عاونوني الله ارحم الوالدين

السلام عليكم الاخوات بغيتكم تعاونوني بنصائح ديالكم ط§ظ„ظ„ظ‡ اجزيكم كل بالخير,
ولدي عندو ست اشهر يله بديت كنعطيه فالماكلة كنعطيها الخضر الصوبا كيشربها وفالكوتي كنعطيه التفاح اوالبوعويد بغيت نزيد نضيف ليه شحاجة واش ندير ليه السميدة فالليل ياكما كدير القبض حيت درت ليه الروز مع الخضر ودار ليه القبض وبغيت نعرف بالنسبة للحوم والحوت والقطاني الفرماج الياغورت الخبز امتى نبداهم ليه؟؟
سؤالي الثاني واش كاين شي علاج ديال الكزيما ولدي كاينة فيه فعنقو عفاكم جاوبوني واش كتبرا واش كترجع بعد العلاج؟؟؟؟الى شي وحدة عندها معلومة على هد الحساسية تفيدني راه كانت فيه قبل ما نبدا ليه الماكلا يعني ماشي من الماكلا.
سمحولية طولت عليكم الاسئلة ط§ظ„ظ„ظ‡ ط§ط±ط­ظ… ط§ظ„ظˆط§ظ„ط¯ظٹظ† والله اخلي ليكم وليداتكم ساعدو ختكم.

---

uh,k,kd hggi hvpl hg,hg]dk tags

ماشي حشوما عليكم 99 مشاهدة وحتى وحدة ماردات هذا ولدي الاول وماكاين ليعاوني عليه ولا اوريني وقلت الاخوات فاناقة غدي اعاونوني ومايبخلوش علي بنصائحهم؟؟؟؟

اختي. الا كان. كمل. ستة. شهور. خصك. تعملي جدول. يومي. للاكل. وتحافضي. عليه. انا. ربيت. بيه. ولادي. وعندي. دابة. توميات بنات. نفس. الجدول. والحمد. لله في صحتهم. الحمد لله. في. الصباح. تعطيه. رضاعتو. ديال. الحليب ومع.10. حكي. مطيشة. وزيدي. فيها شوية. الماء.يكون. مغلي سابقا. ولكن. مبرد. عادي. ونصف معلقة. سكر. مع. 12الخظر. مطحونة. ومتنسايش. ورقة. الخص باش. ميتقبطش مع 4تفاحة. طايبة. ومطحونة. بالماء ديالها. مع. حبات. من كاطو ماريا الداء ري. باليل السميدة. حمريها. في المقلاة. وعاد طيبيها. مع ملح. ومعلقة. نافع. وملي. طيب. طحنيها. في المولنكس كيشبع. وبالنسبة. لكزيما. ديه لطبيب من. الاحسن. والا. بغيتي. نكمل. معاك. الجدول.

الله حفظ ليك وليداتك احبيبة وتفرحي بيهم اه غير كملي لي مكرهتش نوع ليه فالماكلة الله ارحم والديك مع العلم كنرضعو طبيعي مكنعطيهش الحليب فالرضاعة
راه ديتو عند الطبيب وخرج لي واحد البومادا والحليب كنديرهم ليه ولكن مزال قلت زعما الى كانت شي حاجة طبيعية ولا شوحدة دازت فنفس المشكل تفيدني

السلام حتى انا كنت حايرة بحالك وحاليا ولدي عندو تسع شهور والحمد لله نظام الاكل لي بديت ليه من ست شهور وباقي غادة عليه كيفيق مع 8 كيرضع مني وكيرجع انعس مع 10 كنفطرو بحليبو مابين لفطور اولغدا كنعطيه دانينو او بيرلي مع الوحدة كنعطيه الصوبا كنطحن ليه خيرو بطاطا كورجيت مطيشة مرة معاهم اما شوية لحم او صدر دجاج او حوت لي مافيه الشوك وملي نبغي نطحنهم كنزيد ليهم كيري ومع الرابعة كنعطيه الديسير مطحون بشوية ليمون تفاح بعويد وملي توصل ثمانية كنعطيه سيريلاك ومع احنا فالدار كنسهرو كنعشيه مع 23.00 بسميدة مطحونة وكنزي فيها جوج معالق من حليبو كتشبعو بعض المرات ميفيق حتى لصباح وبعض الليالي كضربو الفيقة كنخشي ليه غير البزولة ويرجع ينعس نتمنى نكون فدتك مع العلم أني كنرضع طبيعي والبزولة مكنعطيهالو حتى نشبعو ونعسو بيها والحمد لله هاد نظام لقا عليه راحتو

الله ارحم والديك اختي والله الى هد النظام عجبني بزززاف ان شاء الله نتبعو لولدي ياربي اوافقو

اختي نظامي تقريبا بحال ديال الاخت ام محمد ورغد
بنتي قريب تكمل 11شهر
في الصباح كتفيق مع الفجر كنرضعها البزولة مع ديك التمانية اما نعطيها حسوة بسميدة اما الحليب ممعوسة فيه البابا تلع خبز الدار الا بقا فيها جوع كنعطيها دانون صغير
مع ديك 12 كنصايب ليها صوبتها اما مع طرف الحلم ولا الحوت ولا دجاج ولا نصف صفر بيضة
مع 3 كنعطيها بتيسويس صغير مع ديك 5 كنعطيها ديسير على حساب الموجود
والعشا مع ديك 8 كنصلق ليها بطاطة والكورجيت ونزيد عليهم فرماجة
مايبين هاد الوجبات كنعطيها حليبي
بالنسبة للكزيما خاصو ضروري تريتمو انا بنتي من عندها 3 شهر جاتها في حنكها
خرجت ليا طبيبة بومادا سميتها لوكابريد غير نقطعها ليها تعود ترجع ليها عاود ديتها عند طبيبة الجلد اخر خرجت ليا بومادا الحمد الله مشات منها
وكانت قاتليا الطبيبة راه غاتبقا تعود ترجع ليها حتى تكبر حيت جلدتها حساسة قاتليا فينما تجيها دهني ليها بنفس البومادا وبقاي ديما ترطبي ها ليا بمرطبات وكريمات متخليهاش ناشفا

السلام اختي تا انا بنتي هاد سيمانة تكمل 6 اشهر ومزال ماتنعطيها الا شوية الصوبا وعصير الفواكه ستافدت من موضوعك شكرا للاخوات عندي سؤال واش اللحم تا هو ودجاج ولحوت نبداوهم من 6 اشهر

انا في 7 اشهر بديت لبنتي اللحوم والدواجن
ولكن اول حاجة بداي بيها هو البيض.. ديري ليها نصف صفر بيضة تكون مسلوقة مزيان مع الخضرة.. حتى دوز مدة وتاكدي راه مضرهاش هاد دوزي اللحم والدجاج ماتفوتيش فيهم 15 غرام
انا من كنشري اللحم ولا الدجاج ناخد متلا صدر دجاج ونبدا نقطعهم طريفات صغار تقريبا 15 غرام نديرهم في ميكات تاع المجمد وندخلهم للفريكو وكل نهار ناخد طريف نطيبو ليها مع خضرتها

شكرا اختيي لقيتيني يلاه درت جدول بلي غانبدا نعطيها ان شاء الله نتبع هادشي لي قلتي لي الله يخلي ليك وليداتك