عاونوني الامهات

السلام عليكم انيقاتي نتمنى تكونو بالف خير
بغيتكم تعاونوني عفاكم انا بنتي هادي شي 3اشهر ولات كتحك عينيها فالاول كانت غير مني كيجيها نعاس مع انها مني دخل البرد ونيفها ما كيحبش غير نازل مع الوقت ولاو كيحمارو وكتقولي كياكلوني وعاد هي عندها الحلاقم كبار كيخليوها تشخر ولكن مامراضينش دوزت لها عند طبيبة عامة عطاتني الدوا وافقها وولات لاباس هاد الايام مني كتجي تنعس كتبقا تحك عينيها ونيفها كيتخنق وكتكون ناعسة وكتبقا تعطس انا شكيت تكون عندها حساسية ولكن مناش ماعرفتش وبغيت نديها لاختصاصي قلت نسولكم اخواتي الا كتعرفو شي اختصاصي فorlمزيان عطيوني عنوانه راه مابغيتش نهملها ونداويها ماحد يلاه بداها هاد الشي متبخلوش عليا اخواتي باي معلومة والله يجعلها لكم فميزان الحسنات ويحفظلكم وليداتكم واللي باق الله يرزقها الذرية الصالحة والف شكر

---

uh,k,kd hghlihj

يقدر يكون عندها حساسية من الجو الربيعي أختي
هاد الحساسية تيعنو منها الناس بزاف وفي فصل الربيع كتكون هكدا الأعراض ديالها سيلان في الأنف وإحمرار في العينين وألم في الرأس وعطاس ………
الله يشفيها أختي ، كيف ما قلتي حولي تعالجها محضها بقى صغيرة

أختي ماذكرتيش من أي مدينة أنت وشحال عند بنتك فالعمر

انا من الدار البيضاء

اللهم امين اختي ويخليلك كل عزيز وغالي
داكشي اللي بغيت ونتمنى من الاخوات ميبخلوش علي باهتمامهم

عندها 4 سنين

ببنتك ربما عندها حساسية فصل الربيع حتى انا ولدي هكدا كان بالحق هو زاد بيها من خرج من الكرش و هو كيعطس ولكن دبا الحمد لله نقصات منو

الحمد الله اختي والله يحفظه لك من كل سوء ولكن واش كنت متبعاليه شي دوا ولا مع الوقت فاتو

انا كان ولحي كيبقو مناخرو سايلين من كيدخل البرد حتى كيسخن الحال وسدرو كيولي يدير بحال الصوت ديال المش والطبيب تيقول لك الى كانت زيادة كتمشي من كيدير 5سنين ولكن كنت متبعا ليه من طبيب لطبيب اخر طبيب واحد اختصاصي في امراض الصدر والحساسية في مراكشن

نعم أختي هادي حساسية ، وكتكون بزاف في فصل الربيع ، ديها للطبيب غادي يديرلها التحاليل ويشوف مناش كتجيها واش الفراش ، الغبرة ……..؛ إلخ ، ويقدر يكون عندها بزاف أنواع ديال الحساسية ، الله يشافيها