السلام عليكم نداء الى ط§ظ„ط·ط¨ط§ط®ط§طھ الانيقات ما شاء الله عليكم
بغيتكم الله يجازيكم بخير تعتقوني فهاد المشكل 
المشكل ديالي هو البنة مكايناش فطيابي كسكس المرقة ………. اش غدي ندير
عفاكم لقاو ليا حل
انا راجلي ديما كيعيب ليا الماكلة وحتى قدام دارنا 
وانا مكنرضاش دابا اش غندير
اللي لقات ليا شي حل الله يكمل عليها بما نوات ياربي ويسهل امورها دنيا واخرة امين يارب
ujr,kd hg’fhohj uth;l
هاد الرابط يفيدك
اختي راه اهم خطوة فيالبنة ديال الطياب هي تشحار اللحم مزيااااااااان قبل ما تمرقي عمرك ماتزربي تروي
ديري بصلة موسطة مشلظة + 2 ضراس ثوم مدقوقين+زويتة + لحم اياكان+ سكين جبير بكمية اكبر من باقي التوابل + ملح+ خرقوم+ تحميرة+ ضامة البنة كنور ديال الربيع والزعفران الحر و 1 ملعقة كبيرة مطيشة ديال الحك ردي البال من الملح حيت هي مالحة وكنور مالح من الاحسن ماديريش الملح حتى للتاي وذوقي الا خاصك زيدي وخليهم اتشحرو على نار هااااااااادية مزيااااااان ومرة مرة تبقاي تزيدي الماء غير بالقطرة غير باش ماتحرقش العطرية وصافي ماتكثريش وتبقاي تحركي وخليك هد الطنجرة حتى تشمي ريحة طياب اللحم عاد مرقي غير لقياس لي يغطي لك اللحم وصافي ماتكثريش حيت هداك لي تيبسل الماكلة اوى سدي وخليه اكمل طياب
في نص طيابو زيدي الخضرة ديالك والا احتاج الماء زيدي ولكن غير بالقياس وصافي
ملي يطيب اللحم زوليه ونقصي النار وخلي المرقة حتى تعقد ماتبقايش تحركي بالملعقة غير هزي النطجرة وحركيها باش ماتعجنش لك الخضرة حتى تشوفيها عقدات وطفي اوى بالصحة والراحة
هدشي لي تندير تيجي بنيييييييييييييييين ماشاء الله لاقوة الا بالله
اي سؤال مرحبا