عاونوني الله يجعلها في ميزان حسناتكم

بسم ط§ظ„ظ„ظ‡ الرحمان الرحيم ط§ظ„ظ„ظ‡ يجازيكم كل خير ويعطيكم مكتمناو الما فيدوني لي عندها شي معلومة على الشق الشرجي من بعد الولادة جاني قبط والم خفيف بق كيجي ويمشي لكن هاد المرة جاني الم حاد مرافق بنزول دم اثناء التبرز مشيت للطبيبة عطاتني الدواء وقالتلي 20 يوم ورجعي باش نشوف الى مكان والو خاص عملية وانا تخلعت بزاف عندي التربية صغيرة والله حالتي ط§ظ„ظ„ظ‡ لي عالم بيها لي عارفة شي حاجة تفيدني بالحق اكون عن تجربة ماشي معلومات مت النت ط§ظ„ظ„ظ‡ لا يوريكم هاد الحالة ولا يوريها لشي انسان فوق الارض

---

uh,k,kd hggi d[ugih td ld.hk pskhj;l dpugih

اللهم رب اللناس مدهب الباس اشفني انت الشافي لا شفاء الا شفاءك شفاءا لا يغادر سقما

بسم الله

سلام أختي أولا خاصكي تحاربي القبط حاولي تشربي ماء دافئ فصباح وبقاي شوية أوفطري والله أختي عن تجربة وكولي برقوق يابس بزاف و بعدي نهائيا على خبز الزنقة حتا أنا كان فيا الشق و عطاتني طبيبة بومادة سميتها adfil ولحمد لله ألله يشافيك أختي

الى يشفيك أختي حولي تشربي 2 معالق كبار الزيت العود راه مزيان وعن تجربة

الله يجازيك كل خير اختي وينجيك من المرض

انشاء الله اختي الله ينجيك من كل مرض

سلام عليكم أختي الله يجيب الشفا من عند الله يلا كان عندك أختي القبط ديري الطماطم مع البصل محكوكين وكوليهم هكاك متزيدي معاهم حتى حجا راها كتنفع بزاف والله يجيب الشفا كنتمنى نفيدك

القبض هو العدو وهو السبب في الشق الشرجي حاربي أولا القبض بجميع الوسائل اللي معروفة الشريحة البرقوق على الريق شرب الماء بكمية وافرة أكل الباربا ومطيشة خبز الزرع النخالة ودانون وزيد وزيد وخودي كينات eucarbon حتى هي مسهلة ومكتأترش.
ولكن راقبي مزيان الشق بالنظافة عليك بالماء دافي مزيان على قدر اللي تستحملي وبيتادين بقاي تغسلي بيه ونشفي مزييييان ودهني كريم مرطب منها كتنظفي المنطقة ومنها كتحسي بالراحة كيهمد عليك الحريق واستعملي قوالب titanoroine في البداية لأن هي كتعمل بحال الحاجز بين البراز وجدار المخرج باش ميتجرحش. هادشي اللي تفكرت دابا وإلا عندك شي سؤال أنا رهن الإشارة لأن عندي تاريخ مع هاد المشكل.

امين اختي الله يعطيك مكتمناي