hglh;gm
آختي آش أخرك على الطبيب خاصها الدوا باش الحالة ديالها ماتزيدش ديري ليها قويلبات ديال فليو دالبرد إلا لقيتي شي صيدلية يساعدوها شوي الله يشافيها
سيمانه قاطعه الماكله و مازال ما ديتيها للطبيب !!!!!!!!!!!! سيري جري بالبنت داويها ماكاين ما صعب من المرض مسكينه لعالم الله باش تتحس، الله يشافيها ياربي
هادو غيكونو الحلاقم هاكدا وقع لبنتي وكانت طلع ليها السهانة 40 ديها اختي للطبيب ضروووري متسنايش خاصها الدوا
نفس الحالة وقعت لبنتي تماما شي سيمانة دابا حتى هي مخنوقة و كتكحب وصدرها عامر والسخانة وكيف نحط ليها المعلقة في فمها ترضها ديتها لطبيبة خرجت ليا السيروم باش نغسل ليها بيه نيفها وواحد الرشاشة كنت فينما ندور نخوي ليها نيفها بموش بيبي وبداك السيروم. الصراخة هداك السيروم لنفعني كينقي ليها نيفها مزيان وخويه بعض المرات حتى كدوز ليها الدم مسكينة وندير ليها الرشاشة ومن الليل الليل كنسخن شوية الزيت العود ونهن ليها بيه صدرها ونغطيها ونعسها عاد بدات كتنفس من نيفها وتاكل ماشاء الله كيف موالفا اهم حاجة ماخاصكش ترخي عليها باش منزلش ليها داكشي لرئة الله يستر وتصدقي في الترويض الله يحفضها ليك
اختي اش كتسناي حتى تركبها الضيقة او يول عندها تعفن الله يستر من سدرها كيخرخر راه عندها التهاب انا ولد ضرب البرد كانت عند سبع اشهر وفي الليل تزير مشينا نجرو لقاو صدر عامر دار انبوب وبداو يخرج له تنخيمة حشاك وشحال صعيبة لهلا يورهالشي مسلم اختي بك هي الاولى
المرض فالأول تيكون العلاج ديالو ساهل أما الإهمال تيوصل لحوايج خايبين لهلا يمحنها مسكينة
المشاركة الأصلية كتبت بواسطة anastasi 
السلام عليكم. بنتي دابا سيمانة مكتاكل مكتشرب. عندها عام وشهر ضربها البرد ولا صدرها غير كيخرخر وكتكحب بزاف ونيوفها مسدودين كتنعس معدبة مزال مديتها للطبيب. ولكن اللي كيخليني مشطونة هو كتبقى كتر من 12 ساعة بالجوع غير تشوف المعلقة ولا الرضاعة بحال ايلا قرصتيها. ووخا تاكل شي حاجة تشدها الكحبة حتى التقيا عفاكم عتقوني واش هدشي عادي شكون دازت على ولدها ولا بنتها تعاوني أختي آبنتك تحتاح لطبيب ولفحص طبي من أجل علاجها لتسترجع بعدها شهيتها … ويا رب يشفيها ويشفي جميع مرضى المسلمين .
الله يشفيها ويعافيها ولكن نصيحتي ماتهمليهاش فأسرع وقت خذيها للطبيبة
سمحولي على التأخير. انقطع الأنرنيت بسبب رداءة الجو. ديك الليلة فاش حطيت الموضوع ديتها للمستعجلات حيت النفس ولا كيتقطع فيها. ايوا الله لا يوريكوم مستعجلات المغرب. الدكتور كتب ليها الدوا بلا ميشوفها ودبا كنتسنى نشوف واش تحسن شوية ولا نديها للبيدياتر.